السلام عليكم ورحمه الله وبركاته
انا فى العشرينات من عمرى متزوجه ولدى طفل دائما لدى شىء بداخلى يؤنبنى ويسخر منى رغم تفوقى الدائم لكن أخفقت لمرحله فأصبحت اخاف جميع الأشياء لا اكمل عمل ابدأ به حتى علاقتى بابنى وهو رضيع اقول دائما لنفسى أنا مقصرة أنا مذنبه لا اعرف تربيته لا ولا رغم حفاظى عليه ورعايته واعطاء طاقتى كلها له حتى وقت خصوصيتى الغيه اقول انتى انانيه تريدين وقت لنفسك فى مرة قررت منح نفسى يوم بالخارج مع زوجى وترك ولدى لجدته بعد مشاجرات داخليه كيف اترك ابنى لوحده قضيت عليها لانه شعرت بالاختناق وقررت اعتنى بنفسى يوم لكن كانت هناك من حولى انبنى كيف اتركه المفروض اكون معه ازاى امتلك قلب واترك ابنى وأصبحت أراه عقبه امامى كى احصل على خصوصيه لى
دايما هناك صراع بداخلى
اجلس هذه الفترة بالمنزل لظروف وانا لم أعتد ذلك ابدا أصبحت عدوانيه بأفكارى مع نفسى اهاجمها أعاتب نفسى واهينها اتعصب ومش بستحمل كلمه ليا وشايفه أنه مقصرة ومخنوقه ومليش لازمه حتى زوجى اعلم بمدى انشغاله بعمله وأنه يحاول تعويضى لكن الومه دائما وهو امامى وعندما يغيب اتذكر كم تعبه بالعمل أصبحت اشعر انى شخصين وانسى كثيرا ولا اريد رؤيه أحد
قومي بتخصيص وقت أكبر لعباده الصلاه مثل قيام الليل هذا العمل سيعديك إلى الأصل الذي لا خلاف عليه
تم النشر الجمعة، ٢٣ فبراير ٢٠٢٤
حالة التوهان في الأغلب بيبقى سببها البعد عن الله ، ربنا قال ( ومن أعرض عن ذكري فإن له معيشة ضنكا ) وقوله تعالى ( نسوا الله فأنساهم أنفسهم) هنا معاني الآيات حرفيا أن البعد عن ربنا بيخلي الإنسان يتخبط في نفسه وف حياته ، وممكن يكون مش بعد عن ربنا ممكن يكون ابتلاء وفي الحالتين الحمدلله الحلول سهله وهتلاقي أثرها علطول ، اول حاجه كثره الاستغفار والصلاه على النبي اجعلي لنفسك عدد يومي وكل فتره هتلاقي العدد بقا سهل فهتزودي بس ابدأي برقم ثابت حتى لو ميه وميه بس المهم رقم ثابت عشان تنتظمي وافتكري أن ربنا قال في الحديث القدسي ( انا جليس من ذكرني) تخيلي أما ربنا يبقى جليس ليكي يعني مش هيتركك لنفسك ووساوسك ثانيه ، ولازم تعرفي أن الصلاه على النبي والاستغفار اقسم بالله فيهم سر عجيييببب، واجعلي رمضان فرصه مثاليه انك تنتظمي على العبادات الصالحه وتزيدي منها وتتخلصي من العادات السيئه لأن اكتر حاجه بتجلب الحسره والضيق هي كثره الذنوب ، الحل في القرب من ربنا والدعاء متخليش رمضان يفوتك منغير ما تستغليه كفرصه لمعرفه الله أكثر وقراءة القرآن بتدبر وفهم معانيه حتى لو هتشوفي دروس على اليوتيوب في كتييير تفسير أو غيره المهم تشغلي وقتك بالطاعات ومعرفه الله أكثر وهتشوفي الفرج والرضا عن نفسك وعن حياتك بأذن الله افتكري انك عشان ترضي نفسك لازم ربنا يرضى عنك لو رضي عنك هيرضيكي ويكرمك أخر كرم المهم حافظي على الصلاة والاذكار وكثرة الذكر بالتدريج واحده واحده ويصبر هتلاقي كل همومك ولا كأنها كانت موجوده .
تم النشر الجمعة، ٢٣ فبراير ٢٠٢٤
شايف ان عندك صراع بين قلبك وعقلك باستمرار.. ومعندكيش ارادة قوية تحكم ما بينهم... حاولي توفقي بين الاتنين في القرار اللي هتاخديه وتفكري فيه كويس من جميع النواحي وبعدين تتوكلي على الله وتعمليه بدون تردد... لكن التفكير القليل في الموضوع هيخليكي تراجعي نفسك فيه بعد ماتكوني بدأتي.. وترجعي لنقطة التردد تاني... تأني الاول وفكري كويس وبعدين خدي القرار. .. ابدأي تدريجيا.. ولما تخفقي ابدأي تاني لحد ما تستقري.. لان الحال ده ممكن يسبب لك وسواس وشك وتردد... افهمي امكانياتك حتى لا تبني احلام او افكار مثالية زيادة عن اللزوم.. اعطي المواضيع الوقت الكافي من التفكير بالعقل والقلب معا قبل البدء..
تم النشر الخميس، ٢٢ فبراير ٢٠٢٤
فعلا محتاجة تعرفى نفسك فى الاغلب صورة الكمال اللى بتضغط عليكى من الداخل دى مش انتى ...دى صورة املاها عليكى الشكل اللى شوفتى عليه والدتك او الشكل اللى كان دايما بتسمعيه من حولك فى صيغة ( المفرو الام تكون كذا والزوجة المفروض تعمل كذا ....الخ ) لكن تصارع نفسك الحقيقية فى ان تصل الى السطح لتعيشى حياه تفاصيلها تناسبك انتى وليست تناسب الاخرين
تم النشر الخميس، ٢٢ فبراير ٢٠٢٤
نصيحه اولا و اخرا ارجعي لطفولت و حلي المشاكل اللي مقدرتيش تحليها وانتي صغيره تخيلي تعامل اهلك معاكي هل كانو بيلوموكي دايما و بيوضحولك انك مش بتهتمي بيهم كفايا وانك انانيه هل في احد ف الطفوله حسسك بشعور تانيب الضمير ارجعي ل طفولتك و اتخيلي ان اهلك قدامك وابدائي كلميهم لو عندك غضب تجاههم طلعي و لو خوف واجهي ولو تانيب ضمير سامحي نفسك اولا و من ثم سامحي اهلك قوللهم انا مسمحاكم من قلبي علي طفولتي تنفسي بعمق و اهم حاجه تفتكري المواقف الصعبه اللي مريتي بيها بطفولتك و تبدائي تعيشي المشاعر دي كل ما عشتيها كل ما بتسمحيلها انها تخرج من اللاواعي و تتحريي منها للابد لانها دي سبب كل مشاكلك الحاليا و لما تتخليلي مواقف طفولتك اللي تعبتك اتخيلي قبل الموقف دا ما يحصل كنتي بتعملي اي عيشي دا بالتفصيل و حسي بشعور الراحه
تم النشر الجمعة، ٢٣ فبراير ٢٠٢٤
لعرض السؤال في فدني اضغط هنا