بقدر خوفك وقلقك والشي يلي عم تمري فيه، بس كمان لازم تحكمي عقلك وتتصرفي بشجاعة، المتحرش دائماً شخص جبان وبيفرض وقاحته وقوته المزيفة على الضحية لحتى يحكمها نفسياً، لاتقبلي ذكر عم تقوده شهوته إنه يتحكم فيكي، انا مابدي خوفك بس لازم تطلعي من حدود تفكيرك الحالية يلي محاصرتك بالخوف والقلق بس، ممكن هالشخص الانتهازي يلي عم يتعرضلك يكون لا سمح الله عم يصورك لحتى لقدام يبتزك أكتر ويطلب منك شي أكتر وتبقي سجينة لشهواته، اتركي الدرس بأيا طريقة مافي قوة بالدنيي بتجبرك إنه تكفي بدرس انتي مابدك ياه حتى لو أهلك، استخدمي اسلوبك كبنت بإقناع إمك لحتى تقنع أبوكي واتركيه وإن اضطر الأمر إنه تخبري إمك بجزء من الحقيقة بشكل غير مباشر لاتقصري لحتى تقتنع (احكيلها إنه سمعتي كتير من رفقاتك عن سمعة ابنه لهالاستاذ إنها سيئة وانتي وبالدرس هو بكون موجود فالأحسن تتركي...) وبخصوص الرض النفسي يلي اتعرضتيلوا، حاولي شوفي أيا مؤسسة أو منظمة بتقدم خدمات نفسية مجانية واتواصلي معهن على التليفون. بالتوفيق💌
لعرض الإجابة في فدني اضغط هنا