السلام عليكم، اولا انتي صليتي استخاره مرتين، لو حسيتي بإرتياح ليه بعد ما صليتي استخاره، يبقي وافقي، لو محستيش براحه تجاهه، برضو بعد الاستخاره متقبليش، واوعي تتجاهلي الشعور اللي بتحسي بيه بعد الاستخاره، يعني مثلا محستيش براحه، متقوليش لا انا بحبه وهو بيحبني وهيعوضني، وتقبلي بيه، ممكن انتي تكوني بعد الاستخاره حسيتي براحه بس مش عارفه الشعور راحه ولا ايه، فالحلم ده من الشيطان، اللي خلاكي تحلمي بالشخص اللي ذكرتيه، وانتي مش عارفه مشاعرك ناحيته، ممكن تكون مشاعر يعني ممكن تكوني بتعوضي الحنان العاطفي اللي المفروض يقدمه لك بباكي او مامتك، ممكن تكون دي مشاعر عاطفيه بتحاولي تعوضي بيها الحنان اللي فقداه. الاذي النفسي. وتأكدي ان الاذي النفسي او اي حاجه مضيقاكي علاجها القران الكريم واستغفري (الا بذكر الله تطمئن القلوب) وتوبي لإنك لما قلتي كنت متعلقه بيه جدا، فممكن تكوني بتكلميه عالموبايل بتتقابلي معاه، وده ذنب، ولو كان بيحبك وراجل كان جه اتقدم مش كلام بس، ولما قعد خمس شهور متتكلموش، كدا دا رد فعل غير مباشر انه مش بيحبك، انتي مش لعبه عشان يعلقك بيه وبعدها يسيبك ويرجع لك تاني ويسأل عليكي، كدا هو معتبرك تسليه بس، ومتوقفيش نصيبك علشان حد زييه، كانتوا عارفين بعض من قبل ما يتقدملك يحيي، لو كان بيحبك حقيقي كان اتقدم، لان الحب افعال مش كلام، ومتوقفيش نصيبك عشانه، الاذي النفسي علاجه الصلاة والاستغفار والقران، ومتخفيش مش هتظلميه، لو رفضتي اللي اتقدملك وقضيتي عمرك تكلميه كدا، كدا هتبقي ظلمتي نفسك، نفسك بس، استخيري مره واتنين وعشره، لحد ما تعرفي شعورك ايه، لوحدي شعرتي بالراحه تجاهه، اقبلي بيه واقبلي باللي يختاره ليكي بباكي، وشيلي اللي كنتي بتحبيه دهن من دماغك لانه مجرد تعويض نقص الحنان العاطفي،(وعسى ان تكرهوا شيئا وهو خير لكم) ممكن اكون صغيره علي اني اقول كدا لان عمري 14 سنه، بس اعملي كدا مش هتخسري حاجه، والسلام عليكم ورحمة الله وبركاته ♥
بصي هو كان حب فعلا مش تعويض نقص حنان بس احنا مكنش فيه بينا شات حب واعجاب ولا خروجات اساسا كان الشات بينا عادي بس طريقته معايا هي اللي خلتني احبه وبعد اخر شات بينا انا بجد اتقفلت منه تماما يمكن ربنا رجعني افتكره عشان اقفل صفحته تماما من حياتي عشان اعرف افكر في يحيي وشكرا ليكي يجميله علي الكلام السكر ده 🥰🥰🤎
تم النشر السبت، ١٥ فبراير ٢٠٢٥
ايه العسل ده 14 سنه والكلام السكر ده بتقوليه؟ 🤎 ربنا يحفظك ويكملك بعقلك يحبيبي 🤎
تم النشر السبت، ١٥ فبراير ٢٠٢٥
لعرض الإجابة في فدني اضغط هنا