ازاي انظم نومي وامنع النوم الزايد
الحوار هياخد منك وقت حوالي اربع او خمس ايام بالكتير اوي اولا هتجيب نوع برشام اسمه نايت كالم هتيجي مثلا ع الساعه عشرة بليل او حداشر ع حسب انت عايز تنام امتى هتاخد حباية هتقعد حوالي نص ساعه وهتنام وتظبط المنبه بتاعك ع الساعه ٨ مثلا او اي وقت انت حابب تنام فية وتحاول متنامش تاني ف وسط اليوم وتشغل يومك بحركه ومجهود حتي لو جوا البيت وتيجي بليل ع الساعه عشرة بردو تحاول تنام من غير البرشامه لو نمت خير منمتش متاخدش برشام وافضل حاول لحد ماتنام وتصحي ف نفس الوقت اللي صحيت فيه اليوم اللي قبلة هتلاقي نفسك اتعودت تنام بدري وتقوم بدري مع الوقت
تم النشر الخميس، ٨ يونيو ٢٠٢٣
اقعد يوم سهران لحد ميعاد النوم اللي عايز تظبط ميعادك عليه و خلي حد يصحيك وقت ما انت عايز تصحي خليك علي الموضوع دا يومين بالظبط و هيتعدل ميعاد نومك
تم النشر الأربعاء، ٧ يونيو ٢٠٢٣
حكايه النوم وتنظيم الوقت دي بتكون تبعا للمسؤليه ودي تبعا للشخصيه بس انت ممكن تطورها عن طريق انك تدي لنفسك معاد نوم ومعاد استيقاظ بمعدل ٨ ساعات بس يعني قبل تعديل الوقت كنت انا عن نفسي كنت بنام من الساعه ٩ الي الساعه ٥ يعني تقريبا ٨ ساعات علي اساس ان العشاء بتآذن ٨.٥والفجر ٤.٥ بس حاليا من ١٠ ل ٦ او ٥ حتي في اوقات الدراسه لو بتدرس دي احلي اوقات المذاكره
تم النشر الأربعاء، ٧ يونيو ٢٠٢٣
تقعد 24 ساعه من غير نوم وتفوق نفسك في اليوم ده بكل الطرق و بعدها تنام في الميعاد اللي عايز تنام فيه الليل وهتصحي بعدها يبقي كدا ظبط نومك عن تجربه
تم النشر الأربعاء، ٧ يونيو ٢٠٢٣
نامى ٦ او ٧ ساعات فقط و لو مرهقه ٨ ساعات مش اكتر من كدا علشان كتر النوم بيحببك في النوم اكتر
تم النشر الثلاثاء، ٦ يونيو ٢٠٢٣
متهربش من المسؤوليات اللى عليك بالنوم الكتير خلص حاجات كتير قبل النوم على قد ما تقدر ... اول ما تصحى خد دش ساقع .. اخرج من الاوضه او افتح النور باضاءة عاليه
تم النشر الثلاثاء، ٦ يونيو ٢٠٢٣
لو انت من الأشخاص الي طبيعتها بتحب بتنام كتير هتبقى صعبة شوية بس انت هتتعب يومين الاول و بعد كده هتتعود اول يوم اظبط منبه مثلا انك تصحى ١٠ الصبح و ده مش المعتاد عندك مثلا و تكون طول اليوم بتعمل حاجات تقرا حاجه او تمسك الموبايل المهم ضيع الوقت انك متنامش طبعا هتيجي على ٨ أو ٩ بالكتير هتكون نعسان البس و انزل أخرج تعالا ١١ مثلا لما تقعد حبه و تغير و تتعشى بقت ١٢ ادخل نام و كرر الموضوع ده مرتين تلاته هتلاقي نفسك اتعودت و بعدها ابقى نام ساعتين في نص النهار انا عن نفسي بصحى بدري و بنام بعد الضهر شوية و اصحى اكمل اليوم عادي
تم النشر الثلاثاء، ٦ يونيو ٢٠٢٣
ما تقعدش في البيت
تم النشر الخميس، ٨ يونيو ٢٠٢٣
ابحث ع اليوتيوب كيف كان ينام الرسول جرب واحلامك هتصحا
تم النشر الأحد، ١١ يونيو ٢٠٢٣
حاول مارس الرياضه حتي لو نصف ساعه علي الاقل
تم النشر الثلاثاء، ٦ يونيو ٢٠٢٣
لعرض السؤال في فدني اضغط هنا