السلام عليكم ورحمة الله وبركاته
انا مرتبطة بقالي سنة ونص وبحب الشخص ده جدا وانا اللي ابتديت في العلاقة دي وضحيت عشانها كتير حاولت انها تنجح كذا مرة وما تنتهي بس هو بين لي العكس كان كل مرة بيخذلني اكتر من الأول في مواقف متعددة ولأسباب تافهه انا حاسة اني تعبانة اني يمكن اصلا مرضت بسبب العلاقه دي وحاسة اني بموت ما بقدرش اتنفس كويس ولا باكل ولا بنام وهو عارف كده بس هونت عليه
قبل كم شهر قولتلو اني اتقدملي عريس سكت وقالي انا كنت فاكرو صغير موش كبير ولما الموضوع كبر واسرتي اصرو اني اقبل بالعريس وكلمتو عشان يشوف معاي حل قلي هو كبير عليكي اتصدمت من ردة فعلو يعني مشكلتك انو هو كبير علي؟؟ لو كان صغير كنت اقبل عادي طيب وحبنا؟ والوعود؟ خربت كل حاجه ورفضت العريس ورجعتلو وكنا كويسين قال انو حيتجوزني بس موش بعد سنة ولا سنتين يمكن اكتر عشان ظروفو ما تسمحش ولما جبنا سيرة الخطوبة والمفروض انو يقابل بابا وكدة بقى يقولي انتي اتغيرتي وبقيتي ما بتهتميش بيا واني انا سبب نجاح العلاقه ولو سكت العلاقه حتنتهي على اساس انو انا ماليش اي دور في العلاقة دي
انا تعبت من العلاقة دي جددددا ومحتارة اعمل ايه انا متعلقه بيه ومش عايزة اسيبو افيدوني🙏
إنت عاوزة اكتر من كده أي دلا لأن أنه شخص بيلعب بيكي وغير جاد في العلاقة غير أن دا حرام خالص فلازم تدوري على مصلحتك الحب لا يدوم وبالأخص حب ما قبل الزواج مع شخص مش شاريكي ولا خايف عليكي ولا بيعافر الدنيا عشان خاطرك إنت احسن واقيم وأغلى من إنك تجري ورا واحد إنت اللي يتجري وراكي وتستاهلي اللي يقدرك ويدخل البيت من بابه ويشتريكي بالغالي
تم النشر الاثنين، ١٤ أكتوبر ٢٠٢٤
وعليكم السلام ورحمة الله وبركاته، يعني انتي نفسك قلتِ إنها علاقة توكسيك من ناحيته، فإيه اللي يجبرك تكملي في حاجة مؤذية؟ ده لو ركنا على جنب إن العلاقة أصلا حرام ومتنفعش في ديننا. بس خليني معك في إنك مكنتيش تعرفي إنها حرام وغلط وخيانة لأهلك وإنك تعلقتِ بالشخص ده وعرف يلعب على مشاعرك. دلوقتي انتي قُدام طريقين، الأول، تكملي في الطريق اللي انتي فيه وتفضلي عاملة من مشاعرك ومن نفسك مداس لحضرته ومستنياه لما يشفق عليكِ ويتعطف ويجي يخطبك من أهلك وده فيه كلمة مشهورة عندنا بتعبر عنه واللي هي (في المشمش) لأن اللي زي ده اصلا من البداية بيتسلى وبيلعب بك زي أغلب الشباب في الفترة دي ولما بقى يحب يستقر طبعا هيختار واحدة مصاحبهاش عشان في نظره هتبقى قليلة وزي ما مشيت معاه من وراه أهلها ممكن تمشي مع غيره من وراه. فاللي هيحصل إنه هيعلقك جنبه كم سنة كده بيستنزف مشاعرك وبيلعب بسمعتك وبعدين يقول لك مع السلامة أصل اكتشفت إننا مننفعش لبعض. والطريق الثاني بقى، إنك تفوقي لنفسك وكفاية لحد كده على كرامتك. اخرجي من التعلق المرضي اللي انتي فيه وانقذي اللي باقي من نفسك قبل ما تدمريها تمامًا. تخيلي بس نظرة ربنا لك وانتي بتعصيه عشان واحد بيتسلى وعرف يضحك عليكِ ويستغل حاجتك للعاطفة. انتي مستعدة تقابلي ربنا بالذنب ده؟ مستعدة تكملي تخريب في حياتك عشان واحد بيعاملك بالحقارة دي وبيتأمر عليكِ كمان وانتي اللي بتتحايلي عليه عشان يرتبط بك رسميًا؟ فوقي لنفسك يا بنتي. نصيحة من أخت أكبر منك اقطعي علاقتك بالشخص ده قبل ما تندمي ندم عمرك. ربنا يوفقك للخير ويبعد عنك شياطين الإنس والجن.
تم النشر الأحد، ١٣ أكتوبر ٢٠٢٤
وعليكم السلام ورحمة الله وبركاته انتي قولتي انك مرتبطه بيه صح طب ما دا خيانه منك لاهلك دا اولا ثانيا هو اي اتنين عرفو بعض يطلق عليهم لفظ مرتبطين ثالثا انتي مستعده تموتي وانتي في العلاقه دي انا عارف اني كلامي مش منطقي ممكن بالنسبه لبعض الناس بس قال تعالي { وَلِكُلِّ أُمَّةٍ أَجَلࣱۖ فَإِذَا جَاۤءَ أَجَلُهُمۡ لَا یَسۡتَأۡخِرُونَ سَاعَةࣰ وَلَا یَسۡتَقۡدِمُونَ } [سُورَةُ الأَعۡرَافِ: ٣٤]انتي بتقولي مش بعد سنه ولا حتي سنتين دول كتير انتي ليكي سنه ونص بتوزعي مشاعرك for free احنا بوظنا النظام يعني والله العظيم المشاعر دي لما بتكون للشخص الصح يعني بتكون جميل جدا دا من وجهة نظري لفظ مرتبطين دا كلمه كبيره بيترتب عليها مسؤليات وعيله كامله قصدي الجواز اما اي حد بيدخل في علاقه من النوع دا بيكون عايز يمارس صفاته الذكوريه ويحس انه راجل وليه كلمه بس بدون مسوليا يعني لو انتي نازله لازم تاخدي الاذن منه لو بتعملي حاجه لازم تقليله عليها فاهمه قصدي ودا في الغالب بيكون من سنه 15سنه او بعد البلوغ لحد ممكن 20سنه او اكتر مش عارف بس ما الجميل في هذه العلاقات وهو في الغالب اللي بيطلع خسران من العلاقات دي هي البنات احنا والله في الغالب دخلين نتسلي وبنا يعافينا من دا المهم هو اول مايوصل لسن معاين يبدا يفكر طب انا لو اتجوزت دي طب مازي ماكلمتني هتكلم غيري وكدا يعني وبروح يخطب حد تاني لاني احنا بالفطره بنحب الحاجه صعبه الوصول بعدين لما المشاعر تخلص قبل مايفكر يتقدملك اصلا بعد ماتتجوزو دا لو حصل هل هيكون فيه مشاعر تانيه معتقدش وبعدين بلاش نفتح باب مش هنعرف نقفله تاني والله ولو مشينا ورا ابليس هنشقي قال تعالي{ فَقُلۡنَا یَـٰۤـَٔادَمُ إِنَّ هَـٰذَا عَدُوࣱّ لَّكَ وَلِزَوۡجِكَ فَلَا یُخۡرِجَنَّكُمَا مِنَ ٱلۡجَنَّةِ فَتَشۡقَىٰۤ } [سُورَةُ طه: ١١٧] انتي خايفه اهلك يعرفو وفي الغالب هو كمان خايف اني اهلك يعرفو وبعدي تتوقعي اي من واحد قبل يكلمك.من وراء اهلك وعلي فكره الحب مش شرط للجواز هو ممكن يجي بعد الجواز عادي فا اتقي الله في اهلك وبلاش ترمي مشاعرك في الارض قال رسول الله بقوله ﷺ: "إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير" ودا حصل دلوقتي وبصي في المجتمع هتلاقي اغلبه فاسد بس شكله حلو اتمني انك تبعدي عنه. https://youtu.be/saN93CPUg2A?si=U4dqkyGzk7YqPrs- https://youtu.be/2jGaxdGVtHI?si=mIWTZ2AizMe0LFRJ . تقدري تشوفي podcasts دي اعتقد هتغير مافهومك عن العلاقات دي
تم النشر الأحد، ١٣ أكتوبر ٢٠٢٤
وبدي تذكري أشي مهم للغاية ، ( أي بداية لا ترضي الله نهايتها لن ترضي صاحبها )
تم النشر الاثنين، ١٤ أكتوبر ٢٠٢٤
وعليكم السلام ورحمة الله وبركاته، أول إشي، أنا حابب أقول لك إنه مشاعرك طبيعية جداً، خاصة بعد سنة ونص من العلاقة. الوضوح في الأمور والتواصل الجيد بين الشريكين مهم جداً، لكن إذا كان هو مش عم يعطيك الاحترام والدعم اللي بتستحقيه، فهذا بيكون علامة على إنه العلاقة بحاجة لإعادة تقييم. إذا كنت حاسة بالتعب النفسي والجسدي، فهذا يعني إن العلاقة ما عم بتفيدك، بل بالعكس عم تأذيك. صحيح إنك مرتبطة فيه وبتحبيه، لكن لازم تعرفي إنه صحتك النفسية والجسدية أهم من أي شيء. العلاقة المفروض تكون مصدر دعم وسعادة، مو مصدر ضغط وإرهاق. بالنسبة لموضوع العريس، واضح إنه هو مش قادر يتخذ خطوة جدية نحو المستقبل، ورجع يقلك إنه عليك الانتظار فترة طويلة. لما يكون عندك عريس، هالشيء يعني إنه فيه فرص جديدة ممكن تعطي نفسك فرصة لتجربة حب جديد. حاولي تفكري بوضوح. سؤالي لك هو: هل الشخص هذا فعلاً يستحق كل الجهد والتعب اللي عم تبذليه؟ إذا حسيتي إنه مش قادر يلبي احتياجاتك وعم يخذلك، ربما حان الوقت لإعادة تقييم العلاقة. حاولي تبتعدي عنه لفترة صغيرة، يمكن هالشي يساعدك تعيدي التفكير في مشاعرك. استغلي الوقت هذا لتعتني بنفسك ولتعزيز ثقتك بنفسك. إذا كان في مجال لفتح نقاش صريح معاه عن مشاعرك وماذا تتوقعين من العلاقة، جربي. بس إذا لم يكن فيه أي تحسن، قد يكون من الأفضل لكِ تتخذي قرار صعب ولكن ضروري. لا تنسي إنه في الحياة كثير من الفرص. إذا تركتيه، لا يعني إنك لن تجدين الحب مرة أخرى. اعطي نفسك فرصة لتكوني سعيدة.
تم النشر الاثنين، ١٤ أكتوبر ٢٠٢٤
لعرض السؤال في فدني اضغط هنا