بابا محامي و عايشين علي قد حالنا ومستورين والحمدالله من فتره تليفونه اتسرق وكان عليه كل ارقام الموكلين وشغله وكل حاجه معرفناش نرجعه وارقام الناس ضاعت وكان ليه اتعاب عند بعض الموكلين مفيش حد فيهم اتصل بيه عشان يديله اتعابه وخلاص كل حاجه ضاعت واحنا خمس اولاد وف جمعيات ومدارس ومش عارفين هنعيش ازاي وبابا شغله انوقف خالص وماما دورت علي شغل مش لاقيه عشان كبيره فالسن نعمل اي بابا محامي شاطر جدا وخبره 30 سنه بس المشكلة مفيش شغل هيقضي مصروفنا الشهري احنا بنصرف كتير جدا واعتقد ان مهنه المحاماه الوحيدة الي مناسبه لمصاريفنا بس فجأة حالنا اتوقف وبابا مش عارف يعمل اي
هو ممكن يروح الشركة ويعمل طلب بتفاصيل المكالمات بالأرقام ويتابع اللى راح منها + انه لما ان دول موكلين فى قضايا عنده فعن طريق أوراقهم وعناوينهم يروح يطلب باقى اتعابه او يبعتلهم حتى باى طريقة مع وسيط مثلا
تم النشر الاثنين، ٦ مايو ٢٠٢٤
لو والدك كان خطه فودافون مثلا يقدر يسجل دخول على انا فودافون ويدوس على ال 3 شرط المكتوب عليها المزيد ومنها يختار شحن ومتابعة الرصيد ومنها يختار تفاصيل إستهلاكي و يختار المكالمات وهيظهرله كل الأرقام اللي إتصل بيها الشهر اللي فات كامله وممكن تكتبوا كل رقم على تروكولر وتشوفوا إسمه إيه وتسجلوا ارقام الموكلين .. أو يقدر يتوجه لفرع فودافون أو موبينيل او إتصالات أو وي حسب نوع خطه ويطلب منه تفاصيل إستهلاكه للمكالمات او الرسائل الوارده والصادره لمده شهر أو شهرين أو ممكن من تطبيق تروكولر يفتح نفس الحساب اللي كان مفتوح على موبايله القديم ويقدر يرجع لكل المكالمات الوارده والصادره على حسابه ويقدر يسترجع جميع الارقام اللي كانت في موبايله القديم من خلال حساب جوجل عن طريق فتح جوجل ثم الضغط على الاعداد والإستعادة ثم إستعادة جهات الإتصال ثم إختيار الحساب الذي كان على هاتفه القديم او عن طريق الفيس بوك عن طريق الدخول لإدارة جهات إتصالك التي تم تحميلها من اللينك ده https://www.facebook.com/mobile/messenger/contacts
تم النشر الأحد، ٥ مايو ٢٠٢٤
ممكن تروحو الشركه تطلبو فاتورة تفصيليه بمكالمات والدك مؤخراً ومنها هتقدري تعرفي الارقام وتبحثي عنها عن تروكولر وتحددي هيا لمين وتبدأو تتطالبو بحقكم تسترجعو الخط مره اخري وإن شاء الله الارقام ترجع والموكلين يكونو محترمين ويتذكرو أتعاب والدك والأمور ترجع تكون أفضل من الأول بأذن الله
تم النشر الاثنين، ٦ مايو ٢٠٢٤
الاجهزه الاندوريد الله يبارك لها حلت المشكله دى نهائيا عن طريق حفظ الأرقام علي الچميل اتسرق او حب يغيره يضيف الچميل علي الجهاز الجديد تظهر كل الارقام اللي عنده
تم النشر الاثنين، ٦ مايو ٢٠٢٤
لو باباكي كان حافظ بأسورد اك الجيميل جربي تسجليي عشان اوبشن Backup الاسماءمتحدد تلقائي ف جربي ممكن تظبط وخير إن شاء الله وممكن برضوا بابكي يعمل محضر بالكرتونه والله فيه الخير يقدموا ربنا
تم النشر الأحد، ٥ مايو ٢٠٢٤
هو التليفون بزراير ف خلاص مش هيرجع
تم النشر الأحد، ٥ مايو ٢٠٢٤
لعرض السؤال في فدني اضغط هنا