ازاي انتظم علي الصلاءه حقيقي مش عارفه حاولت اصلي فتره و اقطع و اصلي و اتقفل مره واحده و انا كل يوم بحس بالذنب و مش بصلي و زعلانه جدا عملت حاجات كتير جدا زي ان اقوم اصلي اول ما الاذان يأذن اتعلمت الصلاءه الصحيحه من الشيخ الدكتور عمر عبد الكافي و ارتحت جدا و كنت فرحانه اوي قعدت اسبوعين مواظبه و فجاءه قطعت انا بفضل اعيط ان مش عارفه اصلي علطول بتخنق و اكسل جدا اما اجي اصلي😭
شوفى ايه الحاجة اللى بتخليكى مكسله وبتكونى بتعمليها وانتى بتفكرى فى الصلاة او لما يجى وقت الصلاة. لو ماسكة الموبايل يبقي سيبيه قبل ما يجى وقت الاذان اصلا لو ع السرير او الكنبه قومى من عليهم احرمى نفسك من وضع الراحه ده لان هو السبب فى الكسل
تم النشر الجمعة، ٧ أبريل ٢٠٢٣
اقرئي كتاب فاتتني صلاة انا من وقت ما قريته قليل خالص لما فاتتني صلاة اهم حاجت الهمة والنية وبإذن الله ربنا يقدرك ويعينك علي طاعته يارب 🤍
تم النشر الثلاثاء، ٤ أبريل ٢٠٢٣
علشان انت حسباها غلط .. شايفه انك بتأديها لمجرد انها فرض عليكي فعاوزة تخلصي من الواجب ال عليكي مش اكتر .. الصلاة مهرب العبد من الدنيا الى ربه ... حضرتك مستشعرة عظمة الوقوف بين يدي الله 💙 ... انت محتاحه تعرفي بس ان كل ما اهمك شي في الحيوة الدنيا عند الي مش عاوزة تقابليه ولا تصلي له .. ودايما ادعي ب "اللهم اعني على ذكرك وشكرك وحسن عبادتك"
تم النشر الثلاثاء، ٤ أبريل ٢٠٢٣
أولاً اعلمي أن العلماء أخفهم قالوا أن تارك الصلاة فاسق وأكبرهم قالوا أنه كافر، فترك الصلاة ليس مسألة بسيطة أو اختيارية بل هي فرض. ثانيًا هناك طريقة بسيطة لجعلك تلتزمين بالصلاة وهي تليق بالكُسالى :) تستيقظين من النوم للفجر وتصلين. قبل العصر ب20 دقيقة تتوضئين وتصلين الظهر..ولما يؤذن العصر تصلينه أيضا. قبل العشاء ب20 دقيقة تتوضئين وتصلين المغرب..ولما يؤذن العشاء تصلينه. فهكذا صليت أربع صلوات بوضوءين. هذه الطريقة تجوز ولكن الأجر يكون أقل، لكن هي طريقة جيدة للإنتظام واستخدمتها مع نفسي. وبعدما تنتظمين صلي الصلوات في أول وقتها. --- أما الأخت التي نصحتك في أيام العذر الشرعي أن تتوضئي ثم تقعدي تقرأي الأذكار فهذا الفعل ليس بجيد وهو فعل مُبتَدَع لم يأت به أحد قبل ذلك. فلا تفعليه.
تم النشر الثلاثاء، ٤ أبريل ٢٠٢٣
طب بعد الاسبوعين دول هتعملى اي تبدأي تصلي السنن بقا ، انتى مستغربة صح هقولك ع حاجه ، احنا كلنا مضيعين صلوات كتير ف حياتنا ف عشان كدا لازم ع قد ما نقدر نحاول نعوض تضييع. الفروض بالسنن ، هقولك بجد عارفه مثلاً انا لما ببقا تعبانه ، وكدا ولازم أقوم اصلي وكدا ، وانا بصلي السنن ويصلي الفروض ، أقوم مثلا لو تعبانه اصلي الفرض بس ، ف لما تلتزمي بالسنن كمان هتلاقي نفسك بجد بتعرفي تلتزمي باافرض
تم النشر الثلاثاء، ٤ أبريل ٢٠٢٣
بوصي يا وردة يا جميلة ، اول حاجه لازم نفهمها احنا كمسلمين ، الصلاة دي فرض واجب علينا ، بمعنى أن انتى ملكيش حرية الاختيار تصلي ولا لا ، طب أنا أعمل اي بقا طالما كدا ، بوصي يا حبيبة قلبي اول حاجه الدعاء ، تذللي إلى الله سبحانه وتعالى ، قوليله يارب يا مجيب الدعاء انا نفسي اصلي ، نفسي ترضى عني وتقربني ليك ، ادعي بأي لغة انتى عايزاها ما لازم تبقي حافظه ادعيه ، قولى اللهم اعني على ذكرك وشكرك وحسن عباد٥، اللهم يا مقلب القلوب ثبت قلبي ع دينك ، اللهم يارب غيرني لحال ترضاه ، طيب بعد الدعاء بقا نعمل أي ، انتى خلاص دعيني واخلصتي النية لله ودعيتي من قلبك ، ابدأي بقا اتدربي ع صلاة الفروض الأول هقولك حاجه ، اول خطوة لازم تعمليها عشان تهذي نفسك صلي الفجر ، اظبطي منبه فونك وقومي صلي الفجر تمام ، هتلاقي شيطانك ونفسك الأمارة بالسوء بتقولك لا ، متقوميش ، بس ورد الجميلة هي إلى هتقول لنفسها ، كدا لا انا هغلب شيطانى ،طب ورد هتعمل اي ، اول حاجه أنها تظبط المنبه وتحطه ف اخر الاوضه بحيث تقوم من السرير تعمل مجهود وتجيب الفون ، وبعدين ما انتى ممكن تقومي تفصليه وتنامي لا ، بوصي قومي كدا وقولى اعوذ بالله من الشيطان الرجيم ، واغسلي وشك بشوية ميه بس ، اغسلي وشك كدا وهتلاقي نفسك فوقتي ابدأي اتوضي بقا ، وصلي هتلاقي كمية سكينة ف الوقت ده لا تحصى وانتى ساجدة بقا اتذللي لربنا يارب اصلح قلبي يا رب انت القدير المجيب اصلح قلبي لحال ترضاه ، وادعي بقا كتير يا ستى يب بقيت الفروض ، انتى تجهزي نفسك قبل الآذان بعشر دقايق تبقي متوضية ، هتحسي.كدا أن نص الحمل انزاح ، طب وبعدين تستنى الآذان وترددي الآذان مع المؤذن واستشعريه هوا بيقول الله اكبر ، الله اكبر منى ومنك ومن كل حاجه ، الله اكبر واعلى من كل حاجه بتعمليها دلوقتي حسي الكلمة الآذان لما يخلص قولى اللهم رب هذه الدعوة التامة والصلاه القائمة آتي سيدنا محمد الوسيلة والفضيلة والدرجة العالية الرفيعه وابعثه اللهم المقام المحمود الذي وعدته أنك لا تخلف الميعاد ، رضيت بالله ربا و بالاسلام دينا و بمحمد صلى الله عليه وسلم نبياً ورسولا ، وبعدين تقومي تصلي الفروض بتاعتك هتستمري ع الحوار ده أسبوعين
تم النشر الثلاثاء، ٤ أبريل ٢٠٢٣
وإيام البريود قومي وقت كل صلاة اتوضي واقعدي مثلا سبحي واستغفري ، أرجو أن يفيدك بجد
تم النشر الثلاثاء، ٤ أبريل ٢٠٢٣
لعرض السؤال في فدني اضغط هنا