السلام عليكم أنا دلوقتي شغاله الحمد لله ومش مخطوبه ولا حاجه فعايزه اقتراح لو هجمع كل فتره من الفلوس بتاعه شغلي جزء اشتري بيه حاجات جهاز واشيلها ولا اعمل ايه ولو حد هيقولي هاتي دهب هو المبلغ اللي اقدر احوشه مش هيجيب حاجه دهب ولا حتي حاجه صغيره فحد يقترح عليا حل لو اتوفر معايا حاجه اعمل ايه..مع العلم اني شغلي من البيت فمش بشتري لبس خالص رغم اني نفسي والله بس بقول حاجات أولي من حاجات ومش بجيب حاجه لنفسي خالص فهل برضو اجيب لنفسي مثلا جزمه عجباني شنطه فستان بيجامه... مش عارف ايه كدا ولا زي ما بقول حاجات بسيطه ل الجهاز ولو هجيب حاجه لبس اشيلها برضو ولا ايه
وعليكم السلام طبعا خلي فى توازن ..مره هاتى حاجة لنفسك من احتياجاتك ومره هاتى حاجة شيليها بس خلى بالك هاتى الحاجات اللى تكون الموضه بتاعتها مش هتفرق .,..مثلا ملايات ساده ,..لكن منقوشه بلاش طقم صينى يبقى لونه فاتح ومدور ..لان الحاجات المربعه ممكن موضتها تبطل وتزعلى انك جيبتيه مثلا متشيليش لبس خالص وربنا يقويكى واستفيدى لما تجيبى حاجة بالعروض اللى بتنزل فى محلات زى رنين وشاهين وهكذا
تم النشر الأحد، ١٨ فبراير ٢٠٢٤
مش غلط انك تشتري حاجات رغم انك مش مخطوبه حتى لو محصلش نصيب فيما بعد ممكن بعد كدا تستخدمي الحاجات دي مثلا لو جبتي شاليه او شقه فيما بعد طالما انتي عادي بتعرفي تتحكمي ف رغبتك للحاجه و بتفكري بطريقه كويسه انك تشتري بيها حاجه تنفعك فيما بعد بس بردو متخليش ف نِفسك حاجه حوشي فلوس ماشي للجهاز بس سيبي حبه من المرتب إنك ترفهي عن نفسك و تجيبي اللي نفسك فيه
تم النشر الاثنين، ١٩ فبراير ٢٠٢٤
أكيد المفروض كنتي تجهزيهم لما الدولار كان عامل بالمصري فحدود من15:16ج عشان قبل كده اكيد كنتي لسه ما اشتغلتيش بمرتب مجزي لشراء مجوهرات الدهب عموماً والماس خصوصاً متحرك أو متقلب فصعود أو طلوع ونزول أو هبوط لكن فرش السرائر وأجهزة المعيشة الخمسة الأساسية البتجاز والتلاجة والسخان والغسالة والشاشة وأدوات ومعدات المطبخ يفرقوا جامد لانهم اجدد لكن الساغة أو الصاغة أو المصوغات جدتك أو تاتا أو نينا جبتلكم إذا خالتك وعمتك لم يهادوكي مامتك كذلك.
تم النشر الثلاثاء، ٢٠ فبراير ٢٠٢٤
لو تعرفي انواع قوليلي
تم النشر الأحد، ١٨ فبراير ٢٠٢٤
لعرض السؤال في فدني اضغط هنا