انا بكره نفسي اوي انا بكرهها و بكره وجودي انا مش شايفه نفسي غير مصدر ألم ووجع وكئابه للحوليه انا اسواء حاجه ف الحياه...انا شايفه اني سبب كل حاجه واحشه بتحصل وهتحصل انا شايفه اني عاق اني جبانه انا مريضه انا مش مراهقه لا انا ف نص العشرينات انا نفسي اختفي و لما اختفي اختفي من ذاكرة ال حوليه انا واحشه وفاشله اوي كدا ليه... بجد مش عارفه اشوف اي حاجه حلوه فيه انا حتى بخاف افرح لاني بحس اني مستهلش او انها هتختفي بسرعه فبخاف
أعراض الاكتآبكما يقول الكتاب و مش هتبطليها غير بزيارة طبيب يقول محتاجة دواء ام مجردعلاج نفسي اتكلمي مع حد و اتعالجي بس ما تفضليش لابسة نظارة الاكتآب السوداء لأنك اول ما تتعالجي و تخلعيها هتعرفي انك غيركدة خالص
تم النشر السبت، ١٣ مايو ٢٠٢٣
بصي هو مفيش حاجه تستاهل تخليكي توصلي للوضع ده .. تكرهي نفسك ده معناه انك حد مش راضي عن نفسه و ده شئ كويس نسبيا علي فكره يديكي دافع انك تتغيري للافضل .. لو فيكي عيوب كلها قابله للتصحيح .. اولا لو انتي فيكي عيب صحي عادي انا شخصيا عندي كذا مرض مزمن وانا ٢٤ سنه انا كمان علي فكره و مع ذلك بشد حيلي و بحاول افيد نفسي صحيا قدر الامكان .. بالمناسبه شفت اللي ف سننا و اللي فاقد بصره و اللي فاقد عضو عنده و عايشين في سلام مش عندي انا شخصيا .. لو مشكلتك شكليه ف كل واحد جميل بشكل مختلف حقيقي في حد تحبي تتكلمي معاه ف حاجه و نفس الشخص تكرهي تتكلمي معاه ف حاجه تانيه عادي جدا .. لو مشكلتك سلوكيه انك مش بتعرفي تتعاملي مع الغير دي قابله للتعلم كلها .. لحد اخر يوم ف عمرنا هنفضل نتعلم ف مش عيب انك تتعلمي ازاي تتعاملي و ازاي تفرحي نفسك و غيرك و تكوني مريحه في التعامل .. لكن الاهم تكوني مرتاحه انتي و متقبله ان مش كل الناس هيحبوكي لان حتي الانبياء جم الارض و مش كل الناس حبتهم ف ماتتوقعيش انك هترضي الكل او تتحبي من الكل المهم تكوني مرتاحه و حاسه برضا و ده مش هييجي غير بالتعلم .. و حاولي تقري كتب عن الموضوعات دي هتستفادي
تم النشر الأحد، ١٤ مايو ٢٠٢٣
ايه اللي حصل خلاكي تقولي كده على نفسك ومن امتى؟
تم النشر السبت، ١٣ مايو ٢٠٢٣
ممكن اقولك علي حاجه صغيره كده ممكن تفرق معاكي. نفسك دي طفل ❤️هل تقدري توجهي كل طاقه الكره والغضب ده لطفل. احنا بنرعي الطفل ونهتم بيه ولو غلط بنضحك ونقوله الصح. سامحي نفسك علي اي حاجه شايفه انك عملاها غلط سامحي نفسك علي فشل دراسي او تجارب. قادره تغيري بيئتك تمام مش قادره غيري حديثك الداخلي اتعرفي ع ربنا من كتاب لانك الله. دوري علي طريق تخلي الطفل ده احسن. مش انك تعنفيه. وخليكي منطقيه وصريحه في الحكم ع الافعال وقولي انا غلطت هنا عشان كذا. نفسك ليكي مش لحد❤️
تم النشر السبت، ١٣ مايو ٢٠٢٣
لازم تزوري دكتور نفسي كويس ومتسيبيش نفسك بالشكل ده
تم النشر السبت، ١٣ مايو ٢٠٢٣
ممكن يكون السبب ان كل اللي حواليكي مواصلين الفكرة دي .. ممكن تكون حالة البيت اصلا هي اللي دايما بتتهمك بالفشل وبترمي دايما اللوم عليكي .. والمشكلة انك وصلتي لان طاقتك خلاص خلصت ف اصبحتي مكتئبه .. ودا عشان يتغير محتاج انتي تصرفاتك تتغير وطبيعة البيئة اللي معوده نفسك عليها تتغير .. حاولي تعرفي مجالات انتي متعرفيش عنها حاجه واعمليها. سفري لوحدك لو تقدري او العبي سكيت اعملي اي نشاط مش معتاده عليه عشان يقدر يجددلك طاقتك
تم النشر السبت، ١٣ مايو ٢٠٢٣
ممكن تقوليلي مثلا اي ال حصل خلاكي تشوفي نفسك كده ؟ مفيش حد وحش كلو ولا في حد حلو كلو احنا بشر فينا الحلو و الوحش. انتي مشكلتك أنك شايفه الجانب الوحش فيكي بس و معميه تماماً عن الجانب الحلو مع انك لو اكتشفتي الحلو ده هتلاقيه بيغطي ع الوحش هتلاقي نفسك مع الوقت بتغييري من نفسك و بتطوري للأحسن..ادي نفسك فرصه و اقعدي معاها و أساليها محتاجه اي و شايفه الوحش ده كلو ليه و مهمشين الحلو ؟
تم النشر السبت، ١٣ مايو ٢٠٢٣
طول ما انتي مصدقه دا عمر ما حد هيعرف يقنعك بعكس حاولي تقولي لنفسك عكس كل دا شوفي الفرق انا واثقه ان حديث مع ذات بطريقه ايجابيه هو اللي بيفرق
تم النشر الاثنين، ١٥ مايو ٢٠٢٣
انا مش هقدر اقولك حاجه عشان انا مش دكتور نفسي بس بجد اقداركم بأقوالكم
تم النشر الاثنين، ١٥ مايو ٢٠٢٣
لعرض السؤال في فدني اضغط هنا