باختصار كان حصل بيني وبينه مشكله وبعدنا عن بعض قعدنا 5 ايام مش بنتكلم وهوا عملي بلوك ف انا عملتله بلوك بس ف اليوم 4 لما اتاكدت فعلا ان هوا عامل بلوك ف هوا ف ال 5 ايام دول دخل كلم Best Friend بتاعتي وقالها ف الاول انها تبقا Best Friend بتاعتو وبعدين قالها ان هوا عايز يتقدم ليها وفضلو يتكلمو مع بعض وكان بيدعي ف الشات انها تكون من نصيبو وكل دا هيا كانت رافضه وهيا سالته عليا قالها احنا سبنا بعض رغم ان دا محصلش وفضلو يتكلمو مع بعض وقالها ان هيا متقوليش حاجه خالص وهيا فعلا عملت كدا ولما هيا رفضت ترتبط بيه قالها انا هقول لخالتك انك كنتي مرتبطه راحت هيا عملتله بلوك.
المهم انا عرفت بعدها ب ايام ف كلمته وعاتبته وقالي انا كنت بهزر معاها وطلب يقابلني عشان يتكلم معايا كنت رافضه ف الاول وبعدين وافقت ف اكتشفت ان هوا كان عايز يصالحني ولما لقاني قفله وشي و رافضه تمام قعد يقولي طب افتحي الواتس بتاعي عند هوا والفيس واللهي مش هعمل كدا تاني و حقك عليا وفتحلي الواتس بالفعل وانا كنت رافضه خالص راح واخد موبيلي وعمل لنفسه بلوك مكالمات و واتس وراح مديني الموبيل و ادايق ومشي وسابني وانا مش عارفه اتصرف ازاي اكلمه ولا افضل كدا ولا هوا هيكلمني
سيبك من عشان ده لو مكانتش عند Ge friends أصحابي مش هيبصوله
تم النشر الخميس، ٢٨ مارس ٢٠٢٤
بيهزر معاها!!!!!!! وانتي اقتنعتي!!؟؟؟ حبيبت قلبي احمدي ربنا انه كشفهولك قبل ما يحصل حاجه وابعدي عنه وقربي من ربنا وربنا هيعوضك بالحلال وهيريح قلبك دا شخص غير جاد ومحدش هيندم غيرك والله لو اتجوزتو ربنا يرزقك بالزوج الصالح ويقربك منه ويبعدك عن اي حاجه بتغضبه
تم النشر الأربعاء، ٢٧ مارس ٢٠٢٤
دي علاقة محرمة و من الواضح إنه شخص غير جاد وبيتسلى بيكي إنتِ وصديقتك ويمكن بناس أكتر و كمان بيهدد ! إبعدي عن الشخص دا وإحمدي ربنا إنها جت منه ومش هيضايقك ويحاول يوصلك تاني.. إنهي التواصل معاه وركزي في دراستك وحياتك العمليه وإعرفي إن لما ترتبطي بشخص يكون داخل من البيت مش علاقه عباره عن تواصل على الواتس اب وبلوكات ومقابلات من ورا الأهل صدقيني كل دا مش حقيقي ولو بيحبك فعلا هيقدرك ويتقدملك مش هيكلم صاحبتك ويعملك بلوك ويعمل حركات الناس اللي بتتسلى دي إنتِ أغلى من كدا
تم النشر الثلاثاء، ٢٦ مارس ٢٠٢٤
طيب انتي مستنية ايه بعد ما حاول يكلم صاحبتك .. ويقولها في الاول لا خلينا بيست فريند؟ ولا وبعد كده يقولها ندخل في علاقة ارتباط؟ انتي شايفة بعد ده كله انه شخص جاد فعلا؟ ده ولا بيحب صاحبتك ولا بيحبك .. هو بس بيلف على كل واحدة شوية وبيتسلى بيها ولا اكتر ولا اقل. حافظي على نفسك واعملي بلوك ومتتكلميش معاه تاني.
تم النشر الثلاثاء، ٢٦ مارس ٢٠٢٤
سبيك منو تعايزة يتسلي
تم النشر الجمعة، ٢٩ مارس ٢٠٢٤
ده لامواخذه يعني عايز يتسلي مع اي بنت فيكم اما يكلمك انتي وبعد كدا صحبتك انتي يا بنتي بصي لنفسك وبصي لحياتك ومستقبلك واصبري نصيبك قاعد ليكي وحياه ربنا
تم النشر الثلاثاء، ٢٦ مارس ٢٠٢٤
علاقة حرام٠*
تم النشر الثلاثاء، ٢٦ مارس ٢٠٢٤
لعرض السؤال في فدني اضغط هنا