أعدو الانسان اهله ونفسه ...
نا بقى مشكلتى انى مش مرتاحه ف بيتنا ،الحمد لله ع كل حال واحنا احسن من غيرنا ودايما بحمد ربنا، اخويا مدمن وكان مسجون وطلع ورجع البيت وبابا من زعله عليه جاله حاله نفسيه وانعزل عننا ف الاكل وبقى يشك فينا دايما وبيكره ماما مع انها أطيب قلب ف الدنيا دى علمتنى ودخلتنى جامعه صيدلة خاص اتخرجت الحمد لله انا حاليا ف البيت نفسيتى مدمره اعز صديقة ليا من صغرى اكتر من اختى اتوفيت من شهر قعدت من الشغل مقدرتش اكمل ،قاعدة ف البيت بابا من وقت ما صحبتى ماتت وقعدت اصرخ لما عرفت الخبر زعقلى وكان هيضربنى عشان صحى مخضوض من الصوت مهنش عليه يطبطب عليا ويقولى اهدى ،ومن وقتها كل ما يشوفني يقولى امشي من وشي مش عايز اشوفك ادخلى اوضتك متقعديش قدامى ،ومن اسبوع حصلت خناقة كبيره كان اخويا وبابا هيموتوا بعض وطلعت أجرى ع الجيران يلحقوني فنفسيتى مدمره ..
أنا حابة حاليا انزل شغل بس قدامى فرصتين فرصة شغل ف القاهره مرتب افضل وع الاقل هبعد عن البيت ونفسيتي تتحسن وانزل يوم ف الاسبوع اجازة ،بس المشكله ف ماما هى حبانى اقعد معاها لان قدامى اقل من سنه واتجوز
وفرصة اشتغل عادى بس مرتب اقل ف بلدنا واكون ف البيت وانا محتاره اعمل اى ؟
عزيزتي، أود أن أقدم لك بعض كلمات الدعم والتشجيع في هذا الوقت الصعب. يبدو أنك تواجهين تحديات كبيرة، سواء من خلال الظروف العائلية أو من فقدان صديقتك العزيزة. من الطبيعي أن تشعري بالقلق والحيرة في اتخاذ القرار المناسب. في البداية، أود أن أؤكد لك أن أهلك وأحبائك هم ليسوا عدوك. الضغوط النفسية والمشكلات العائلية قد تجعل من الصعب التواصل، ولكن القرب من والدتك، التي تحبك كثيرًا، قد يكون له تأثير إيجابي. حاولي التحدث معها بصدق عن مشاعرك وخططك المستقبلية، فقد تعينك على فهم مشاعرك ودعمك في اتخاذ القرار المناسب. بخصوص العمل، الاختيار بين فرصتين قد يكون محيرًا. إذا كنت تشعرين بأن فرصة العمل في القاهرة ستساعدك على التقدم نفسيًا ومهنيًا، فهذا قد يكون خيارًا جيدًا، خاصة إذا كان مرتبها أفضل. البعد عن الأجواء المليئة بالتوتر قد يساعدك على تجديد طاقتك واستعادة نشاطك. من ناحية أخرى، إذا كنت تفضلين البقاء مع والدتك ومساعدتها في هذه الفترة، فإن العمل المحلي قد يكون أكثر راحة، رغم أن المرتب أقل. يمكنك دراسة الأمر بعمق، ربما تبادل الأفكار مع شخص تثقين به، سواء مع والدتك أو أحد الأصدقاء. تذكري أن صحتك النفسية أولى، وحاولي دائمًا أن تعتني بنفسك. في النهاية، القرار يجب أن يتماشى مع ما تشعرين به في قلبك وما هو الأفضل لمستقبلك. وفقك الله في اختيارك، وأنت تستحقين كل الخير والسعادة.
تم النشر الأربعاء، ١١ سبتمبر ٢٠٢٤
خليكي مع مامتك متسبهاش هي اكيد محتاجاكي زي ما بتقولي ف خليكي جنبها هي ملهاش حد واستحملي الفتره دي لحد زي ما بتقولي هتجوزي + حاولي تغيري جو صاحبي ناس جديده شوفي حد قريب منك فضفضي معاه روحي شغلك وسلي وقتك ف كذا حاجه روحي جيم العبي رياضه قربي من ربنا وصلي كتير وادعي وربنا يهدي قلبك ويوفقك يارب وربنا هيعوضك كل الحزن ده أن شاء الله أما تتجوزي وتبقي حياتك كويسه واحسن
تم النشر الجمعة، ١٣ سبتمبر ٢٠٢٤
بصراحه انا حاسه بيكي أووي لاني اتحطيت في نفس الموقف وربنا يعينك بجدا انا كنت نفس الموقف بتاع في اني اختار ابعد واختار الشغل بمرتب احسن في القاهره واني اشتغل جمب البيت بمرتب عادي وعارفه لما حسبتها لقيت ان الزياده رايحه ع السكن الكهربا والاكل والمواصلات لشغل وكل دا وكان متبقي حاجات بسيطه في المرتب غير تعبي فلقيت فبرضو وافقت ع عرض اني اروح اسكن في القاهره عشان ابعد عن المشاكل الي في البيت ومن جهه تانيه أكبر نفسي في مجالي روحت يوم ورجعت في كلامي واخترت اني اعيش مع اهلي انا كبنت خوفت اسكن مع بنات غريبه معرفهاش والدنيا مبقتش امان اني اثق في حد مع اني نفسي اوووي استقل بنفسي ويبقى ليا حياتي الخاصه بس مش عارفه مش حبيت اني اقعد لوحدي في بلد غريبه عشان الشغل وخصوصا اني بنت مع ان اهلي كانو موافقين جدا بس انا محبتش خوفت معرفش ليه لاني عمري ما بعدت او سكنت في مكان لوحدي من غير حد من علتي المهم انا رأي الشخصي انك تقعدي جمب مامتك وخليكي قريبه منها واشتغلي شغل ful time واشغلي وقتك الفاضي بتطوير نفسك في كل حاجه مثلا انتي بتقول داخله ع جواز فقهي نفسك عن ازاي تكوني زوجه صالحه او التربيه عشان التأثير الي اخذتيها عن اهلك متأثريش ع اطفالك بعدين فهماني.. كمان متنسيش اننا في الدنيا دار امتحان واختبار لازم نستعد له كويس احفظي قران تابعي علم شرعي واي حاجه تتعلمها جديد علميها لمامتك تاخدي اجر كبير وهكذا.. والله اسمعي كلامي وفكك من القاهره الناس في المجتمعات الشرقيهمبيرحموش البنت لما يلقوها لوحدها في اي مكان سؤا بالكلام او الأفعال ومهما كان بيبقى وجودك في بيتك أأمن ليكي من وجودك بعيد عن اهلك انتي حاولي تتجاهليم واتعرفي ع ناس جديده وربنا يسعدك ويعينك ي حببتي على ابتلأك 🌹
تم النشر الجمعة، ١٣ سبتمبر ٢٠٢٤
ربنا يوفقك في حياتك اللي جايه ويعوضك ويجبر بخاطرك. المقارنة صعبة الحقيقة بين الراتب وتحقيق الذات وبين مامتك وخصوصا انك هتسبيها في اقل من سنة ان شاء الله. بس بعدك عن الببت وسكنك لوحدك برده ليه عيوب وممكن فرق الراتب دا انتي تصرفيه في الايجار والميه والكهرباء والغاز والأكل والمواصلات فمش هيكون الفرق كبير او مش هيكون فيه فرق مادي اصلا. فانا لو مكانك بجد حتى لو مقابل مادي كبير انا هاختار ماما لإني هسيبها والله اعلم هشوفها تاني كل قد ايه وكفاية رضاها عليها وآخر الصبر جبر اكيد
تم النشر الجمعة، ١٣ سبتمبر ٢٠٢٤
هو افضل انك تفضلي جنب اهلك يعني اشتغلي وحاولي مثلا تشتغل شيفت full time بحيث تفضلي برا البيت ونفسيتك ترتاح اكتر اعذريهم اللي حصلهم من اخوكي وصدمه مش قليلة انا عارفه انك ملكيش ذنب بس ده قدر
تم النشر الخميس، ١٢ سبتمبر ٢٠٢٤
في رأيي روحي مكان بعيد عشان تهدي نفسك وتريحي اعصابك ويمكن باباكي لما تبعدي عنو يحنلك ويشتقلك وتتحسن حالتك باذن الله ومتنسيش انو ربنا قال (وخُلِق الإنسان ضعيفًا) لاتقنطي من رحمه الله ودايما اذكري دعاء سيدنا ايوب.،، "رب اني مسني الضر وانت ارحم الراحمين"
تم النشر الأربعاء، ١١ سبتمبر ٢٠٢٤
حضرتك محتاجة استشارة اختصاصي نفسي يدلك على تعليمات تقدري بيها تكملي حياتك في اتزان،، فكرة والدك انه انعزل دي نتيجة لكمية الصدمات اللي اخدها من اخوكي وهو غصب عنه، موضوع الشغل لو هتقدري تبعدي الفترة دي عن البيت وامك يكون افضل ليكي علشان انتي محتاجة تغيري الجو اللي انتي فيه
تم النشر الخميس، ١٢ سبتمبر ٢٠٢٤
امشي وغيري چو ضروري كده كده هتسبيها وتمشي وهتتجوزي
تم النشر الخميس، ١٢ سبتمبر ٢٠٢٤
الله يكون في العون
تم النشر الخميس، ١٢ سبتمبر ٢٠٢٤
رضا والدتك طبعا مش كل حاجه الفلوس + ان شاء الله مع الوقت الحال يتصلح وبرضو والدتك مهما كان راحتها من راحتك وهتقولك اعملي اللي يريحك وكدا كدا كلها سنه وهتتجوزي ان شاء الله وربنا يوفقك في حياتك
تم النشر الأربعاء، ١١ سبتمبر ٢٠٢٤
لعرض السؤال في فدني اضغط هنا