انا خلصت ثانويه عامه ونزلي الكليات نزلي حجات في الكليات حلوه انا قولت استسهل واختار حاجه سهله اهلي قالولي لا خشي حاجه تاني وكدا بيعاملوني عادي وبنستشير بعض اختي راحت قالت لا خشي دي تدخلي السهل ليه خشي التانيه علشان لو سقطي طب سقطي من حاجه حلوه مش من حاجه تافهه وطريقتها كانت وحشه وهي بتتكلم انا اصلا مفيش في مخي جامعه معينه بس زعلت لما قالتلي كدا وحرفيا انا اصلا خايفه ادخل جامعه انا من صغري مفيش ثقه في نفسي وناس بتتنمر عليا ومش بعرف اتعامل مع الناس وخايفه ادخل جامعه بردو يتنمرو عليا وقاعده اعيط لوحدي بسبب الموضوع دا ومش عاوزه اروح ومش هعرف اصاحب ناس ولا اي حاجه اعمل ايه بجد زهقت
خوفك طبيعي لدخولك مرحله جديده نصيحه الفكره مش في حاجه سهله ولا حاجه صعبه الفكره في حاجه بنحبها فأبدع فيها أنصحك تشوفي ميولك للكليات المتاحه ليكي بمجموعك وتختاري بناءا علي كدا ومتفكريش بسطحيه بالنسبه ل اختك ربنا يهديها مش عارفه في العاده معاكي كدا ولا خانها التعبير أو غيره اخوات وانصحك كمان تثقي في نفسك وبالتبعيه محدش هيقدر يتنمر عليكي لا في قراراتك ولا في شكلك ولا في اي حاجه طول ما انتي واثقه من نفسك ومن اللي بتعمليه بالنسبه للجامعه اكيد هتعرفي تعملي ناس وتتعارفي اضمنلك دا وعايزة اقولك محدش بيتنمر غير الناقص بيطلع عقده في غيره يعني يخليه في نفسه يستحسن وانتي متاخديش في بالك عشان مدايقيش نفسك
تم النشر الخميس، ٢٢ أغسطس ٢٠٢٤
بصي حبيبتي انا كنت زيك كدا بردو وكنت خايفه بسبب اني دخلت كذا مدرسه و ملحقتش اعمل صحاب كل ما اعمل صحاب كان بالعافيه وسنه سنتين كنت بمشي بس الكليه عموما حتعرفي تعملي صحاب كتير اه مش لازم اول شهر بس فكري فيها كدا كلكوا بتدخلوا جداد محدش كان مصاحب حد قبل كدا محدش يعرف حد كله داخل عشان يعمل صحاب جديده ويبقي لطيف خليكي ع طبيعتك وهما حيحبوكي مهما كان هما مين خليكي ف دايره مريحه مش لازم احسن دايره ف الكليه ولا الاروش لا اللي تستريح معاهم وبس ابعدي عن اي حوارات اقعدي عن اللي يخليكي متحضريش الحاجات دي حتفرق معاكي ومش حتخليكي تندمي انا دخلت الكليه السنه اللي فاتت وصدقيني تجربه حلوه اوي مع الصحاب
تم النشر الثلاثاء، ٢٠ أغسطس ٢٠٢٤
السلام عليكم، أولًا، مبارك النجاح وإن شاء الله تتفوقين في دراستك الجامعية وتنجحين في حياتكِ مهما كانت الكلية التي ستختارين دخولها. ثانيًا، لا تسمحي أبدًا لأي شخص مهما كان هذا الشخص أن يؤثر على نظرتكِ لنفسكِ أو يقلل منكِ أو يحدد قدراتكِ ويرسم صورة ليست لكِ ويفرضها عليكِ. أنتِ تكونين كما ترين نفسكِ وكما تثقين فيها، سترين نفسكِ ضعيفة وفاشلة كما أوحت لكِ شقيقتكِ ستكونين هكذا بالفعل. إذا آمنتِ من داخلكِ أنكِ تستطيعين النجاح فيما تريدين وأنك أقوى من أن تضعفكِ بعض الإساءات أو كلمات تنمر غبية من البعض ستكونين ناجحة وقوية بالفعل. هذه ليست شعارات أو كلام تنمية بشرية، لكن عن تجربة... الناس تراكِ كما ترين أنتِ نفسكِ. وأيضًا الناس تلتقط اهتزازكِ النفسي وهناك من المرضى من يستغل هذا ليتلذذ بتعذيبكِ نفسيًا أو إهانتكِ وإشعاركِ بغير قيمتكِ. عززي نفسكِ واعرفي قيمتكِ وحددي ما تريدين فعله في حياتكِ ومستقبلكِ واستعيني بالله ووسط كل هذا لا تنسي أن تجددي نيتكِ من الدراسة والعمل وأن تكون نيتكِ من كل هذا رضا الله حتى يعينكِ ويفتح لكِ أبواب الخير إن شاء الله. إذا أردتِ أي مساعدة أو نصيحة في أي مشكلة تواجهكِ في كيفية الدراسة أو وضع أهداف وخطط للنجاح كلنا موجودون هنا لتقديم النصيحة فلا ترددي في طلبها في أي وقت. بالتوفيق.
تم النشر الثلاثاء، ٢٠ أغسطس ٢٠٢٤
أولاً، حبيتي، واضح إنّك في ضغط كبير ومشاعر مختلطة. طبيعي تحسي كدا في مرحلة الانتقال للجامعة، خاصة لو عندك تجارب سابقة صعبة مع التنمر. أهم حاجة تعرفي إنّ مش كل الناس زي اللي تأذوك قبل كدا. في الجامعة هتلاقي ناس كتير يستاهلوا صداقتك. حاولى تبصي للموضوع بشكل مختلف: خلّي الهدف من دخول الجامعة هو إنهاء دراستك وتعلم حاجات جديدة، ومش بالضرورة تكوني مع الناس اللي لكِ معهم تجارب سلبية. فكّري في الحاجات اللي بتحبيها أو اللي مهتمة بيها، وابحثي عن كليات أو برامج تتناسب مع اهتماماتك. لو حاسة إنها صعبة، ممكن تبدأي بكورسات على الإنترنت عشان تبني ثقتك بنفسك. وبالنسبة للتنمر، يكون عندك أساليب تساعدك تحمي نفسك. زي إنك تتعلمي تقوية ثقتك بنفسك، وممكن تتدربي على كيفية التعامل مع الأشخاص السلبية. الأهم، متنسليش تسألي عن المساعدة لو حسيتي إنك محتاجة، سواء من أهل أو أصدقاء أو حتى متخصصين في مجال تطوير الذات. بلاش كتمان المشاعر، افتحي قلبك لحد يحاول يساعدك. وأخيرًا، كلنا بنمر بفترات صعبة، لكن تذكري إن الجهد والإرادة هم اللي هيوصلوك لحلمك. يلا، حاولي تتجاوزي المخاوف دي خطوة بخطوة!
تم النشر الثلاثاء، ٢٠ أغسطس ٢٠٢٤
بيتنمروا عليكي ليه؟مش فاهمه
تم النشر الثلاثاء، ٢٠ أغسطس ٢٠٢٤
احنا ممكن نبقى صحاب هو انا اه برده كانت مشكلتي اني هادية جدا من و انا صغيرة و مبفتحش قلبي لحد بسهولة بس الحمد لله متعرضش قبل كده لتنمر من حد و سيبك منهم الي بيتنمر ده يبقى عنده عقدة نقص انا مرة واحدة في حياتي اتعرض لموقف و انا في ابتدائي بنت قلتلي كلام وحش عن شعري الي هو اصلا كان احلى حاجة فيا و هي كانت متضايقة عشان هي شعرها كان خفيف جدا و غيرانة و خلاص مني وبس لو عايزة تتكلمي مع حد انا موجودة
تم النشر الثلاثاء، ٢٠ أغسطس ٢٠٢٤
لعرض السؤال في فدني اضغط هنا