سؤالى بيمثل فئة بعينها بدرجة وعى معينة عن الصحة النفسية
ملهاش علاقة خالص بالطبقة المجتمعية ( المادية)
فقه الاولويات اللى يخلى الشخص يستخسر فلوس فى صحتة النفسية فى حين انه بيصرف اكتر من نفس الفلوس فى هدوم او كافيه او اكل تجارب او شوبينج اون لاين.
فى رأيكم ايه دافع الاشخاص من الاستهانة وتقليل الاولويه لصحتهم النفسية بالشكل الغير منطقى ده ؟
يمكن علشان دي حاجه مش منتشره في المجتمع بتاعنا شايفين أن مفيش حاجه اسمها تحسن صحتك النفسيه يعني انا لما اروح اتكلم مع الشخص الغريب ده واحكيله كل حاجه عن حياتي ومشاكلي هيقولي استني علاء الدين هيجي بالمصباح اهوه ويحللك مشاكلك نسبه من الناس شايفه أنهم مش هيستفادوا حاجه من الكلام مش هيحسوا بالتغيير لما يحكوا بس انا شايفه انك بتبقي احسن لما تحكي وتفرغ شحنه الطاقه السلبيه اللي جواك وفي حين انك بتتكلم مع شخص متخصص هيبقي فاهم اكتر انت ممكن تكون حاسس بإيه ممكن يوصلك انك تبقي احسن فعلا بس حاول ، المرض النفسي مش عيب ولا المعالجين النفسيين مجرد ناس بتسمع وخلاص ، حاول علشان نفسك المرادي يمكن تبقي احسن.
تم النشر الخميس، ٢٧ يوليو ٢٠٢٣
انا البيئه اللي انا فيها لو قلت لهم دكتور نفسي يقولوا عليا مجنونه ان هم عندهم اعتقد ان الدكتور النفسي للاشخاص المجانين بس ان كل اللي بيعملوا الدكتور ان يدي ادويه للمجانين الحمد لله انا مش محتاجه دكتور نفسي انا عندي كفايه كبيره من الوعي واعرف ازاي اتعامل مع مشاكلي حتى لو كانت مشاكل نفسيه
تم النشر السبت، ١٥ يوليو ٢٠٢٣
اكبر سبب بشوفه ان اسعار الجلسات النفسيه والعلاجات النفسيه غاليه ومش على اد الايد زي ما بيقولوا غير ان مدة الجلسات بتكون قصيرة جدا مقارنة بسعرها والشخص بيحتاج يقول كلام ومعلومات كتير فبيضطر يدفع جلسات كتير بس لغاية ما الطبيب يفهم ويشخص وبعدين يدفع زيهم تاني خطوات علاج وهكذا ثاني حاجه ان مفيش من وراها ضمان تام بالتحسن مهما كانت شطارة المعالج .اوقات بيكون العلاج محتاج ارادة وعزيمه من الانسان اكتر بكتير من حاجته للعلاج وبالتالي مهما كان الطبيب شاكر بدون اىادة وعزيمه بعد مشيئه الله مفيش حاجه هتتغير ثالثا مش كل الناس بتقدر تعبر عن ال جواها او عن نفسها ومشاكلها بشكل كافي واحيانا بنسمع جملة اذا كنت انا نفسي مش عارف انا عاوز ايه ومش عارف اوصف مشاعري هل الطبيب هيعرف يعني !!! رابعا في ناس مش بتعترف بالمرض النفسي اصلا وبتعتبر ان كل مرض له أسباب عضويه
تم النشر السبت، ١٥ يوليو ٢٠٢٣
بالنسبالي حلقة مفرغة بتيجي من نقص في الوعي النفسي والصحي العام. الشخص مش واعي إن حالته النفسية ممكن تأثر على صحته الجسدية و العاطفية و الاجتماعية كلها، والعلاج النفسي ممكن يساعده يطور نفسه ويحل مشاكله. فهو مش واعي لقيمة العلاج، فبالتالي مش بيدرك أنه ممكن يستثمر في صحته النفسية ويوفر على نفسه مصاريف الأمراض والتعب اللي هيتعرض له لو ماعالجش نفسيته. فالحل هو نشر الوعي، خاصة بين الشباب، عن أهمية الصحة النفسية والعلاج النفسي. كلما زاد الوعي بقيمة العلاج، زاد الطلب عليه وانتشر بين أوساط المجتمع.
تم النشر السبت، ١٥ يوليو ٢٠٢٣
المنظر قدام الناس يعني اللي لابس نضيف هو الشخص WoW مفيش منو اتنين و بنسبالهم ده شئ عديم النفع لأنهم ميعرفوش إن القيمه المعنوية هيا اللي بتجيب فلوس دلوقتي يعني لسا فى زمن اللي بيتقدر فيه الشغل الجسدي و ممكن كمان يكون بنسبالهم شئ تافه و خلاص منغير سبب لأنهم اتربوا على كده كبرو على إن التعب تعب الجسد مش العقل أو ممكن لإن بعض الناس شايفين إن الحاجات ديه الناس الغنيه بس هيا اللي بتجيب الحاجات ديه أو بتصرف فلوسها فيها ديه كلها أسباب لكن لو هقول من الناس اللي حوليا فده هيكون بسبب الجهل منهم بأهميه حاجه زي كده جهل و خلاص بدون أسباب بس.
تم النشر الجمعة، ١٤ يوليو ٢٠٢٣
استكمالا للسؤال لو السبب هو نظرة المجتمع ....طب ليه رغم وجود سبل كتير حاليا وبكل خصوصية ومن غير ما حد يعرف اصلا ....لسه فى حاجز تجاه الثقافة النفسية؟
تم النشر السبت، ١٥ يوليو ٢٠٢٣
لأن المنطقة والبيئة ما بتشجِّع الواحد إنّه يعالج صحته النفسية وبالنسبة إلهم هاد اشي طبيعي وبصير مع أيّ حد ومافي داعي للعلاج ولا لمجرد تفكير ومافي سبب يخلي نفسيتك تتعب وهاد دلع واشي مش صح... ما في ثقافة عن العلاج النفسي ولا وعي، العادات البيئية هي محتلة التفكير..
تم النشر السبت، ١٥ يوليو ٢٠٢٣
من وجهة نظري ممكن يكون قلة وعيه بالصحة النفسية و ممكن يكون خوفا من معتقدات و آراء الناس عنه و ممكن يكون خايف يتعالج أو انه ياخد الخطوة دي ذي الي عندهم اضطرابات طعام
تم النشر الجمعة، ١٤ يوليو ٢٠٢٣
يعنى هنقول ان السبب افكار مغلوطة ومعتقدات قديمة وغلط؟
تم النشر الجمعة، ١٤ يوليو ٢٠٢٣
فمجتمعي الي بعيش فيه الناس بتعتبر إنه الي بيدور على حلول لمشاكل نفسية عنده دي حاجة عيب أو الشخص دا مجنون مثلا والأساطير دي، ممكن برضو ناس مبتحبش تصرف فلوس على الصحة النفسية لأنهم مش مقدرين أهمية الوعي والعلاح النفسي + مش متعودين إن في بند في الميزانية اسمه صحة نفسية
تم النشر الجمعة، ١٤ يوليو ٢٠٢٣
معاكي حق والله يكوتش
تم النشر الأربعاء، ١٥ مايو ٢٠٢٤
شرفنى على صفحة الفيس بوك يا استاذ محمد
تم النشر السبت، ١٥ يوليو ٢٠٢٣
مهتم
تم النشر الجمعة، ١٤ يوليو ٢٠٢٣
لعرض السؤال في فدني اضغط هنا