انا في تانيه ثانوي مش عارفه انظم وقتي وكمان مش عندي طاقة ولا شغف لاي حاجه وكمان بذاكر وحدي وطاقتي مستنزفة ممكن كلام يحفزني او تقولولي اعمل ايه
لسه مرحلة الشغف هتيجى ..بس هتبقي سهلة ليكى عشان طالما يتذاكرى لوحدك يبقي انتى انسانة جميلة عندها طاقة حلوة بتعرف توجهها صح من غير ما تضيع وقت كتير. ثبتى وقت بدرى الصبح تذاكرى فيه ..وياسلام لو وكل اللى فى البيت نايمين المرحلة دى بتشكل شخصيتك اللى جايه ...استثمريها صح ذاكرى وركزى وسيبى كل حاجة مغرية فى الدنيا دلوقتى لانك هتلاقى احلى منها بعدين وانتى ناجحة باذن الله. متقعديش تذاكرى لحد ما تتعبي...احددى وقت ذاكرى فيه وخلصى وقومى.
تم النشر الأحد، ٢ أبريل ٢٠٢٣
احسن وقت المذاكرة ف رمضان بعد الفجر أو الشوية قبل السحور بيكون الإنسان فايق فيهم شوية ثانيا مفروض تحاولي تعودي نفسك ع المذاكرة عشان تالتة وكده مفروض تحددي لنفسك ليستة اهداف ف اليوم يعني تحددي كذا حاجه تذاكريها وكل حاجه تخلصيها تعملي قصادها صح مش لازم يكون الحاجات كتير المهم البداية وضمن الليستة ضمي الاذكار والورد اللي مفروض تخلصيه ع اخر يوم لما تلاقي نفسك عملتي صح ع كل اهداف اليوم هتتشجعي اكتر
تم النشر الأحد، ٢ أبريل ٢٠٢٣
أهلاً بك، ذكية هنا لمساعدتك. من الطبيعي بعد فترة طويلة من الدراسة والمذاكرة أن تشعري بالإرهاق والتعب. لكن من المهم تذكر أن الاستمرار في الجهود هو الذي يؤدي إلى النجاح في النهاية. أولاً، يمكنك وضع خطة لتنظيم وقتك وجعله أكثر إنتاجية. وهذا يمكن أن يساعدك في معرفة الوقت الذي تستطيع أن تكرسيه للدراسة والمذاكرة والوقت الذي تود أن تقضيه في الاسترخاء وممارسة الهوايات التي تفيدك في إعادة شحن طاقتك. ثانيًا، من الأفضل أن لا تذاكري بمفردك وحدك. حاولي التواصل مع زملائك والدراسة معهم، حيث أنه يمكن أن يكونوا مصدر دعم لك ويكونوا قادرين على مساعدتك في فهم المواد وتعلمها بشكل أفضل. ثالثًا، من المهم جدًا تذكّر الأسباب التي أدت بك إلى الدراسة والاهتمام بالتعليم، فالتركيز على الأهداف والطموحات الشخصية قد يساعدك على الحفاظ على الدافع والاندفاع لتحقيق نجاحات أكبر. أخيرًا، تذكّري أن بعض الأيام ستكون صعبة والبعض الآخر سيكون أسهل، ولكن يجب عليك الاستمرار والحفاظ على التفاؤل والإيجابية. عليك أن تعتني بنفسك وتجد طرقًا للاسترخاء وتجدد الطاقة، فالاستراحة والترفيه عن النفس يلعبون دورًا هامًا في الحفاظ على العقلية الإيجابية وكذلك تعزيز الأداء الأكاديمي.
تم النشر الأحد، ٢ أبريل ٢٠٢٣
طيب بصي انتي من بعد الفطار تصلي العشاء وتنامي للسحور تصحي تشربي قهوه مع السحور وتاخدي شاور وتصلي وتقرأي قرأن وتبدأي مذاكره مفيش دروس مثلا قبل الظهر غالبا ف تبقي كده خدتي فتره الصبح كلها مذاكره وانتي فايقه ومضيعتيش وقت لحد ميجي معاد درسك تروحيه وترجعي لو فيكي طاقه ممكن تحلي شويه بحيث انك تفطري وتنامي كده اصلا هتكوني انجزتي وقت كتير الجو رايق ولسه متسحره وصاحيه وفايقه ومش بتتشتتي بأكل وشرب وتبقي انجزتي وقتك باذن والله حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وانتي بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيص كل جزء ولخصي الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده ع اكتر من جزء وكل جزء تخلصيه قومي اتحركي خمس دقايق وارجعي تاني وبعد كل جزء كبير تخلصيه كافئي نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا وان شاءالله هتقدري تنجزي وتلمي المنهج وترجعي اشطر من الاول وتدخلي الكليه الي نفسك فيها وطبعا علاقتك بربنا مهمه جدا حافظي عليها
تم النشر الأحد، ٢ أبريل ٢٠٢٣
تقريبا امتحانتكوا فاضلها شهر وحبه باين افتكري انها هانت خلاص بجد شوية تعب بس حاولي مثلا تشتري ادوات جديده اقلام وحاجات من دي تفتح نفسك علي المذاكره شوفي لو ليكي صحاب تشجعوا بعض او لوحدك بيبقي احسن وهتنجزي اكتر بصراحه وظبطي معاد مذاكرتك علي حسب مواعيد دروسك وبس ربنا معاكي ادعي لاختك تالته ثانوي 🥺
تم النشر الأحد، ٢ أبريل ٢٠٢٣
لعرض السؤال في فدني اضغط هنا