انا مش فرحانة في حياتي انا مريت بحجات كتير مؤذية مبقتش بثق في الناس اللي حواليا لان كل حد قرب مني اذاني انا طول الوقت دماغي مش فيا بفكر كتير بتوجع كتير عندي نغذات في قلبي كتير مش قادرة اركز في اي حاجه بعملها حسه اني متلخبطة دايما معنديش شغف اني اعمل اي حاجه كنت بحبها حسة انا كل الناس مش كويسه مش بيحبوا الخير لغيرهم دايما صحابي بيقولوا ان نظرتي متشائمة للحياة هما صح ممكن بس بجد انا مش قادرة اكمل مش قادرة انسي اللي مريت بيه و اكمل عادي ولا اكن اي حاجه حصلت ايه اللي حصل؟؟ حبيت واحد و عملت كل حاجه اقدر عليها عشان اخليه مبسوط و خاني في الاخر و قالي انا الغلطانة و اذاني بطريقة بشعة..... صاحبتي المقربة ليا شافت صديقة تانية ليها و بدلتني بقت بتنزل معاها و تعمل كل حاجه معاها و رمتني و نسيتني و جيت اعاتبها طلعتني غلطانة دا غير صحاب كتيرر عملوا كدا و دايما لما اجي اعاتب ببقي انا الغلطانة بحس دايما كل صحابي اللي حواليا بيحقدوا عليا مع اني بحب الخير ليهم انا مش وحشة والله.... انا بقيت بتعصب بسرعة بضايق كتير و ممكن علي اتفه الاسباب بقيت بتكلم مع نفسي كتير بكلم نفسي في المرايا حسة اني بقيت مجنونة بعيط كتير عندي مشكلة في الاكل كل حاجه حواليا بتدمر و دايما حسة ان الماضي بيطاردني مش راضي يسبني في حالي انا اول مره اوصل للمرحلة اللي انا فيها دي دلوقتي مبقتش انااا اناا اتغيرت و مش عارفة اللي انا فيه هيتصلح ولا لا
هيتصلح... كل دا هيتصلح تعرفي ليه؟ عشان ربنا ارحم بينا من امهاتنا واقرب الينا من حبل الوريد، انا مش بقول كدا عشان اواسيكي وخلاص لا والله انا بقولك كدا من تجارب كتير حصلت قدامي. هحكيلك قصة بنت اتوقع انها نفس سنك كانت متابعة معايا ارجوا انك تقريها للآخر، هحكيهالك باختصار... هي كانت بتقولي انها كانت بتصلي ومع ربنا لغاية اما باباها ومامتها انفصلوا وسابوها في سن ١٨... عمها خدها تعيش معاه، مرات عمها مكانتش بتعاملها حلو، فقطعت صلاة وسابت دراستها وبرده اتجهت لنفس الاتجاه بتاعك واتعرفت على شاب ووثقت فيه وسابها.. حاولت تنتحر وفشلت اتجهت انها تؤذي نفسها وتدمر صحتها عشان حسب كلامها تموت موتة ربنا وقررت تصلح اللي عملته بقا عشان تدخل الجنة اما تموت. المهم بدأت تصلي الفجر، بدأت تخلص جزء من القرآن كل يوم وكانت بتقولي انها هتحاول تختمه كل شهر اعتقد دلوقتي عملتها، بدأت تخرج تتمشي مع نفسها وتاخد كتاب معاها وتقرأ برا البيت لغاية اما نست اللي كان في حياتها وبطلت علاج والحمد لله اتحسنت بنسبة كبيرة ودلوقتي اعتقد انها اتحسنت تماما. قصة حقيقية والله مش من وحي الخيال وفيها تفاصيل كتير بس انا اختصرتهالك ومن أكتر الحاجات اللي بتقويني وتعرفني قد ايه ربنا رحيم بس نرجعله ونطلب منه المساعدة🩷
تم النشر الثلاثاء، ٤ يونيو ٢٠٢٤
تم النشر الاثنين، ٣ يونيو ٢٠٢٤
اول حاجة حقلك انو هاي مرحلة طبيعية بمر فيها كل شخص الي هي فقدان الشغف بالحياة وبالدراسة وبالشغل وبالنفس وبكل شي حواليكي ف حاولي انو تخلي شخصيتك تكون اقوى من نفسك بانو عندك امل وتفاؤل بانو الي جاي افضل.. ثاني حاجة بالنسبة للثقة بالناس ف دا المفروض انو متثقيش بحد عطول لا صديقة ولا حبيب لانو الثقة بالمواقف ومين وقف معك بالمواقف ولو باقل حاجة ساعدتك بالموقف دا هي الي خليكي معها وبرضو يوم بعد يوم وموقف ورا موقف حتعرفي صحبيتك دي دورها ايه بحياتك وتقيمي مدى رابطة الصداقة بينكو وبالنسبة للحبيب المفروض تبقى عينك مفتوحة وعقلك موجود مش بس قلبك يحب ويطب ملوش بالباقي المفروض تكوني منتبه لتحركاته وافعاله ووقته بيعطيه لمين بس معلش الي حصل اهو تجربة بتتعلمي منها وتعيديهاش وتخلي قلبك يحب الا لما تتاكدي انو الشخص فعليا يستحق قلبك وحبك ووقتك.. ثالث حاجة بقى تخص الثقة بالنفس لازم تكوني واثقة من نفسك وتكوني ثقيلة مش قصدي انك خفيفة انما اقصد انو حاولي تعطي الشخص قد ما اعطاكي يعني فاجئتك صحبيتك وانتي فاجئيها وابقي ابعتي صباح ومساء الخير بس مش ضروري كل يوم بالمقابل هيا لازم تتذكرك وتبعتلك ولو ادايقتو من بعض تخكو لبعض وتعاتبو بعض.. وكمان خلي عندك ثقة انو انتي حد كويس وحلو وبيتعلم من اخطاءه وتجاربه ف لهيك مش مجبورة تكوني منيحة مع الكل في المقابل محدش شايف او مش واخدين بالهم اصلا او اهتمام خفيف.. اوك؟
تم النشر الاثنين، ٣ يونيو ٢٠٢٤
أنا حاسة جدًا بيكِ، وبفهم الألم اللي بتمري بيه. أوقات كتير بنحس إن الحياة بتضغط علينا بمواقف وأشخاص بيوجعونا، وده بيخلينا مش قادرين نلاقي السعادة أو الشغف اللي كان جوانا. أول حاجة، مهم تعترفي لنفسك إنك قوية وإنتِ عديتِ حاجات صعبة. لازم تعطي نفسك الحق إنك تزعلي وتأخذي وقتك للتعافي. الحزن والوجع مراحل طبيعية ولازم نعدي بيها. ثاني حاجة، جربي تكتبي مشاعرك على ورق. جربي تخلي ده روتين يومي، زي كتابة مذكرات. الكتابة ممكن تساعد في تنظيم الأفكار وتخفيف الألم النفسي. ثالث حاجة، جربي تمارسي شيء بتحبيه كان بيجلب لك السعادة في الماضي حتى لو حسيتِ إنك مش عايزة تعمليه دلوقتي. زي القراءة، الرسم، أو حتى المشي في الطبيعة. الأنشطة دي ممكن تساعد في تحويل تفكيرك وتغيير مودك. بخصوص الناس اللي أذوك، اعرفي إن مش كل الناس زي بعض. حاولي تدي فرص جديدة لأشخاص جدد وأهم حاجة تكون حذرة وتختاري الناس اللي بتدخلهم حياتك بعناية. مش كل الناس هيجرحوك، بس لازم تتعلمي ترسمي حدود وتحمي نفسك. كمان، إذا حسيتِ إنك مش قادرة تعدي بشكل لوحدك، ممكن تروحي لمعالج نفسي أو مدرب حياة يساعدك في توجيهك للطريق الصح. مفيش عيب في طلب المساعدة، بالعكس ده بيدل على قوتك ورغبتك في التحسن. وفي النهاية، حاولي تكوني رحيمة بنفسك. إنتِ مش الوحيدة اللي عدت بالوجع ده، وكل مرة بنعدي فيها بوجع، بنقوى أكتر ونتعلم حاجات جديدة عن نفسنا وعن العالم حوالينا. خدي الأمور خطوة بخطوة، والأهم إنك تؤمني بقدرتك على التعافي. إنتِ مش مجنونة، إنتِ إنسانة قوية وبتحاولي تتعامل مع مواقف صعبة. وأنا هنا دايمًا لأي دعم تحتاجيه.
تم النشر الاثنين، ٣ يونيو ٢٠٢٤
لعرض السؤال في فدني اضغط هنا