انا عارف أنه تعب في حياته بس هو مصر ميشفنيش وأنه مقصرس واي حاجه يصدقها عليا طاقته سلبية بتهدني وماما شرحه مهما اشرح مش بتفهمني ربنا ابتلاهم بعدم الحس انا تعبت القعاد معاهم بيعلي الضغط وانا صحتي ع قدي مصر يعاملني ع سني في الي ع مزاجه بس ومطلوب مني مسؤوليات معرفش عنها حاجه عارف الي هو ينساك طول عمرك وفجاه تعال شيل هو ده
مش عارفه سنك كام وسن والدك لكن خلينا نتكلم ف نقطه تانيه .. مش دايما بيبقى في لغة تواصل وتفاهم بين الاهل والابناء ودي مشكلة مش صغيرة .. بنحاول كأيناء نتعامل معاهت مش نغيرها .. يعني ايه؟ يعني مش هينفع نقنعهم انهم غلط او انهم يتغيروا او نسيبهم ونمشي ونشوف اهل تانين .. طيب ممكن نعمل ايه؟ ممكن نقلل الخساير ونحاول نتعامل معاهم زي ما هم ونتقبلهم ونحبهم زي ما هم .. منتوقعش منهم حاجة طول عمرهم مش بيعملوها زي انهم بيدونا طاقه سلبيه مثلا.. خلاص نكبر دماغنا ومندخلش معاهم في جدال عارفين اننا هنطلع منه خسرانين حتى لو خسرانين طاقة ومجهود .. نحاول قدر الإمكان نفرغ الطاقة السلبية اللي جوانا ونشحن طاقة إيجابية عشان نفسنا وعشان نعرف نتعامل معاهم ونحتوي المواقف اللي بيننا. حسب ما فهمت انهم بيحملوك فوق طاقتك الصحية.. واكيد هم مش قادرين أو مش عارفين يعملوا الحاجه اللي بيقولولك تعملها .. ف قدامنا كام حل زي انك لو هتعرف تعمل الحاجه دي بس الوقت مش مناسب ليك هتوضح بكل هدوء (انك تعبان جداً وإنك هتهتم باللي هم عايزينه وهتعمله اول حاجه ف يومك بكره عشان زعلهم غالي عندك ومش عايز تضايقهم) حاجه مش هنقدر نعملها خالص؟ هنوضح بكل هدوء برضو ان ده صعب عليك وهتضطر تلجأ لفلان أو للطريقة الفلانية عشان الحاجه دي تتعمل. في اسوء الاحوال وده يكون نادرا نرفض بهدوء وبأدب واعتذار انك مش هتقدر تتصرف ف الحاجه دي. حاول مترفضلهمش طلب اولا من باب البر والاحسان ليهم .. ثانيا ان هم لو مش محتاجينك مكانوش طلبوا منك. ادعي كتير ان ربنا يعينك على برهم وعلى تنفيذ كل اللي يطلبوه منك وادعي بصلاح الحال بينكم. دايما لما تيجي تساعدهم ف أي حاجه جدد نيتك واحتسب الاجر. افتكرلهم أي حاجه حلوه عملوها قبل كده حتى لو زمان عشان متبقاش شايل منهم جواك ومتضايق. افتكر دايما ان ربنا في عون العبد ما دام العبد في عون اخيه فما بالك بوالديك. ربنا يعينك ويقويك ويرزقه الطاقة والصحة والصبر عليهم.
تم النشر الاثنين، ١٢ ديسمبر ٢٠٢٢
اختبااااار ...صعوبة التعامل مع الاهل اختبار كبير ..يارب يقويك ويعينك عليه. بس بردوا انت قولت ان هو تعب فى حياته ....ممكن لو سنه كبير يكون ده واحد من الاسباب اللى تخليه يتصرف بالشكل ده. وممكن يكون انت متاح ليك فى زمنك اللى اتربيت فيه انك تكون اكثر وعيا. نراعى سنهم وانهم مش فى مرحلة وعى تخليهم يستوعبوا اى افكار جديدة ويعترفوا بانها صح. وانك تشيل مسؤوليه وتراعيهم فى اى وقت ( سواء هما قادرين او غير قادرين فده واجب عليك سواء كانوا ناسيينك او فاكرينك ...سواء تعبوا عليك ولا لا ) المسؤولية فرصة عشان تكون شخصية افضل ودى ظروف ربنا هيأهالك بافضل شكل. هتصبر وتبرهم وتشيلهم ( هتاخد ثواب واجر وهتتعلم تبقى شخصية احسن ) هتزهق وتنفر وتقاوم ( مش هتستفيد حاجة ولا دنيا ولا اخره ) الزم الحمدلله وابدأ تغافل كتير من الحاجات اللى بتضايقك وابعد كل ما تلاقى الضغط زاد. البر مش سهل وان شاءالله تحسن التعامل مع هذا الابتلاء.
تم النشر الأحد، ١١ ديسمبر ٢٠٢٢
لعرض السؤال في فدني اضغط هنا