انا كل لما اشوف حد مرتين كده احس اني بكراش عليه اوي و بحب جدا من غير حتي ما نتكلم و لما نتكلم احس بقرف منو و مش عاوزه اكلمو و انا ازاي كنت بكراش علي حد كده و اسيبو و هو يكون متعلق بيا شويه أو هو بيحسسني ب كده و اعرف في نفس الثانيه انو بيكلم واحده تانيه ف ابقي عاوزه ارجعلو تاني انا بقرف اوي من نفسي من كتر ما بيحصل كده و بتخنق برضو أن هو طلع اصلا يعرف واحده تانيه و ده مش واحد ده كذا واحد بحس العيب فيا مع اني حلوه و ناس كتير بتقول شخصيتي حلوه بعيد عن الحب و اي حاجه
انتي عندك كام سنة؟ مافيش حب بيجي من كلام مرة او اتنين ، دا اسمه انجذاب فطري بين بنت وولد، والدليل على انه مش تعلق ومش حب ، انك لما بتتكلمي وتبداي تعرفي الشخص على حقيقته واخلاقه وتفكيره واسلوبه بتلاقي انه مش كويس وحل الانجذاب دا او الكراش انك تحفاظي على حدود الاختلاط بالشباب والرجال .. يبقى الكلام في حدود الضروري لو حاجة مهمة بس هتتكلمو فيها ، وبدون اطالة النظر للشخص دا ، ولو بتتقابلو في مدرسة او دروس او نادي ، خلي دايرة صحابك اغلبها او كلها بنات ، ومتطوليش التعامل او الخروج وسط دايرة صحاب اخلاقها مش مناسبه ليكي، ومتسمحيش لحد يعدي حدوده في الكلام معاكي ، سواء كان زميل او قريب غالب الشباب في فترة المراهقة والجامعة، بيبقى بيكلم بنت واتنين وتلاتة ، ويوهم كل واحدة ان مافيش غيرها في حياته ومبيحبش حد غيرها ومبيبقاش عايزها تسيبه ، والبنت اللى بتتساهل في الكلام مع الشباب، بيفتكرو انها بنت اخلاقها مش كويسة ويبدأو يتعاملو معاها على اساس دا ويتهاونو بيها وبتكون سيرتها في الاخر مش حلو وسط زمايلها .. لو انتي لسه سنك صغير، حاولي تحفاظي على مشاعرك وقلبك في الفترة دي ، لانها فترة سهل تنجذبي فيها لاي شاب ومبتكونش مشاعر ولا حب حقيقي، ومتعلقيش قلبك ولا تفكيرك بأي حد، لان انتي اللى هتتعبي في الاخر . حاجة اخيرة كمان البنت اللي مشاعرها وقلبها غالي عندها، وبتحافظ على اخلاقها وعارفة حدود دينها وحدود التعامل ، بتتقدر بين الشباب وبيحترموها غصب عنهم، ومحدش بيقدر يتلاعب بيها، لانهم عارفين انها جد ومش هتقبل باي علاقة برة حدود الخطوبة والجواز ومعندهاش وقت ولا بتسمح لا بكراش ولا بصحوبية ولا اي تنازل لحد ميستاهلهاش. خدي بالك من قلبك عشان انتي جميلة وتستحقي الاجمل
تم النشر الخميس، ٣١ أكتوبر ٢٠٢٤
لان ده مش حب حقيقى دى بتبقا لخبطة مشاعر جوانا والى بتحسى بيه مش حب ده تعلق إعجاب شوفتى حد اعجبتى بيه من طريقة كلامة او مظهرة وهكذا كل متقبلى حد يعجبك فية الحاجة هايتهيألك انك حبتيه بس الحب الحقيقى يجى من التفاهم والمودة ومدى اتفاق الاشخاص لبعض فى الفكر وكدا متشغليش بالك بحد بمجرد انو هو عجبك وتانى يوم تعجبى بشخص تانى وده مش عيب فيكى دى فطرة عند معظم الناس بس نفرق بين الحب بجد والإعجاب علشان متتتعبيش
تم النشر الأربعاء، ٣٠ أكتوبر ٢٠٢٤
ده ممكن احتياج او نقص عندك بتحاولي تعوضيه بكده يعني اقصد باباكي مش قاعد مثلا او مش قريبه منه فهماني
تم النشر الجمعة، ١ نوفمبر ٢٠٢٤
لعرض السؤال في فدني اضغط هنا