السلام عليكم،
المس بتاعت الدين قالت لنا ان لو واحد اتكلم علي واحد، التاني اللي اتكلم عليه برضو هيتكلم عليه مع واحد، الكلام ده حقيقي ولا لأ،، طيب لو حقيقي اللي بيتكلم علي حد اللي هي الغيبه والنميمه، هيتعذب صح؟،
طيب لو فعلاً ان حد اتكلم مع حد علي شخص الشخص التاني هيتكلم عليه،، بس اللي اتكلم الاول هو الغلطان، يبقي مين اللي ياخد ذنب اللي اتكلم الاول ولا اللي اتكلم التاني ولا ايه،، لانه لو مكنش الشخص الاول اتكلم التاني اكيد مكنش هيتكلم، لانه ربنا هو اللي هيخلي الشخص التاني يتكلم على الشخص اللي اتكلم عليه
وعليكم السلام ورحمة الله وبركاته، أختي العزيزة، إن موضوع الغيبة والنميمة في الإسلام يعتبر من الأمور التي يجب على المسلم أن يتجنبها بشدة، لما لها من عواقب وخيمة على الفرد والمجتمع. تغتابين أو تتحدثين عن شخص غائب، سواء كان ذلك ردًا على ما قيل عنه أم لا، فإن الفعلين يمثلان نمطًا غير صحيح في الحديث. فيما يخص سؤالك، إذا كان شخص ما قد تكلّم عن آخر بنميمة أو غيبة، فإن الفاعل الأول هو الذي يعتبر مذنبًا. ولكن إن قام الشخص الثاني بالحديث عن الشخص الأول بدوره، فإنه أيضًا يحمل وزر هذا الفعل. لذلك، إن كان الشخص الأول هو من ابتدأ الكلام السيء، فإنه يقع عليه جزء من الذنب، ولكن الشخص الثاني يتحمل ذنب الحديث أيضًا. الأفضل هو أن نحاول التغاضي عن أخطاء الآخرين ونتجنب الرد بالمثل. الإسلام يعزز قيمة الحلم والتسامح، وكل منا مسؤول عن أفعاله. لذا، علينا أن نسعى إلى تحسين أسلوب حديثنا والابتعاد عن ما يسيء للغير، ومحاولة حل النزاعات بطريقة إيجابية ومباشرة عند الحاجة. نسأل الله أن يهدينا جميعًا إلى ما يحب ويرضى.
تم النشر الثلاثاء، ٤ مارس ٢٠٢٥
السلام عليكم، بصي يا أسماء، الغيبة والنميمة طبعا حرام وذنب كبير. أنا بالأول افتكرت إن المدرسة أكيد قصدها بس (من نم لك نم عليك) يعني مش أي حد يتكلم معاك عن حد تاني بالسوء أو كلام في حق التاني إن الشخص ده بيحبك ومش هيتكلم عليك انت كمان في ظهرك. بس مش شرط عشان إن واحد اتكلم في ظهر واحد إن الثاني ده هيتكلم في ظهره وربنا مش هيخلي حد يعمل حاجة هو حرمها عشان يحمله ذنب ويحاسبه عليه (وإذا فعلوا فاحشة قالوا وجدنا عليها آباءنا والله أمرنا بها قل إن الله لا يأمر بالفحشاء أتقولون على الله ما لا تعلمون) ربنا مش هيأمر بسوء أو حاجة فيها ذنب. الأول هو اللي ارتكب الذنب أصلا فليه ربنا يخلي الشخص المظلوم واللي اتنم عليه إنه هو كمان يعمل ذنب؟ فأنا مش فاهمة إيه دليلها على الكلام ده. الشخص الثاني أصلا ممكن ميبقاش عارف إن فيه حد بيتكلم عليه أصلا ومش شرط، ولو حصلت هتبقى صدفة أو إن حد وصل له كلام إن فلان قال عليك كذا فيقوم هو الثاني رادد. إذا هيرد يدافع عن نفسه بكلام حقيقي وينفي تهم متوجهة له من غير ما يُسيئ للشخص الأول فتمام، لكن لو دخل في غيبة ونميمة لمجرد الغيبة والنميمة والانتقام من الشخص اللي جاب سيرته فده اتحسب عليه ذنب غيبة ونميمة.
تم النشر الثلاثاء، ٤ مارس ٢٠٢٥
وعليكم السلام ورحمة الله وبركاته، بصي، النميمة حرام وذنبها كبير، وربنا نهى عنها. في بنات فعلًا بينمّوا على بعض، لكن مش معنى إن واحدة اتكلمت على حد، إن التانية لازم تردّ عليها أو تنتقم. مش شرط تكون نمّامة عشان تردّ، لكن لو نقلت الكلام أو شاركت فيه، يبقى وقعت في نفس الغلط. بالنسبة للعذاب، النميمة من الكبائر، وربنا قال في القرآن: "(ولا تطع كل حلاف مهين • هماز مشاء بنميم)" يعني الشخص اللي بينقل الكلام بين الناس ده شخص مذموم عند ربنا. والنبي ﷺ قال: "لا يدخل الجنة نمام" وده دليل إن النميمة مش ذنب بسيط، دي حاجة تحرم صاحبها من الجنة! طيب مين اللي ياخد الذنب؟ لو حد بيتكلم على حد بالنميمة، وسامعُه ردعه وقاله "لا تكمل"، يبقى الشخص اللي بيتكلم هو اللي يتحمل الذنب لوحده. لكن لو سامعُه ما صدّهوش، بل كمل معاه وسأله عن التفاصيل أو أظهر اهتمام، يبقى هو كمان شريك في الذنب. مين فيهم ياخد ذنب أكبر؟ ده عند ربنا، لكن الفكرة إن أي مشاركة في النميمة غلط. أما بالنسبة لموضوع القضاء والقدر، فربنا كتب لنا مصيرنا، لكن إحنا اللي بنختار طريقنا. زي امتحان، الأسئلة مكتوبة، لكن درجتك بتحددها أنت حسب إجابتك. فإنتَ حرّ في اختياراتك، وربنا بيحاسبك عليها.
تم النشر الثلاثاء، ٤ مارس ٢٠٢٥
كنت متأكده انه هيطلع غلط، شكراً جزاكي الله خيراً
تم النشر الثلاثاء، ٤ مارس ٢٠٢٥
الغيرة والنميمة بتخرب بيوت وبتنهى حياة ناس وبتدخل النار
تم النشر الأربعاء، ٥ مارس ٢٠٢٥
تمام، أنا فكرت إنها بس قالت زي ما أنتِ كاتبة في السطر الأول، إنه بس الشخص التاني هينم عليه مش إن ربنا هيخليه ينم عليه... هو كلام غلط عامة.
تم النشر الثلاثاء، ٤ مارس ٢٠٢٥
المس اللي قالت كدا، مش انا
تم النشر الثلاثاء، ٤ مارس ٢٠٢٥
ليه قلتِ ربنا هيخلي الثاني يتكمل على الأول اللي تكلم عليه؟
تم النشر الثلاثاء، ٤ مارس ٢٠٢٥
الاثنين غلط قال النبى صلى الله عليه وسلم افعل يا ابن ادم كما شأت كما تودين تودان
تم النشر الثلاثاء، ٤ مارس ٢٠٢٥
انا مش بتكلم علي حد ومحدش بيتكلم عليا،، والموقف ده محصلش اصلا معايا بس بسأل بس
تم النشر الثلاثاء، ٤ مارس ٢٠٢٥
طبعا دي أخطر عاده في الدنيا كلها والله عز وجل شبه العاده دي كان واحد بيأكل لحم أخيه وهو ميت لما فيها من كوارث من هذه العاده فممكن أن يحدث قتل اوحرب او مشاكل لا تنتهي بسبب هذه العاده فلو عرفتي أن شخصا تكلم عليك في غيابك من الأفضل أن تواجهيه بكل احترام وتتأكد من كل شي فاحيانا يحدث أن أشخاص تحب الافساد في علاقة الناس ولتفادي ذلك لابد من المواجهة
تم النشر الثلاثاء، ٤ مارس ٢٠٢٥
لعرض السؤال في فدني اضغط هنا