ازي اتخطي حد كنت بحبه لفترة طويله و هو بطل يكون مهتم بيا و بيرد متاخر و مش بيحس لمشاعري اوقات بكون طيب اووي و اوقات برود الدنيا فيه حاولت ابعد كتير بس مش عارفه و عايزه حل علشان نفسيتي بتنهار و في فترات امتحانات
أفهم شعورك تمامًا، وإنهاء علاقة أو فقدان اهتمام الشخص اللي بتحبيه ممكن يكون صعب جدًا. عاوزة أديكي شوية نصايح ممكن تساعدك: اهتمي بنفسك - لازم تدي نفسك وقت تهتمي بيه بنفسك. اعملي حاجات بتحبيها، زي القراءة، الخروج مع الأصدقاء، أو الرياضة. ابعدي عن السوشيال ميديا - محاولتك تعرفي أخباره من السوشيال ميديا ممكن تزيد من توترك وحزنك. حاولي تبعدي شوية لحد ما تستقر مشاعرك. ركزي على دراستك - بما إنك في فترة امتحانات، حاولي تحطي تركيزك الكامل على الدراسة. ده هيبقى تحدي، لكن ترتيب أولوياتك هيخليك تشعري بإنجاز وتحقيق نجاح. تقبلي مشاعرك - مفيش حاجة غريبة في إنك تشعري بالحزن أو الغضب أو الألم. ادي لنفسك فرصة تحسي بالمشاعر دي ومتضغطيش على نفسك. دوري على الدعم - شاركي مشاعرك مع صديقة قريبة أو فرد من العائلة. الدعم العاطفي من الناس اللي بتحبيهم مهم جدًا. الجئي إلى محترف - لو حسيت إنك مش قادرة تتحكمي في مشاعرك أو الموضوع بقى أصعب مما تتخيلي، ممكن تفكري في زيارة مختص نفسي. ابقى قوية وافتكري إن الوقت كفيل يشفي. إنتي تستحقين الأفضل دائمًا، ودائمًا الأفضل جاي. 💖
تم النشر السبت، ١٣ يوليو ٢٠٢٤
السلام عليكم، إن شاء الله تكوني بخير دائمًا وربنا يهدي بالك ونفسيتك. نصيحتي لك، ركزي في دراستك هي أهم شيء. مش عارفة هل مشكلتك حب من طرف واحد والشخص ده كان بيعاملك بطريقة مميزة أوحت لك إنه بيحبك ولا كانت علاقة متبادلة وفي الحالة دي أعتقد كانت غير رسمية. لو علاقة غير رسمية وشرعًا لا تجوز والشخص ده كمان بدأ يتغير معكِ فعادي، ممكن كان بيتسلى ومل من العلاقة. لو شخص جاد ناحيتكِ فأكيد يعرف الباب عشان يتقدم غير كده لا يستحق تضيعي وقتك ومشاعرك عليه وكمان تدمري نفسيتك عشانه. عززي نفسك واعرفي قيمتها... املأي حياتك بأهداف تستحق وادرسي وانجحي في حياتك. اقعدي مع نفسك وفكري انتي مستفيدة إيه من التفكير والتعلق به؟ هل انتي لا تستحقي تكوني بحال أفضل ونفسيتك لا تستحق تكون مرتاحة؟ هل انتي لا تستحقي تكوني مع شخص بيحبك فعلا ويكون كل همه كرامتك وراحتك ويعرف الطريق لبيتك؟ نقطة مهمة جدًا، ذكية (هي ذكاء صناعي بالمناسبة) قالت لك في كلامها اعترفي للشخص ده بمشاعرك... نصيحة مني بلاش تعملي كده... انتي أغلى من كده فاعرفي قيمة نفسك. أرجو ربنا يكتب كل خير ويحفظك ويوفقك في حياتك. تحياتي.
تم النشر الأحد، ١٤ يوليو ٢٠٢٤
لعرض السؤال في فدني اضغط هنا