السلام عليكم ورحمه الله وبركاته
ممكن احد يفيدني بخصوص مجال التداول وانا طالب وعايز اساعد نفسي وأهلي وانا بجد معرفش اسيب كليتي وادور ع شغل لاني ف كليه عمليه وضغط جدا وشفت فيديوهات كتير عن المجال ده هل هو حقيقي وممكن اعرف اساعد نفسي منه بجد ولا اي
نصيحه وبالنسبه لموضوع التداول في البورصه البورصه للاسف معموله للناس الكبار. يعني. حضرتك هتدخل فلوسك صغيره فلوسك قليله هتتحول للعبه في ايد الناس دي. في حاجه اسمها في البورصه الميكرز دول اللي هم الناس اللي معاهم الفلوس اللي بيتحكموا في اسعار الاسهم. يرفعوا السعر بمزاجهم ينزلوهم مزاجهم حضرتك هتتحول للعبه في ايديهم وهتخسر فلوسك. لعبه غير مضمونه بالنسبه لاي حد فلوسه قليله ولا يجيد مهارات التداول. انصحك بالتجاره يعني التجاره حاجه هتشتريها. اشياء ملموسة تشتريها وتبيعها وتكسب. دور على حاجه تكون مطلوبة وسهل بيعها واشتغل فيها لكن بالنسبه للتداول بصراحه لعبه غير مضمونه بالمره وخاصه للناس اللي بتدور على فرصه لانها تتنفس. فرصه ان هو يغير حياته ويكبر انا اتعاملت في الموضوع لمده سنه كامله وعندي خبرات برمجيه كبيره جدا وعملت ادوات وبرمجيات تساعدني في الشغل ده وتديني تنبيهات ومع ذلك الموضوع غير امن بالمره وخطر جدا. فنصيحه بلاش نصيحه. بلاش ابعد عن الموضوع. لان انت بتدور على فرصه عشان تغير بيها او تساهم بيها تزود دخلك هتلاقي نفسك بتضيع واعصابك بتتحرق وفلوسك بتضيع لحساب الميكرز او الهوامير انا اسف على الاطاله بس دي نصيحه انا لازم اقولها لما لقيت حد بيسال عن الموضوع بعد التعامل لمده سنه كامله وخساره مش قليلة. وتحياتي يا فندم.
تم النشر الثلاثاء، ١٧ ديسمبر ٢٠٢٤
التداول ياصديقي بيتطلب خبر كبيرة عشان تجني من وراه ارباح وكونك طالب فبالتأكيد وانا اسف في كلامي بس دي الحقيقة حضرتك اكيد معندكش الخبر دي ولكن ممكن تفتح مشروع بسيط مع صحابك تشارك شخص بفلوسك ممكن تنشأ ويب سايت لبيع الاشياء الاشياء دي بتتطلب خبرة اقل بكتير والمخاطرة في شبه معدومه مقارنتاً بالتداول ولو اتسع صدرك ليا حضرتك عشان تحقق الأرباح المأموله انت محتاج مبالغ محترمه مع العلم أن فيه مخاطرة فدا بيزود فرصه الخسارة ودا طبعا شيء مش مقبول مع شخص زي حضرتك بتحط فلوسك عشان تكسب مع العلم إن في التداول نسبه الخسارة بتتخطى نسبه المكسب والسوق في التداول متقلب جدا لدرجة انت مش ممكن تتخيلها
تم النشر السبت، ٢١ ديسمبر ٢٠٢٤
وعليكم السلام ورحمة الله وبركاته، أخي الكريم، التداول هو مجال حقيقي ويعد إحدى الطرق التي يمكن من خلالها تحقيق الأرباح، ولكن يجب أن تكون على دراية جيدة بأساسيات هذا المجال قبل أن تبدأ. إليك بعض النقاط المهمة: التعليم والمعرفة : من الضروري أن تتعلم قواعد التداول، استراتيجيات السوق، وكيفية تحليل البيانات. يمكنك البدء بقراءة الكتب أو الانضمام إلى دورات تعليمية. المخاطر : يجب أن تكون واعيًا أن التداول ينطوي على مخاطر كبيرة، ويمكن أن تتعرض للخسارة مثلما يمكنك تحقيق الربح. لذلك، من المهم أن تدير أموالك بحكمة. التوازن بين الدراسة والتداول : لأنك طالب، يجب أن توازن بين دراستك والتداول. لا تدع سعيك لتحقيق الأرباح يعيق تعليمك أو يؤثر على أدائك الأكاديمي. البحث عن مصدر موثوق : تأكد من استخدام منصات تداول موثوقة ولا تنجرف وراء وعود الحصول على أرباح سريعة وكبيرة، فهذه غالبًا ما تكون مضللة. في النهاية، إذا كنت ترغب حقًا في دخول هذا المجال، ابدأ بالتعلم والتجربة ببطء، وكن دائمًا حذرًا. إذا شعرت بأن الضغط الدراسي قد يؤثر على أدائك، قد يكون من الأفضل التركيز على دراستك أولاً. وفقك الله في جهودك!
تم النشر الخميس، ١٢ ديسمبر ٢٠٢٤
انصحك بالإستماع لبعض الإستفسارات من هذا الشخص
تم النشر الأحد، ١٥ ديسمبر ٢٠٢٤
بالنسبه لمجال التداول للأسف معظم تريندات النت بتروج التداول الحرام علينا كمسلمين. فقبل ماتفكر هل هو بيكسب او لا اتأكد الأول هل المضاربات دي حلال ام حرام. لو شاكك او فيه شبهه بلاش منه.
تم النشر الخميس، ١٢ ديسمبر ٢٠٢٤
هل انت ف هذا المجال
تم النشر الأحد، ١٥ ديسمبر ٢٠٢٤
نعم بمجهود منك لفهم تفاصيل الإستثمار والتداوي
تم النشر الأحد، ١٥ ديسمبر ٢٠٢٤
شكرا جزيلا لك لكن هل هذا حقيقي وهل ممكن يكون مصدر دخل
تم النشر الأحد، ١٥ ديسمبر ٢٠٢٤
لعرض السؤال في فدني اضغط هنا