ازاى انسى حد جرحنى نفسيا علما انو مكنش ليه قصد لكن اهله هما كانو قاصدين و لما بفتكر بحس بمشاعر مختلطه
حل من اتنين المواجهه والصراحه علشان تشتال الذكريات دى من جواك او تعمل زى منا بعمل شخصيا تخيل انك هتموت خلال أيام شوف انت تقدر تستغني عن ايه وهتتمسك بايه قبل ماتموت لو لقيت ذكرياتك المؤلمه موجوده ساعتها يبقى تواجه نفسك مع السبب فى ذكرياتك دى ولو ملقتهاش يبقى تنساها خلاص وفى الغالب هتنساها لو حطيت نفسك فى موقف انك هتمشى قريب ربنا يديك طول العمر والصحه يارب
تم النشر الأربعاء، ١١ يناير ٢٠٢٣
تنسى الفعل نفسه بتاع الاشخاص السبب فى الجرح تبطلى لوم وعتاب فى الظروف والشخص اللى ملوش ذنب والمشاعر المختلطة عشان موجهه غضبك ناحيته رغم انك بتحبيه لكن حاسه بانه السبب وانه كان ممكن يعمل حاجة . كل المشاعر دى لازم تترتب عشان تعديها ...كل حاجة تتحط فى مكانها الاول وبعدها تقدرى تنسي
تم النشر الثلاثاء، ١٠ يناير ٢٠٢٣
واجهي الشخص ده وفرغي مشاعرك دي كلها ليه وخليه يجاوب على كل الاسأله الي في دماغك متحتاريش وتتعبي مع نفسك وبعد كده رتبي كلامه في دماغك هل هو فعلا يستحق مشاعري الي ادتها له ولا لا وهل هو فعلا حاول ولا لا ولو كنتي مكانه كنتي هتعملي الي عمله ولا لا وهل فعلا انتي اتنازلتي كتير عشان العلاقه تمشي وهل هو اتنازل زيك ولا لا الاسأله دي اجباتها كفيله تحط مشاعرك على ارض صلبه وتخليكي عندك طاقه تحاولي تاني او تمسح اي مشاعر جواكي ليه
تم النشر الخميس، ١٢ يناير ٢٠٢٣
بتحسي الاحساس ده لان جواكي طاقة غضب كبيرة .. على الظروف وعلى الاهل وربما يكون عليه هو .. كل المشاعر عندك بتختلط. تقدري تقوليلي ايه الاحاسيس اللي بتحسيها بالظبط لما بتفكري في الموضوع ولكن .. لازم الاول تنظمي مشاعرك .. طيب ازاي؟ الشماعر مولدها فكرة .. اي شعور سببه فكرة .. فعلشان كده لازم الاول تنظمي افكارك .. بعده هتلاقي مشاعرك بتتظبط بعد كده. طيب هو ملوش ذنب ؟ يبقى ليه اللوم عليه .. خلاص ملوش ذنب اعتبريها تجربة اتعلمتي منها .. حسيتي مشاعر حلوة فيها متندميش عليها لانها اصبحت جزء لا يتجزا منك .. جزء اعطى لكي مشاعر حلوة .. وجزء اعطى لكي تجربة أليمة ولكن لابد من الالم في الحياة، لا مفر منه، لانه مرشدنا. اما بقى لو عايزة تتخطي هذه العلاقة .. هتبدأ الاول بمراحل طبيعية جدا في المرحلة اللي انتي فيها. زي انك هتبقى مصدومة في الاول .. بعد كده هتغضبي زي المرحلة اللي انتي بتمري بيها ... بعد كده هتبقى بتشعري بالحزن .. بعد كده هتقبلي. وهي ديه النقطة اللي عايزة اقولهالك .. اقبلي .. اقبلي حزنك في الاولي اقبلي انك تكوني حزينة .. مصدومة .. حاسه بالوجع .. اقبلي انك تبكي .. اقبلي انتي محتاجة تحزني .. متكبتيش حزنك .. لانك لو تجاهلتي كل الاشارات ديه هتيجي في يوم وهتنفجري من الغضب. هضع لكي رابط ازاي تعملي move on او ازاي تتخطي مرحلة حب؟ https://fedni.net/q/23362448/ازاي-ممكن-الانسان-يعمل-move-on
تم النشر الثلاثاء، ١٠ يناير ٢٠٢٣
بأننا نعتبر انه دي قصة و انتهت و نسامح و نحتسب ده عند الله و نقبل علي الحياة من اول و جديد و نشغل نفسنا بتجارب جديدة مثلا تتحدي نفسك في انك تعمل انجاز جديد أو تلاقي حاجه من مجال اهتماماتك تشغل وقتك و تاخد تفكيرك، والأهم اننا نبعد عن الشخص او الشيء مسبب الأذي.. " اعتزل ما يؤذيك "
تم النشر الثلاثاء، ١٠ يناير ٢٠٢٣
باننا نحاول ننجح ونركز ع نفسنا وع تطورنا اكتر واكتر
تم النشر الخميس، ١٢ يناير ٢٠٢٣
لعرض السؤال في فدني اضغط هنا