انا كان في واحد متقدملي بس ماما رفضت لانه من محافظة تانية المهم بعد لما اترفض انا و هو مع بعض قي الشغل وبعد لما اتعملت معاها شوفت قد اي هو انسان كويس ومش بيكلم او بيتعمل مع بنات غيري وانا حبته واتعلقت بيه هو بدا يلمحلي انه بيحبني حتي صحابوا وكل اللي يعرفوا كانوا عايزين يجمعونا سو ةانا ابتديت المح اني معجبة بي علشان يفتح الموضوع تاني وكنت اقنعت ماما وهي وفقت فجاة اكتشف انه بيكلم بنت تانية والبنت ديه زبالة اوي وهي كمان معايا في الشغل فا انا مش قادره اشوفهم مع بعض وقررت اني اسيب الشغل رغم انهم متمسكين بيا في الشغل كنت اعرف هل قرر ترك الشغل صح وله هندم عليه مع العلم اني تعبانه نفسية بسبهم هم الاتنين عايزكم تفدوني
متخسريش شغلك .. خصوصا لو انتي حابه مكانك في الشغل، والناس اللي فيه كويسين. وانتي هتتعرضي لحاجات كتير اوي في الحياة .. هل كل شئ يضايقك هتقرري تهربي منه؟ لو كنتي مثلا في الجامعة والموقف ده بدل ما يحصل في الشغل كان مثلا يحصل في الجامعة، او ف كورس دفعتي فيه مبلغ وقدره، هل مش هتروحي الجامعة ولا الكورس مثلا! اكيد لا .. لازم تواجهي المشاكل اللي بتحصلك. لان مش معقول اول ما تحصل اي حاجه نهرب منها .. وانتي ملحقتيش تحبيه، انتي بس معجبه بيه شوية .. لسه بدري على جزئية الحب انك توصلي بيها معاه خصوصا ان مفيش علاقة بينكم غير الزمالة. ركزي على شغلك وربنا يرزقك بالافضل.
تم النشر الثلاثاء، ٢٦ مارس ٢٠٢٤
بصي الحوار من أوله لآخره غلط في غلط وحرام لأن انتوا مينفعش تتكلموا مع بعض ولا يقولك أنه بيحبك ولا تقوليله انك معجبة بيه وانتي مأمورة بغض البصر عنه يعني لازم تغضي بصرك ف انتي غضي بصرك وانسيه خالص ولو تعرفي تنصحيه وتقوليله أن كلامه مع البنت دى حرام متقدريش خلاص ابعدي عنه وبس
تم النشر الثلاثاء، ٢٦ مارس ٢٠٢٤
الانتقال لمكان عمل آخر والدنيا لم تنتهي وسوف تقابلك اخر وعسي أن تحبي شيئا وهو شر لكم وعسي أن تكرهوا شئيا وهو خيرا لكم
تم النشر الثلاثاء، ٢٦ مارس ٢٠٢٤
حاولي تتجاهلي الموضوع خالص لان كدا هتتعبي جدا والله متخليش البنت دي تقرب منك
تم النشر الثلاثاء، ٢٦ مارس ٢٠٢٤
عيش حياتك عدي كمال في شغالك وسيبك منو وكيد ربنا هيع وضك بشخص احسن منو
تم النشر الثلاثاء، ٢٦ مارس ٢٠٢٤
انا مقدرة جدا مشاعرك و مقدرة مدى احساس الحب والاحتياج ومدى احساس الألم والخذلان اولا فكرة ترك الشغل انصحك بلاش لان ما ينفعش توقفي وتربطي حياتك المهنية وتحقيق انجازاتك بأشخاص.. الهدف من الشغل تحقيق الذات والانجازات والأمان المادي والاستقلال فخلي الهدف ده في عقلك دايما وافتكري احساسك بالنجاح والتقدم .. اما مشاعر التعلق والخذلان اول خطوة لازم تعترفي بيها وتتقبليها وتفهميها وممكن تلجأي للمساعدة من قبل المختصين.. اعملي تمارين تفريغ المشاعر والتنفس العميق والتأمل والاسترخاء... لازم تعرفي اننا كلنا في حياة بعض رسايل ربانية ليعلمنا ويقوينا ... افهمي الرسالة من التجربة ورجعي جميع المواقف وشوفي ايه اللي كنتي بتعمليه وايه اللي معملتهوش وايه اللي هتغيريه في تعاملك من خلال علاقاتك ... ايه نقاط ضعفك ونقاط قوتك ؟ شايفه نفسك ازاي وايه اللي تستحقيه؟ محتاجة ايه؟وليه ؟ وايه سبب الاحتياج؟وكيف تشبيعيه؟ اسمحي لجميع الأفكار و المشاعر السلبية بالرحيل .. وهيئي نفسك لاستقبال أفكار ومشاعر إيجابية وعلاقات صحية .. ولكن لاستقبال العلاقات الصحية لابد من التواصل والاتصال الذاتي مع النفس الداخليه.. ارشحلك كتاب السماح بالرحيل
تم النشر الثلاثاء، ٢٦ مارس ٢٠٢٤
يا جماعه الكلام سهل لكن الواقع اللي انا عايشه اصعب بكتير اكيد انا مش عايزة اسيب شغلي اللي بقالي فيه 5 سنين انا حولت اتجاهل بس برضوا مش قادرة خالص اشوفه او اشوفها كل يوم الموضوع مؤذي جدا ربنا مايكتبه ع حد عمومة انا هصلي استخارة واللي ربنا عايزه هيكون
تم النشر الثلاثاء، ٢٦ مارس ٢٠٢٤
نفس الفكره انتي هتسيبي الشغل هتلاقي غيره بتتعلقي بي ف لازم تجبري نفسك انه مش فارقلك لازم تستني نصيبك ي بابا بالحلال انتي هتضيعي سنين عمرك عشان راجل هنخيب ونبهدل نفسنا هو لو عايزك هيجيلك متلمحيش وخلي كبريائك عالي هو يخسرك انتي متخسريش نفسك دا بشر لا يفقه شيء يعني زيك زيه ولا يشغلك ولا يفرق اصلا انتي مش شايفاه انسي وامحي انك تعرفيه هو مجرد شخص شغال زيه زيك فوقي لنفسك ذاتك ونفسك اهم انتي اشتغلي على نفسك واترقي في الشغل واشتغلي على نفسك وبس
تم النشر الثلاثاء، ٢٦ مارس ٢٠٢٤
طب بصي ي قمر اولا تفكيرك غلط لأنك لو سبتي الشغل هتتعلقي بي اكتر ومش بعيد تدخلي ف نوبة زعل انا مش خبره ولا شيء بس هديك مثال لو دلوقتي في حد مدمن سجاير وعايز يبطلها وهي موجوده ف كل مكان وكل حته هيسيب بلده موجوده بردو ف بلد تانيه ف قام حطها ف جيبه يوم واتنين والعلب مفتوحه واجبر نفسه انه مش هيمد ايده ولا هيشرب سياره عدى اسبوع ف التاني عدى شهر ف التاني عدى سنه ف التانيه وهو لسا حاطط العلبه ف جيبه ومصر انه ميشربش سجاير مع عزومات لرجاله يعم خدلك واحده وكل دا وهو مصمم لحد م مسك العلبه ورماها بنفسه خلاص اتعود وبقى قرفان منها
تم النشر الثلاثاء، ٢٦ مارس ٢٠٢٤
على حسب انتى مرتاحه فى شغلك دا بعيدا عن الشخص دا يعنى. طب لو سيبتى الشغل فى بديل كويس له. ولو فضلتى فى الشغل انتى هتقدرى تكملى. اسئلى نفسك الاسىلة دى وبناءا عليها هتعرفى انتى عاوزه تعملى ايه. بس اوعى تضيعى حاجه كويسه من ايدك بسبب شخص مش كويس الناس تتعوض انما انتى ومصلحتك لا
تم النشر الثلاثاء، ٢٦ مارس ٢٠٢٤
أنا نشوف أن نوضوع تركك لشغلك موضوع غلط لان انت قاعدة تربطي حياتك شخصية بالحياة العملية وإذا أنت تعبانة تشوفيهم مع بعض خذي إجازة لكن ما تتركي شغلك لانك هكا راح تبيني لهم أنك ضعيفة أشكي همك لله عز وجل وصلي صلاتك وإقرائي قرآن حتى يهدأ قليك ورمي كلشي وراك لان شخص هذا ما يستهالك أبدا
تم النشر الثلاثاء، ٢٦ مارس ٢٠٢٤
مش قادره ولا عارفه طول ماهو قدامي وبتعمل معاه عادي جدا وهي كمان بقالها فترة بتقرب مني مش عارفه ليه ونفسية مدمرة خالص ومش عارفه ارجع طبيعية زي الاول
تم النشر الثلاثاء، ٢٦ مارس ٢٠٢٤
من راى انك طنشى خالص هو مش اخر فى الدنيا و ارجعى شغلك ده مستقبلك مدمرهوش علشان واحد ميستهلش و كملى فى شغلك و اترقى فيه و كونى احسن لحد ما تلاقى شخص كويس تكملى معاه
تم النشر الثلاثاء، ٢٦ مارس ٢٠٢٤
والله انا من راي ان تخرجي الموضوع من دماغك وتتعاملي عادي خالص وتنسي انه اتقدم اصلل وتكملي حياتك متخسريش شغلك عشان واحد ميستاهلش
تم النشر الثلاثاء، ٢٦ مارس ٢٠٢٤
لعرض السؤال في فدني اضغط هنا