السلام عليكم، انا بنت كنت مصاحبه واحده فى ايام الاعدادى والبنت دى كانت مصاحبه بنات قبلى والبنات دول خيروها بنهم وبينى وهيا اختارتنى انا وفقضلنا متصاحبين من اولى اعدادى لتالته اعدادى وكنا اكتر من صحاب كنا زى اخوات فلما دخلنا ثانوى هيا اتصاحبت على بنات وعرفتنى عليهم وصاحبتهم وبقينا صحاب احنا الاربعه فيوم اتخانقت معاهم وقالتلى معديش تكلميهم انتى كمان انا اضايقت ورفضت هيا قالتلى هتروح تسوء سمعتهم قدام ماما وماما هيا اللى هتجبرنى معدش اكلمهم زعقتلها وقالت خلاص مش هقول لمامتك حاجه وخلاص بعديها بيومين كنا ماشيين مع بعض وعدينا من تحت بيتنا سلمت على ماما وهيا فوق فى البلكونه ماما قلتلها اطلعى قامت صاحبتى قايلالها انا عايزاكى فى موضوع قمنا واحنا طلعين قولتلها هدى متقوليش لماما حاجه قالتلى ماشى مش هقولها يابنتى قامت واحنا فوق قلتلها وعملت اللى فى دماغها وانا اتعصبت وحرجتها اووى وفضلت اقولها اطلعى من بيتنا وازقها واشدها من دراعها واقولها اطلعى من بيتنا وانا بزعقلها وشوفت الدموع فى عنيها وفعلا روحت وخصمتها التلت سنين بتوع الثانويه وعشان اضايقها روحت صاحبت البنت اللى كانت قارنت صاحبتى بينى وبينها واتصاحبنا ونسيت صاحبتى دى خالص وبيقت بحب التانيه دى ووبقينا بنطلع مع بعض وعرفتنى على ولاد وبقيت بكلم ولاد زى ما هيا بتكلم بس فجأه لقيتها بتحقد عليا مش عايزانى احسن منها اما انا كنت اتمنالها كل خير لدرجه انى كنت بتمنالها وبدعيلها تجيب اكتر منى فى الثانويه العامه لاكن هيا كانت بتحقد عليا بتعاملنى كويس لاكن بتتكلم عليا من ورايا وبيوصلنى الكلام وكنت بقولها اسرارى اتفاجئ انها قالت اسرارى لامها واخواتها الولاد وختى ولاد عمها والمشكله ان انا عرفت وبرضو كنت بقولها اسرارى وهيا حربيتنى بنقطه ضعفى وهيا عدم ثقتى بنفسى انا شكليا وجسميا وماديا احسن منها بس هيا غيوره انا عارفه انى حلوه بس اوقات مبيقاش فيا ثقه فنسى هيا بقا كانت بتقلل ثقتى بنفسى اكتر وحرفيا حرقتلى دمى كنت الاول بتكلم معاها بعفويه تلوقتى بقيت احقد عليها زى ما هيا بتحقد عليا وبكرها رغم انى والله العظيم عمرى فى حياتى مكنتش اتخيل ان ممكن احقد على حد دى ممكن تبعنى وتبيع اى وحده صاحبتها عشان ولد ومن فتره صاحبتى الاولى دى اتقابلت مع ماما وقالتلها انها عايزه تشوفنى ونتصاحب تانى وانا وفقت بس هيا كانت اتصاحبت على بنت جديده وهيا مبقتش تعاملنى زى الاول خالص يعنى بتفضل الجديده عليا وانا حاسه انها قالت كدا لماما عشان تعرف تغش منى لانها معايا فى نفس اللجنه ومش بتكلمنى الا قبل الامتحان بيوم ابعتلى تقولى غششينى يايارا والنبى انا مش مزاكره كل الامتحانات عملت كدا بس فى اللجنه برضو لما مبعرفش احلى هيا بدينى مع عارفه بقا انا دايهه مش عارفه اتعامل ازاى معاهم
ابعدي عنهم هما الاتنين لو حاسه ان وجودهم بقا بيتعبلك نفسيتك متتعامليش معاهم تاني ولو كلموكي متكتريش كلام معاهم وهما هيفهمو انك عايزه تبعدي عنهم وركزي مع نفسك وبوصي لحياتك الجايه احسن وسيبك من الصحاب دلوقتي اهم حاجه تركزي في دراستك واعرفي أن محدش هينفعك ولسه هتقابلي كتير أن كان في الجامعه مثلا هتعملي صحاب جداد وهما دول الي هيكملو معاكي وحاولي تخلي علاقاتك سطحيه ومتثقيش في حد اوي غير لما تعاشريه كويس وتفهمي أنه يستاهل تديله الثقه
تم النشر الأحد، ١٤ يوليو ٢٠٢٤
بصي شايفه الحل ولو انه هيكون صعب متصاحبيش حد تاني صاحبي بس بحدود ولو لقيتي اللي قدامك كويس شاركيه مشاكلك وكده ماهي العلاقات اتعملت عشان نخفف ع بعض مش هتقفلي ع نفسك يعني وبخصوص البنت اللي بتحقد عليكي طلعيها من حياتك متفهماكي اوي اذاي حصل تغير جذري ع طبيعتك انك بنت ناس ومحترمه وطيوبه ل حد بيحقد وبيكره.. متفاهماكي اووي بس عادي لازم نفوق م اللي جوانا ومش دايما الدنيا هتبقا زي م احنا عايزين وخليكي مستعده هتقابلي الوحش كتير والحلو قليل وجدا كمان ف بالاختصار فكك من صحابك الاتنين انتي حاليا بتفكري تنعزلي عنهم لكن مش قادره تتخيلي حياتك من غير صحاب..لو بتفكري كده برافو استمري ع كده انتي زيي بالظبط هتبقي واللي مش هيخليكي انك حاسه انك محتاجه صحاب حبي نفسك وقدريها ولما حد يأذيكي متقعديش تندبي وتتندمي وتقولي لي يعمل فيا كده انا مستاهلش لا خليكي قويه وقولي دي فرصه اني اتغير واعرف اواجه الحياه الصعبه دي وركزي ف مستقبلك وف انه تطلعي من الاوائل ف كليتك وانك تكوني افضل شخص ف المكان اللي انتي فيه اينعم واللي تتعرفي عليهم خليهم زملاء فقط مش صحاب وخليكي حريصه ف كلامك وبخصوص صحابتك اللي بتغششيها انتي عامليها عادي تديكي واديها خليكي زي ما بتعاملك بالظبط عامليها طولت عليكي انتي زيي بالظبط في تفاصيل كتيره حابه احكيها لاني كنت زيك بس كتبت ليكي الخلاصه عشان لو هكتب مش هخلص ربنا يعينك يقمر وانتي حد كويس من طريقه كلامك وانتي بتتكلمي وحاولي تتقربي من ربنا برضو
تم النشر السبت، ١٣ يوليو ٢٠٢٤
وعليكم السلام يا يارا، انا حاسة قد إيه الموقف ده صعب ومليان مشاعر متضاربة. خليني أقولك كام نصيحة ممكن تساعدك: الاهتمام بنفسك أولاً : ادي نفسك وقت ومساحة تفكري في اللي بيرضيكي وبيريحك. مش لازم ترضي الجميع لأن في الآخر إنتي اللي بتحسي بالضيق. التقييم الواقعي للأصدقاء : شوفي مين فعلاً بيكونوا موجودين جنبك لما تحتاجيهم ومين بينفعوا مجرد وقت المصلحة. مش كل واحد بيدعي إنه صاحب بيكون فعلاً بيحبك وبيبقى داعم. حدود واضحة : حاولي تحطي حدود لنفسك وللناس اللي حواليكي. مش معنى إن حد طلب منك حاجة إنك تتنازلي عن راحتك عشان تلبيها، خصوصاً لما تكوني متأكدة إنه مش بيكون صادق. الصدق والوضوح : لما تلاقي حد بيعمل حاجة بتضايقك، كلميهم بصراحة وأخبريهم عن مشاعرك. ده بيساهم في إزالة سوء الفهم ويعزز الثقة المتبادلة، لو كان الشخص فعلاً همّه مصلحتك. عدم المشاركة في الغيبة : لو في حد بيتكلم عليك من ورا ضهرك، حاولى متشاركيش في نفس الموضوع واجتنبي الرد بنفس الطريقة. اعملي اللي بيخلّيك مرتاحة وراضية عن نفسك. الثقة بالنفس : مش هينفع تكوني مع ناس بتقلل من ثقتك بنفسك. اشتغلي على زيادة ثقتك بنفسك وكوني فخورة بشخصيتك وصفاتك. فكري في الهدف الحقيقي من الصداقة - الدعم والتشجيع والصدق - ولو لقيتي الناس اللي حواليك مش بيوفروا ده، مش مشكلة أبداً إنك تبعدي عنهم وتختاري ناس تحترم مشاعرك وقيمك. دايماً اسمعي لقلبك وعقلك وما تتردديش في اتخاذ القرارات اللي تريحك وتبسطك.
تم النشر السبت، ١٣ يوليو ٢٠٢٤
لعرض السؤال في فدني اضغط هنا