من أحبه تحجج كثيرًا حتى لا يتقدم لي فخُطبت لغيره والآن لا أريد الاستمرار، كيف أترك خطيبي؟

Question

انا كنت مرتبطه بشخص لمده ٩ سنين م واحنا.ف ثانويه عامه بيحبني بشكل مش طبيعي مستحملني ومتقبل كل حاجه مني تزعل بشكل برضو غريب وعدني ان اول ميدخل كليه كويسه هيتقدملي وبالفعل دخل كليه عسكريه بس حصلت عندو ف اول سنه ظروف ف مجاش وتاني سنه حصلت ظروف عندي وبعد كدا بقي يقولي خليها طيب لما اخلص عشان ميتقلش عليا اني طالب ولا عيل وافقت .وكنت انا اكبر منو بسنه ف قولتلو لما اخلص انا دراستي تعالي انت اتقدم حتي فاتحه بس والباقي بعدين ،قالي ان شاءالله خلصت فعلا وبقي يتحجج بالدراسه والاهل عندي شويه واهلو هو شويه روحت بعدت عنو قلت يمكن يتحرك متحركش رجعت بعد كام شهر لقيتو منهار ويقولي متبعديش عني تاني وفضل هو يعتذر وقالي ان شاء الله هاجي بس استني اخويا الاكبر مني يخطب (مع العلم اخوه دا مش بيفكر ف الجواز وداخل ف ال٣٥سنه)بعدت تاني وقبلها قولتلو تعالي اتكلم مع اهلي مجرد كلام بس اثبتلي قال ان شاء الله لقيت مفيش فايده راح حد اتقدملي اتخطبت شهر وفشكلت عشان مش شبه بعض ، هو عرف اني اتخطبت متحركش وعرف اني فشكلت بردو متحركش، رجعنا أتواصلنا تاني بالصدفه لاني قابلتو ف الشارع راح كلمني وقالي والله كلها كام شهر اخويا لقي عروسه ،خطب اخوه وفضل بعدها٤ شهور اتحايل عليه لما ريقي نشف واقولو انا ف حد متقدملي وعماله ارفض واهلي خلاص شكو ف امري حرام عليك تعالى ويقولي ان شاءالله الشهر الجاي ومجاش خلاص بقا جبت اخري راح اتقدم حد اهلي شافوه مناسب ووافقت وقبلها قولتلو براحتك انت اخترت كدا متلومنيش جه بعدها باسبوع يتقدم كنت فاكره نفسي هطير م الفرحه بس للاسف مكنتش طيقاه واخترت التاني وهو لا وبعد شهور اكتشفت ان التاني شخص عكسي خالص ومش غيور ع عكس الي كنت بحبو كان غيور جدا وبيحبني وبيستحملني دلوقتي انا كارهه نفسي والي معايا والي كنت بحبو بس طول الوقت ف بالي وحاسه اني ظلمتو وحاليا بظلم ف نفسي اني مش حابه الي انا مخطوبالو ومش طيقاه واهلي صعايده رافضين الفشكله ومش عارفه اعمل اي اتخنقت وبقيت قاعده منعزله💔

Accepted Answer

انا عماله افكر فى الاجابة اللى تفيدك وكنت هدخل فى تفاصيل اللى انتى حكيتيه بس هكتفى انى اقولك انك بتحصدى نتيجة غلطة سيبتيها مستمرة سنين من غير ما توقفيها الارتباط هو الغلطه....الوعد اللى منعرفش هيتنفذ امتى فعلا بناءا على الواقع مش على الاحلام هو الغلط الصح اللى عملتيه هو اللى اتاخرتى فيه انك توقفى المهزله دى مع الولد ده الشخص اللى اتخطبتيله ملهوش ذنب فى اللعبة دى ...ارجعى بصيله من جديد بعين الحق مش بمقارنات بانه يرقى لمستوى الولد ولا لا اللى اتقدملك راجل مش عيل فمينفعش تقارنيه بعيل وتقولى اصله مش زيه

Answer

أولا الشخص اللي كنتي مرتبطة بيه عاطفيا في الأول مجرد طفل مدلل برغم سنه و مساره التعليمي و واضح جدا انه مالوش كلمة ، هو ممكن يكون انسان كويس بس ده مينفعش انه مهزوز و مالوش كلمة و مش صريح و معندوش اي احساس بالمسؤولية ولا يقدر يتجوز ولا يفتح بيت خاصة في الزمن ده ، و الغلطة غلطتك من الاول علشان اتساهلتي و اتكلمي معاه بنفسك و دايما بننصح البنت متعملش اتفاقيات مع أي شخص من تحت الترابيزة لأنه يقدر منتهي السهولة يسحب كلامه او يلغيه في اي وقت بعكس لو ان كلامه في النور مع الاهل فواضح كده انه بيلعب بيكي او عنده الاهل رفضوا او انه مش جاهز للجواز او انه أصلا و غالبا مجابش سيرة لأهله عنك ثانيا الشخص اللي انتي مرتبطة بيه حاليا ازاي حكمتي عليه انه مش بيغير عليكي .. بناء علي ايه ايه الموقف تحديدا و انتي قلبك مايل لكفة الشخص الاولاني و ده معناه انه مخدش فرصة عادلة و كمان .. الطريف في الأمر أن كل شيء قدام عنيكي بيقول انك ملكيش اي اعتبار عنده و انه حب ع الورق بس مفيش اي شيء يبشر حتي انه هيحصل ارتباط و لو مستقبلا ..! معلومة ليكي و لأغلب البنات .. شريك الحياة فعلا لازم يكون عكسك في الشخصية لو انتي عصبية هو يكون هادي لو انتي متساهلة لازم يكون شديد علشان دا الطبيعي التجاذب بيحصل ما بين اي طرفين مختلفين كل واحد مفتقد الحاجه اللي عند التاني و مع الارتباط بيحصل بينهم تفاهم و تقارب و انجذاب بس دا علي اعتبار انك هتديله فرصة ، تقدري لو مش عايزاه تصارحني الاهل بمخاوفك منه لو ليها اي اصل من الحقيقية و مواجهة مع الاهل احسن بكتير من انك ترتبطي بإنسان انتي مش عايزاه ، أما التاني فلو لسه مرتبطة بيه يبقي متلوميش غير نفسك .

Answer

أختي العزيزة، أقدر تمامًا مشاعرك وصراعتك الداخلية المتعلقة بهذه العلاقات. يبدو أنك في وضع صعب، حيث تتداخل المشاعر القديمة مع وضعك الحالي. الأمر الأول الذي يجب أن تدركيه هو أن من حقك أن تكوني سعيدة في حياتك. ارتباط بالسابق كان يحمل الكثير من الذكريات والمشاعر، لكن إذا كان الوضع الحالي يكمن في عدم الارتياح وعدم الرضا، فهذا علامة على ضرورة التفكير مليًا فيما تريده حقًا. تقييم العلاقة الحالية : لابد أن تأخذي وقتًا للتفكير في العلاقة التي تعيشينها الآن. ما هي الأمور التي تجدينها صحيحة وما هي الأمور التي لا تتماشى مع متطلباتك واحتياجاتك؟ هل العلاقة تُشعرك بالأمان والسعادة؟ التواصل مع الأهل : بما أن أهلِك لهم دور في هذه القصة، التحدث معهم بصدق حول مشاعرك ورغباتك قد يساعد في تخفيف الضغوط. قد تكون لديهم آراء حكيمة وقد يدعمونك في اتخاذ القرار الصحيح. فهم مشاعر الذنب : الشعور بالذنب تجاه خطيبك السابق قد يكون طبيعيًا، لكن من المهم أن تتذكري أنه لا يمكنك التحكم في مشاعر الآخرين. سيكون لديك دائمًا الحق في اتخاذ القرارات التي تُناسبك. العناية بنفسك : ابحثي عن الأنشطة التي تُساعدك على التخفيف من الضغط النفسي الذي تشعرين به. أحيانًا، بمجرد القيام بشيء مفضل، يمكنك إعادة ترتيب أفكارك وشعورك الداخلي. استشيري مختص : إذا شعرت بالاختناق أو بحاجة للمساعدة المهنية، لا تترددي في الاستعانة بأحد المعالجين النفسيين الذين يمكنهم مساعدتك في التعامل مع مشاعرك وضغوطاتك. في النهاية، عليك أن تتذكري أن الحياة مليئة بالاختيارات وحقك أن تختاري جادة طريقك بما يتماشى مع اطمئنانه وسعادتك. تذكري الالتزام بما يُناسب قيمك واحتياجاتك.

من أحبه تحجج كثيرًا حتى لا يتقدم لي فخُطبت لغيره والآن لا أريد الاستمرار، كيف أترك خطيبي؟

نفسية

اجتماعية

علاقات

سؤال من احد أعضاء فدني

تم النشر السبت، ٢٨ سبتمبر ٢٠٢٤

3 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك