لو فى حد هكر اكونت حد انا اعرفه(صديق والدى) وانا بعتله فلوس للاسف على اساس انه قريبى على رقمه هل فى طريقة ارجع بيها الفلوس مع العلم مباحث الانترنت بعيد عنى اوى ومش هقدر اوصلها
بتقولي إنك بعتتي الفلوس على رقمه .. وهو صديق والدك.. هل إنتِ أرسلتي على رقم الشخص المخترق ؟ في الحاله دي تقدري تروحي لأقرب قسم وبتقدمي بلاغ نصب وإحتيال وإنتحال شخصيه وبتأكدي عليهم أن الدعوى .. هتطبعي محتوى المحادثه بينكم و الرقم المرسل ليه الفلوس ولو عرفتي تكلمي المخترق وتخليه يعترف بطريقه غير مباشرة زي إنك تقولي اللي حصل وهو يأكد عليه لأنه هيكون دليل قوي في القضيه ملحوظة مباحث الانترنت لازم هتاخد الايميل ورقم السري الخاص بحسابك اللي عليه المحادثه مع المخترق و لينك حساب صديق والدك ( المخترق ) ولينك حسابك مع طباعه الإسكرينات اللي بتثبت الأمر و طباعه رساله إرسال المبلغ في النهايه القضيه هتشتغل وهيجيبوا الشخص المخترق و فلوسك هترجعلك
تم النشر الأحد، ٣١ مارس ٢٠٢٤
https://www.elwatannews.com/news/details/6793186
تم النشر السبت، ٣٠ مارس ٢٠٢٤
طب انت مش محتاجة تروحي ليهم لمكانهم مجرد بس الاتصال بيهم هتقدمي بلاغ وفية طريقة تانية برضوا وهي عمل محضر مباشرة عن طريق موقع النيابة العامة
تم النشر الأربعاء، ٣ أبريل ٢٠٢٤
وانا معايا اسكرينات بيثتبت كلامى
تم النشر الأربعاء، ٣ أبريل ٢٠٢٤
دخل كلمنى ساعة الفطار من الاكونت بتاع صاحب والدى وقالى ابعتى فلوس للرقم دا فكرته مثلا عاوز يبعت فلوس لحد بس عنده مشكلة في حسابه وكدا فبعت الفلوس فعلا وبعدها رجع طلب مبلغ اكتر فرنيت على صاحب الاكونت اللى هو صاحب بابا قالى لا الاكونت اتهكر وطلب من اكتر من حد فلوس وانا مقدم ششكوى فيه حاولت اجاريه فى الكلام لحد ماقولتله انا هبلغ عنه وكدا مباحث الانترنت فقالى الفلوس وصلت وانى مش هقدر اعمله حاجة يعنى ولما روحت اقدم بلاغ فى مباحث الانترنت لقيتهم نقلوا لمكان بعيد عنى بتاع ساعتين مثلا فى نفس محافظتى وامين الشرطة قالى اروح لمباحث الاتصالت اقدم بلاغ الاول لما رجعت لقيت الاكونت اتقفل للاسف قبل ما اقدم اى بلاغ
تم النشر الأربعاء، ٣ أبريل ٢٠٢٤
نظراً لاني بشتغل في شركة من شركات التكنولوجيا في مصر ، فمر عليا حالات كتير زي كدة بس عشان اقدر افيدك لازم تفاصيل اكتر من كدة شوية
تم النشر الأحد، ٣١ مارس ٢٠٢٤
وهل فعلا الفلوس ممكن ترجع؟
تم النشر السبت، ٣٠ مارس ٢٠٢٤
لعرض السؤال في فدني اضغط هنا