السلام عليكم
انا شاب عندي ٣٥ سنه بشتغل في مكان كويس متزوج وعندي اطفال مشكلتي اني دايما مخنوق وضعيف الشخصية اوي دايما بميل للجلوس لواحدي ممكن يكون السبب في ده أهلى لاني من وانا صغير كنت لواحدي وكانو بيتحكمو فيا بطريقه بشعه حتى اكتر اوقات في حياتي كنت بكون فيها مبسوط زي اني اخد درجات كويسه في المدرسه كانو بيتعمدو انهم يكسرو فرحتي وكان اليوم ده بيتقلب لاسود يوم في حياتي من الضرب والاهانه لحد دلوقتي علامات الضرب موجوده في جسمي كبرت واتوظفت واتجوزت وبعد جوازي بسنه لقيتها اتحولت ١٨٠ درجه اصبحت عنديه جدا عايزه تكون متحكمة في كل حاجه تكون هيا صاحبه القرار تعبت من حياتي معاها كل يوم بيتخانق لانها شايفه انها احسن مني واهلها احسن من اهلي فكرت كتير في الانفصال بس بتراجع علشان الولاد لاني مش عايز اسبهم معاها ولا ياخدو طبعها المقزز. منفتره اتعرفت على زميله في الشغل وحبينا بعض لدرجة كبيرة وفعلا اتجوزنا بس كان في السر بس اهلها بعدوها عني ورجعوها لطليقها ابو اولادها على الرغم من انها كانت بتكرهه . افيدوني اغير من شخصيتي ازاي
حسي ما فهمت فاعتقد انكم مفتقرين جدا للتفاهم بينكم فاول خطوه لازم تقعدو مع بعض فتره كبيره وتتكلمو اكتر ولحل مشكلتك دي انا ارجع وبشده تقراء كتاب لغات الحب الخمسه وانا اراهن انه هيحللك مشكله دي بنسبه ٩٠٪ طبعا بالاضافه ان موضوع شخصيه ده عشان تطوره فلازم تبقي اجتماعي اكتر عارف ان ده صعب جدا ولكن لازم حتي عشان اولادك روح لاي اجتماعات احتك اكتر بالناس من جميع الفئات اتعامل مع الناس الحلو والوحش واتعلم الناس بتتعامل ازاي في المواقف المختلفه (طبعا مع مراعاه ما يطابق الدين) وبس
تم النشر الأحد، ١٤ أبريل ٢٠٢٤
عليكم السلام ورحمه الله وبركاته. انا عايزه اقول لك الزيتونه بتاعه موضوع انك شخصيتك تكون ضعيفه قدام الناس اللي قدامك سواء اب وام سواء زوجه سواء زمايل ايا كان احساسك بنفسك هو اللي هيحدد للي قدامك اذا كان في مساحه هو يقدر يتحكم فيك بها ولا لا يعني انت طالما طول الوقت شايف نفسك من جواك حتى لو ده مش ظاهر عليك من بره لان في ناس كده مش ظاهره عليها خالص ان هي شخصيتها ضعيفه لكن الانسان جوه ما بيبقى شايف نفسه قليل وده طبعا يعني وارد جدا ويعتبر هو اقرب حاجه بالنسبه للكلام اللي انت وصفته عن مرحله الطفوله. انك حاسس دايما ان انت قدراتك قليله بما ان اللي قدامك دايما بيجي عليك وبيقدر يوصل ان هو ياذيك ويعلم فيه كمان صورتك قدام نفسك هي نفس سوره الطفل لا حول له ولا قوه وما يقدرش يعمل حاجه غصبا عنك شايف نفسك في الوضع ده. اللي قدامك بيحسب ده وخصوصا لما يكون هو اصلا عنده نزعه السيطره والتحكم فلما يلاقيك كده هيبدا ياخد مساحه كبيره في ان هو هيبقى عارف انه لما يقول لك احنا هنعمل كذا وما فيش غير كده ان انت هتيجي في مرحله وهتعمل اللي هو بيقول عليه ومش هتعمل غير كده. فبنبدا من النقطه دي ان احنا نبقى. صورتنا قدامنا تتغير. زوجته غالبا قعدت اول سنه دي تتاكد انك ينفع ان هي تمشي كلامها عليك وان هي تتحكم فيك وتضغطك ولا لا؟ وخليني اقول لك انه مهما كانت الست فهي مش حابه ان هي تلاقي الراجل اللي قدامها ببساطه كده يعني وبالبلدي مش قادر عليها.
تم النشر الأربعاء، ١٧ أبريل ٢٠٢٤
وعليكم السلام ورحمة الله وبركاته .. هي امتى اتغيرت معاك؟ هل فيه مشكلة حصلت خلتها تتغير كده؟ ولا علشان شافتك بعيد شوية بتحب تقعد لوحدك كتير، فبقت حاسه انها هي اللي بتاخد كل القرارات لوحدها!
تم النشر الأحد، ١٤ أبريل ٢٠٢٤
لعرض السؤال في فدني اضغط هنا