انا الدنيا عندي صعبه اوي اليومين دول مفيش شغل والحال بقي صعب معتش فيه بركه في اي حاجه وعمال ابيع حاجتي بعت تليفوني وحجات كتيره مكنتش افكر في يوم اني ابيعها ابدا ومش لاقي شغل يزود دخلي والي بيجبلي شغل بيحسسني اني عبد عنده وبمقابل قليل وعمري مكنت استلف من حد دلوقت بقي عليا فلوس لناس كتير هما مبيطلبوهاش بس بزعل لما بقعد معاهم وافتكر وببقي هاين عليا الارض تتشق وتبلعني وحبيبتي الي واعدها بالجواز مستحمله معايا معايا بس خايف ليجي اليوم الي انا الي ابعد عنها عشان الحال الصعب دة ومعتش عندي الا الابتوب والموبايل الصغير الي بكلمكم منه دة محتاج بجد طىيقه اجمع بيها فلوس زيادة من الابتوب او اي شغل اونلاين ينفعني انا معييش شهادة عليا ومش لاقي شغل حلو وشغلتي مهنه عادي يوم شغال وعشره قاعد 🙁🙁💔
01555234220 ده رقم HR ف شركة تيلي سيلز ف المعادي الثابت بتاعك اظن هيبقي ٣٥٠٠ والمتغيرات هتوصل معاك من ٥٠٠ ل٥٠٠٠ ع حسب التارجت اللي هم حاطينه ومتقلقش تقدر تحقق التارجت بسهولة يعني كلام بسيط وربنا يعينك ويصلح حالك وحالنا المهم متيأسش وتفضل تحاول
تم النشر الأربعاء، ١٢ أبريل ٢٠٢٣
بص يا صاحبي إحنا ف ايام مفترجة و انا عارف ان الحياة بقت صعبة جدا بس الحمد لله على كل حال و انا والله كنت اتمنى اكون مثقف شويه ف شغل الاونلاين و كده بس للاسف انا معلوماتي متواضعة جدا ف المجال ده عامة هقولك اللي انا أعرفه أو كنت اعمله لو مكانك . كنت هدور اولا ع اي شغل جنبي بعرف اعمله و يكفيني ليومي مع كام ساعة ف اخر اليوم اتعلم فيهم حاجه تجيبلي فلوس من ع النت زي فوتوشوب و اليستراتور و مونتاج و غيرها . تاني حاجه اسرع شويه موقع اسمه gotranscript ممكن تتفرج ع ڤيديوهات ع اليوتيوب ازاي تشتغل فيه و كده وده لينك الموقع https://gotranscript.com/ . ممكن حاجه كمان حلوة شغل فوتوجرافر بس لازم تتعلم برده فيها . عامة أنا عارف الحاجات ده كلها محتاجه وقت شوية و مهارة انك تتعلمها بس صدقني مربحة و اعتقد متوفرة شويه و كل ما تتميز فيها هتجيب فيها و ربنا يرزقك بحلاله.
تم النشر الأربعاء، ١٢ أبريل ٢٠٢٣
حقيقة أتمنى أن أقدر على مساعدتك، ومن هنا دعني أقدم لك بعض الأشياء التي يمكنها أن تساعدك في التعلم، ومن ثم أسئلك بعض الأشياء هناك مبادرة على اليوتيوب بسبب يالا فريلانسر، وهي مجموعة من المحاضرات المجانية لخبراء في مجالات العمل الحر، كفيلة بمساعدة من يستمع إليها لمعرفة العمل الحر، وظائفه، كيفية البدء فيه، وتحديد المجال الأنسب له في نهاية المطاف https://t.me/gofreelancewithibnsina هذا رابط قناة التليجرام التي ستستطيع من خلالها الوصول إلى هذه المحاضرات نصيحتي لا تلجأ حاليًا لمواقع العمل الحر لأن حبالها طويلة، ان كنت بالفعل تعمل في مجال معين، فابدأ في التسويق لنفسك على منصات التواصل الاجتماعية، ووسط الأقارب، يمكنك الاعلان لنفسك على الفيس بوك من خلال صفحتك الشخصية، يمكن الاعلان هنا، انستجرام. بين أفراد العائلة، كل من تعرفه، أخبر الناس كلها بما تفعله تمامًا وبمقدار التكلفة التي تحصل عليها في المقابل. واقسم لك سيأتيك الرزق باذن الله، أنا اكلمك الآن بعد ما يزيد عن ثلاث سنوات في مجالات العمل الحر، وجل عملي تقريبًا جاء بهذه الطريقة بعيدًا تمامًا عن مواقع العمل الحر. اسألك أخيرًا اذا سمحت هل انت تعمل في مجال معين، أم لم تحدد مجالًا بعد؟ ، وما هو مجالك هذا؟
تم النشر الأربعاء، ١٢ أبريل ٢٠٢٣
وما استحكمت حلقاتها الا فرجت انت تسعى وتتحمل الوقت الصعب لانه ياذن ربك هيعدى وتستعين بقدرة ربنا على الوضع ده وتتقى الله فى كل المواضع. وتلتزم الدعاء زى ده اللهم إليك أشكو ضعف قوتي وقلة حيلتي وهواني على الناس يا أرحم الراحمين أنت ربُّ المستضعفين وانت ربّي. فى مواقع وشغل كتير بس انت حط كل وقتك وجهدك فى حاجة واحده....متستقلش اى شغل ...الشغل بيجيب شغل سوق اون لاين او بيع اى حاجة تشتريها بالأجل.
تم النشر الأربعاء، ١٢ أبريل ٢٠٢٣
ده مش خالك لوحدك اغلب الناس في الأيام دي كده فلازم احمد ربنا اول حاجة على كل حال حاول تكتشف مهاراتك واعرف ايه الي انت متميز فيه كل انسان ربنا خلقه بمهارات عليك آنك تكتشفها وتنميها واعرف ازاي تشتغل بيها ، دي خطة تطوير ليك لازم نبدا فيها وفي نفس الوقت تبحث عن اي عمل ليك حتى لو مرتب قليل السعي هو اساس النجاح بعد توفيق ربنا طول ما انت بتشتغل حتى لو شغل قليل في نظرك فانت بتتعلم حاجة هتفيدك في شغلك الكبير ان شاء الله لما ربنا يرزقك بيه
تم النشر الأربعاء، ١٢ أبريل ٢٠٢٣
ردا علي ماجاء في الرساله السابقه تصالح مع نفسك ومع ربك صلي وادعي هو خالقك هو اعلم بحالي وحالك ولا تكون متشائم فكل انسان قد مر بظروف صعبه فاطلب المدد والعون من الله
تم النشر الأربعاء، ١٢ أبريل ٢٠٢٣
يا أخي، أنا آسفة لسماع ذلك. الحقيقة هي أننا جميعاً نمرّ بفترات صعبة في الحياة. لكن يمكننا تحويل هذه الفترة الصعبة إلى فرصة للتعلم والنمو. أولاً، يجب أن تحاول إعادة تقييم مهاراتك واهتماماتك بحيث يمكنك العثور على فرصة عمل مناسبة. يمكنك التحدث مع الأصدقاء أو العائلة لطلب المساعدة في البحث عن وظيفة. ثانياً، يمكنك النظر في العمل الحر عبر الإنترنت من خلال المواقع التي توفر خدمات مثل upwork.com وfreelancer.com. يمكنك العمل في مجال التصميم أو الكتابة أو البرمجة أو التسويق الإلكتروني. قد تحتاج إلى تحسين مهاراتك في بعض الأساليب أولاً، ولكن باستخدام الموارد المتاحة مثل الكورسات التعليمية عبر الإنترنت، يمكن أن تكون لديك القدرة على زيادة دخلك من خلال العمل الحر. وأخيراً، يجب عليك أن تتذكر دائمًا أن هذه الفترة الصعبة لن تدوم إلى الأبد. استخدم هذه الفرصة لتعلّم المزيد عن نفسك وتطوير مهاراتك والبحث عن الفرص المتاحة لديك. أنت قوي وستتجاوز هذه الفترة الصعبة.
تم النشر الأربعاء، ١٢ أبريل ٢٠٢٣
لعرض السؤال في فدني اضغط هنا