ياترى هبقا ظالمه ولا مظلومه لو بابا بيفرق ف المعامله بينى وبين اخواتى ف كل حاجه حتى الكلمه ولو طلبت حاجه ولو بسيطه اوووى بمعنى الكلمه بيكون ردها بعدين مش دلوقتي ف حين ان لو حد من اخواتى طلب نفس الحاجه بيوافق عادى جدا ولو طلبت انزل مع صحابي بيكون ممنوع ومفيش نزول حتى لو طلبت هدوم بيقا بردو بعدين بحس ان طريقته معايا انا مختلفه تماما غير اخواتى ومش من دلوقتى بس بالعكس ده يمكن من وانا عندى 6 سنين فاكره حاجات زى كده كتير وكبرت ع انى اسكت ومش اطلب حاجه بس انا دلوقتي كبرت وبحتاج حاجات غصب عنى بطلبها وحاولت كتير انزل شغل عشان مش احتاج منهم حاجه ف البيت بس ملقتش اى حاجه مناسبه ودلوقتي حرفيا منهاره من العياط لانى طلبت حاجه ضروريه ليا وكان ردها لا بردو من جوايا مش قادره اعمل حاجه هل كده انا ظالمه عشان انا عارفه ان كل حاجه دلوقتى غليت وهو عنده ضغط واكيد هو تعبان بس ليه مش بيحصل كده غير معايا اناا ليه انا بس اللي بيحصل كده معايا وكده انا المفروض اسامحه ع كل حاجه ولا حتى مش من حقي
اخواتك ذكور ولا بنات ؟ وايه ترتيبك بين اخواتك؟
تم النشر الأربعاء، ٢٤ مايو ٢٠٢٣
انا فضلت 17 سنة عالوضع ده بس انا واخواتي مش انا بس وبعدها نزلت شغل واتنين وتلاتة واستقليت ماديا ومبقتش بشغل دماغي واللي نفسي فيه بجيبه وبساعده كمان احيانا. هو الموضوع صعب حقيقي بس لو لقيتي شغل مناسب ليكي هيبقي احسن
تم النشر الأحد، ٢١ مايو ٢٠٢٣
ليه محاولتيش تتكلمي في الامور ديه بصراحة طيب مع بابا؟ اوقات كتير الصراحة في المشاكل اللي زي ديه بتكون هي الحل! اتكلمي معاه .. واشرحي له على اللي انتي بتحسي بيه ... وشوفي رده عليكي هيكون ايه؟ اهم حاجه اتكلمي بهدوء معاه. وبالنسبة للشغل .. جربتي تدوري اونلاين!
تم النشر الأحد، ٢١ مايو ٢٠٢٣
تعامل الاباء مع الابناء ووضعهم فى مسؤوليات ومكان حد كبير بدون وعى ....نحله ازاى؟ ١. نبدأ نردد باشكال مختلفة ان انا مش الشخص ده ..( انا مش ماما ..انا بنتك) ( احنا كلنا شايلين مسؤولية مكان ماما ...انا مش لوحدى ) وهكذا ٢. يبقي عندنا نظام خاص بسننا ومنعملش فيه حاجة تانيه ....وقت الدراسة انا بذاكر ..لما اخلص هعمل اللى عليا ..مقدرش اجى على حقى وده حقى. ٣. بابا ادلع عليه شوية ...بابا حبيبي ...ربنا ما يحرمنى منك يا احلى اب ...انا لما اتجوز هدور على حد زيك ....ازود احساسه بالابوه . ٤. نصمم ان كل حاجة تتعمل بشكل جماعى...يلا ننزل نخرج كلنا ...يلا ننزل نجيب هدوم ...( حتى لو نزلتى وهما اشتروا وانتى دلوقتى مش عاوزة ) ده هيدخلك تانى فى الصورة عند بابا.
تم النشر الثلاثاء، ٦ يونيو ٢٠٢٣
ربنا يهديه ليكي ويرزقك من حيث لا تدري ي حبيبتي يارب
تم النشر السبت، ٢٠ يوليو ٢٠٢٤
لعرض السؤال في فدني اضغط هنا