السلام عليكم
انا عندى 17 سنه مش عارفه هتكلم ازاى واكيد مش هعرف اشرح انا محكتش لحد ومش عارفه هقولها ازاى انا مش بحضر دروس برايفت بحضر ف سنتر المهم ف درس الماث الاسستنت بتاع المستر هو ابنه وبصراحه الاسستنت مش محترم وبيضايقنى وكمان قالى لو قلت لحد هيقول انى بكدب واننا مرتبطين وانا كنت راضيه
بس والله انا مش بكلم ولاد خالص وهو بكرهه جدااا وعمرى ما كنت راضيه على اللى بيعمله المشكله اني يعني معروفه انى شجاعه شويه يعني لو حد حكالى بيحصل معاه كده كنت هساعده وهخليه يبقى شجاع لكن انا متخيلتش كل ده يطلع مجرد كلام
انا اول لما بيقرب منى مش بعرف اتنفس خالص مع انى معنديش اى مشاكل ف التنفس وجسمى كله بيفضل يترعش بجد هو بيخوفنى اوووى وكمان انا لما بحاول ابعده او اضربه بحس اني مش عارفة اعمل حاجه غبت كذا حصه بس اهلى بيزعقوا كمان انا بقيت بتصرف بطريقه مش فاهماها يعني بقيت اتعصب على اى حاجه ودايما على التليفون ومش بذاكر وده ممكن يخليهم يصدقوا الاسستنت
وبقيت دايما اعمل سيلف هارم كتيير وبعور نفسى جامد ولو نمت وحد مسك كتفى او او بيعدل الغطا ممكن اقوم مخضوضه بحلم بأحلام مخيفه كمان كل يوم برجع وبطنى بتوجعنى ومش بحب اعيط قدام حد بس لما بدخل اوضتى بفضل اعيط لدرجه مش بقدر اقوم من على السرير وانا استحاله احكى لاهلى لانهم مش هيصدقوا وكمان هيعاقبونى وانا صغيره مش هعرف اروح لدكتور نفسى وانا بجد تعبت اووى انا بقيت دايما خايفه وتعبانه ومش فاهمه مالى بجد
وكمان رسايله وتهديداته بتخوفنى اووى ممكن تساعدونى بس غير المحضر او اعرف اهلى عشان هو بيتجاوز حدوده وبيعمل حاجات بصراحه عيب مش هقدر اقولها معرفش بصراحة انا كتبت ازاى ممكن كلامى مش مفهموم بس اتمنى تفهمونى❤🥺
حبيبتي، المتحرش شخص جبان وبيعتمد على خوفك ورعبك وإنك مش هتقدري تعرفي أي حد عشان خايفة ميصدقوش. أنتِ الخسرانة لو استمر الوضع كده. أنا عارفة زي ما قلتِ الكلام سهل بس صدقيني طول ما أنتِ خايفة هيفضل هو يستغلك. صارحي والدتك أو أختك وممكن إذا تقدري تسجلي له على موبايلك وهو بيهددك وتسمعيهم كلامه. ليه تدفعي لوحدك تمن حاجة مش ذنبك والحقير ده يفضل مستمر في كده وممكن يكون بيؤذي غيرك وآذى غيرك قبل كده وهستمر في اللي بيعمله لو موقفش عند حده. حرام عليكِ نفسك، يعني أنتِ دلوقتي وصلتِ لكرهها عشان اللي بيحصل وبدأتِ تؤذيها مع إن أنتِ ضحية وملكيش أي ذنب. استعيني بربنا حبيبتي، قومي صلي وادعي يخلصك وتوكلي عليه وبعدها احكي لوالدتك أو شخص تثقي فيه. اظهري انهيارك لهم وعرفيهم بتهديده وإنك ملكيش ذنب ولا شجعتيه يعمل حاجة وهو مستغل خوفك منهم وإنك ملكيش حد تلجأي له. حاولي مش هتخسري، لو مصدقوش على الأقل هيقعدوكِ من الدرس ده. أما لو محاولتيش ممكن لا قدر الله التحرش يتحول لشيء أسوأ ووقتها هتكون خسارتك أبشع. حاولي وربنا معك.
تم النشر الأحد، ٥ يناير ٢٠٢٥
هو بيخوفك على الفاضي عشان انتي متكلميش و تسكتي و غلط انك تسكتي لأن كدا المشكله هتكبر اكتر لازم تتكلمي مع أهلك أو حد مقرب منك ودا اثر عليكي نفسيا و شعور انك مش عارفه تتكلمي أو تمنعي كدا دا حاجه عاديه لانك اول مره تنحطي ف حاجه زي دي بس لازم تطلعي من الموضوع دا عشان ميكبرش اكتر و لو فضلتي خايفه المشكله هتكبر
تم النشر الاثنين، ٦ يناير ٢٠٢٥
بقدر خوفك وقلقك والشي يلي عم تمري فيه، بس كمان لازم تحكمي عقلك وتتصرفي بشجاعة، المتحرش دائماً شخص جبان وبيفرض وقاحته وقوته المزيفة على الضحية لحتى يحكمها نفسياً، لاتقبلي ذكر عم تقوده شهوته إنه يتحكم فيكي، انا مابدي خوفك بس لازم تطلعي من حدود تفكيرك الحالية يلي محاصرتك بالخوف والقلق بس، ممكن هالشخص الانتهازي يلي عم يتعرضلك يكون لا سمح الله عم يصورك لحتى لقدام يبتزك أكتر ويطلب منك شي أكتر وتبقي سجينة لشهواته، اتركي الدرس بأيا طريقة مافي قوة بالدنيي بتجبرك إنه تكفي بدرس انتي مابدك ياه حتى لو أهلك، استخدمي اسلوبك كبنت بإقناع إمك لحتى تقنع أبوكي واتركيه وإن اضطر الأمر إنه تخبري إمك بجزء من الحقيقة بشكل غير مباشر لاتقصري لحتى تقتنع (احكيلها إنه سمعتي كتير من رفقاتك عن سمعة ابنه لهالاستاذ إنها سيئة وانتي وبالدرس هو بكون موجود فالأحسن تتركي...) وبخصوص الرض النفسي يلي اتعرضتيلوا، حاولي شوفي أيا مؤسسة أو منظمة بتقدم خدمات نفسية مجانية واتواصلي معهن على التليفون. بالتوفيق💌
تم النشر الاثنين، ٦ يناير ٢٠٢٥
لازم تقولي ل اهلك وتبلغي والده بالموضوع دة وتبعدي عن المكان دة وتبعدي عن السنتر دة خالص إنما كدة دى غلط جدا .... ولازم تحذير زميلاتك منه لانه اكيد بيعمل مع كتير كدة ولازم يكون فيه حد لهذا الموضوع السكوت غلط جدا وهيتمادي
تم النشر الاثنين، ٦ يناير ٢٠٢٥
خليك شجاعة عشان تقدري تواجهي المشكلة، وشاركي اللي تأمنيهم على سرك عشان يشاوروك وتقدري تواجهي المشكلة
تم النشر الاثنين، ٦ يناير ٢٠٢٥
وعليكم السلام ورحمة الله وبركاته، أختي العزيزة، أشعر بعمق الألم والخوف الذي تشعرين به بسبب الوضع الذي تمرين به. من المهم أن تعلمي أنك لست وحدك، وما تتعرضين له هو شيء غير مقبول نهائيًا، ويجب عدم السكوت عليه. أولاً، يجب أن تعرفي أن الاعتداء والتحرش سواء كان لفظيًا أو جسديًا هو أمر غير مقبول، ويحق لك أن تشعري بالأمان في كل الأماكن، بما في ذلك المدرسة. تذكري أن من المفترض أن يكون المعلمون والمساعدون موجودين لدعمك وتعليمك، وليس لتعرضك لمثل هذه المواقف المؤلمة. من المهم أن تبحثي عن شخص يمكنك الوثوق به وتخبرينه عن الأمر، سواء كان ذلك أحد أفراد عائلتك أو صديقة قريبة. إذا شعرت أن لا أحد سيستمع لك أو سيصدقك، يمكنك أيضًا التفكير في التوجه إلى مستشار نفسي أو مدرسي في المدرسة، فهم عادةً ما يكون لديهم الموارد والدعم لمساعدتك. من الضروري أن تحمي نفسك من هذا الشخص وأن لا تترددي في اتخاذ خطوات عملية. يمكنك أن تنظمي اجتماعًا مع معلمك الموثوق أو إدارة المدرسة لمناقشة ما يحدث، فهم ملزمون بحماية الطلاب. بالنسبة للأعراض الجسدية والنفسية التي تعانين منها، مثل الألم في البطن، ومشاعر القلق، وصعوبة التنفس، تعكس التوتر الشديد والخوف الذي تعيشين فيه. من المهم أن تبحثي عن وسائل صحية للتعبير عن مشاعرك، مثل الكتابة في دفتر يوميات أو التحدث مع صديقة تثقين بها. لا تتجاهلي مشاعرك، ومن المهم أنك تبحثي عن المساعدة. تذكري، الذكاء والشجاعة ليس في عدم الشعور بالخوف، ولكن في مواجهة هذا الخوف والبحث عن المساعدة. أنا هنا من أجلك، وأتمنى لك الصبر والقوة في تجاوز هذه المحنة. تذكري أن لديك الحق في أن تكوني آمنة وسعيدة. احرصي على الاعتناء بنفسك.
تم النشر الأحد، ٥ يناير ٢٠٢٥
انت لازم اولا تعملي المستحيل مع اهلك عشان يوفقو و تحسسيهم ان فعلا الاستاذ دا هيتسبب في انك تعيدي السنه و تقوليلهم ان كل اصحابك سابوه و تتكلمي بحده، كمان لو انت عندك حد مقرب من أهلك احكيلو على طول و هوا هيتصرف اكيد، دا غير انك ممكن تصوري تهديداتو وكدا، و كمان مفيش حاجه اسمها تروحي الدرس برجليكي بعد دا، الموضوع جد جدا جدا، وهو ممكن يتمادى، و كمان في ١٠٠٠ طريقه عشان تقنعي اهلك، زي انك برضو تقولي أن في صبيان وحشين جدا في الدرس، او ممكن تسجليلو و هوا يهددك و تسمعي لأهلك، المهم تتصرفي 🫢و كمان ممكن تقولي لأهلك ان الاستاذ غير المعاد عشان تروحي اي درس تاني👌
تم النشر الأحد، ٥ يناير ٢٠٢٥
نصيحه لازم تعرفي اهلك و قوليلهم علي اللي هو قاله او حتي سجليله قي مره وسمعي لاهلك التسجيل و بالعقل لو انتي موافقه و بكيفك مكنتيش هتحكي لاهلك قوللهم كده و قوللهم انه خوفني
تم النشر الاثنين، ٦ يناير ٢٠٢٥
شكرا بجد ليكو وإن شاء الله خير♥🥺
تم النشر الاثنين، ٦ يناير ٢٠٢٥
بصراحة الغضب طغى على أثناء كتابة اجابة لذا سأكتفي بتعليق أنا أعتزر ، حاولي تخدي بنصائح الأخوات هتفيدك إن شاء الله حكاية تسجليله ممكن تنفع حاولي وياريت لو في أخ كبير يكون سند في الموقف ده تحكي له. ربنا معاكي قولي يا رب 🤲🤍
تم النشر الاثنين، ٦ يناير ٢٠٢٥
ممكن تشوفي درس تاني وتخليه في نفس الميعاد وتبطلي ده أو حتى تروحي عند صاحبتك بدل الدرس
تم النشر الأحد، ٥ يناير ٢٠٢٥
سيبي الدرس ده وقولي لأهلك إنك مش بتفهمي من الأستاذ وشوفي غيره، وأقطعي التواصل مع الشخص ده نهائي، ولو عرف يوصلك بعد كدا لازم تعرفي حد من أهلك حتى لو مش هتحكيلهم تفاصيل وهما أكيد هيتصرفوا
تم النشر الأحد، ٥ يناير ٢٠٢٥
و بصي لو فعلا م هتحكي لاهلك ادخلي علي الفيس علي بيدج قاوم Qawem و ابعتيلهم مشكلتك و هم بيدج متخصصة للمواجهة الابتزاز من غير ما حد يعرف حاجة و حقيقي هيساعدوكي جدا و هيعرفو يحموكي منه ازاي
تم النشر الاثنين، ٦ يناير ٢٠٢٥
فالله خير حافظا وهو أرحم الراحمين،، ردديها باستمرار 💛
تم النشر الاثنين، ٦ يناير ٢٠٢٥
السلام عليكم ... اعملي له بلوك من كل مكان ولاتخافي لن يقول شي .. ابعتي معرفه للفيسبوك او رقمه او اي شي له والباقي لاتشيلي همه
تم النشر الاثنين، ٦ يناير ٢٠٢٥
مرسى جداً يا حبيبتى♥
تم النشر الاثنين، ٦ يناير ٢٠٢٥
يبنتي متسكتيش مين قالك اهلك م هيصدقوكي لو شافو تهديده و قوللهم انك م عايزة تروحي عشان كد و عرفيهم حالتك النفسية دي صدقيني والله الاهل في المواقف دي بيبقي ليهم تصرف تاني غير اللي بنتوقعه خصوصا بعد البلاوي اللي بقت بتحصل و بنشوفها بسبب بس خوف الاهل ياحبيبتي فكري فيها والله لو هتضربي حتي اهون مليون مرة من اي حاجة وحشة ممكن تحصلك او توصللها بسبب الكلب دا
تم النشر الاثنين، ٦ يناير ٢٠٢٥
حاضر إن شاء الله خير
تم النشر الاثنين، ٦ يناير ٢٠٢٥
المشكله ان معنديش صحاب خالص والدرس الساعه 8 يعني مفيش حد بيحط دروس متأخر كده والله حاولت كتير بس الطرق متقفله عشان كده طلبت مساعده
تم النشر الأحد، ٥ يناير ٢٠٢٥
اقسم بالله اتحايلت عليهم كتيير وكنت بتلكك مثلا اغيب حصتين ورا بعض وبسبب انى برجع من الدرس من التوتر بيغم عليا بس مش راضيين والله
تم النشر الأحد، ٥ يناير ٢٠٢٥
لعرض السؤال في فدني اضغط هنا