واحده صاحبتي كانت مرتبطه بواحد وسابو بعض من شهر كده وكان بينهم خلاف فا انا عامله اك علانستا دخللي عليه وقعد يلمحلي وانا قعدت أصده وقوله اني مش برشح فكره الارتباط وانها حرام ومع ذلك أصر واعترفلي ومصمم اني ارتبط بيه وقعد يقوللي انو بيحبني وكلام من دا وانا من باب الواجب اللي عندي قعدت انصح فيه ان الارتباط حرام وكده وتوالت الأحداث وكترت لعند مقعد يقوللي انه هينتحر وان محدش بيحبه وانا الصراحه حساسه وقلتله اني موافقه ارتبط بيه لانه بعتلي صوره ايده معورها بالسكينه وفنفس اليوم قلتله اني معجبه بيه بس مش بحبه ومش هرتبط عشان مش يزعل مني ولقيته عمل نفس الحاجه واذى نفسه تاني بس بدرجه اكبر من اللي قبلها انا كنت بقول جت فالعرق لانها كانت بتنزف جامد (هوا مصورهالي)* بعد كده قعدت اقوله حجات عن الدين والقرآن ووعيه وافكره باهله ومفيش فايده وقفل وانا قعدت انصح فيه لعند الصبح وفتح وقالي انه تمام بس بيحبني وانو هيفكر فالانتحار عشان حبني وانا مش حبيته وقاللي خدي فرصه وحبيني وانا خفت وقلتله اني بحبه ودلوقتي بكلمه ومش عارفه اعمل اي ولا اقوله ازاي 😭😭💔
هو انت ممكن تفكري - من باب العمل الخيري يعني - أنك تقفي فوق كوبري ٦ أكتوبر وتدوري على أي حد بيفكر ينتحر وتروحي تقولي له أنا هديك فرصة أحبك وارتبط بيك بس ماتنتحرش؟ اللي أنتي بتعمليه دلوقتي - أو اللي هو بيستدرجك علشان تعمليه - زي كدة تقريبا. أنت غلطت علشان رديت على أول رسالة ليه على الانستاجرام وماعملتيش له بلوك كل اللي ممكن تعمليه دلوقتي أنك تصلحي الغلطة دي - ويا ريت قبلها تعرفي تبلغي حد من أهله باللي بيعمله في نفسه - بافتراض أنه صادق طبعا ومش جايب لك صور من النت ..
تم النشر الثلاثاء، ٤ يوليو ٢٠٢٣
هو اللى بينتحر بجد بيصور نفسه قبل وبعد يعنى ؟ سيبك منه يا بنتى ده صبى ولم يرقى لمنزلة النضج ولا الرجولة حتى . قوليله لو عيشت او انتحرت فده لنفسك و انا غلطت من الاول انى دخلت نفسي فى القصص دى وسلام وبس كده. خليكى فى اللى انتى مقتنعه بيه وان الارتباط ده حاجة مش صح ومتخليش اى حركات من دى ترجعك عن الصح .
تم النشر الأربعاء، ٥ يوليو ٢٠٢٣
بصي محدش بيموت من الحب وبعدان الارتباط مش ٩اجة صح وده لعب عيال وانا من وجهة نظري ممكن يكون بيضحك عليك وعجائب الصور من علي جوجول وانتي علشان حساسة ومعندكش تجارب اتخدعتي من رأي اعمليلوه بلوك من كل حاجة ومتشفهوش خالص وقوليلو لوكلمتني تاني أنا هقول لبابا وقليلة انتي نصحتيه عايز ينتحر برحته هو الي هيموت كافر
تم النشر الأربعاء، ٥ يوليو ٢٠٢٣
هو انتي صدقتيه بالسهولة ديه؟ وارد جدا ومش بعيد انه اساسا يكون كداب، ولا عور نفسه ولا هينتحر ولا اي حاجه .. غير انه بيعمل كده علشان تقعي في اللي انتي خايفة منه. أي حد ممكن يدور على صورة من على الانترنت ويفبركها .. ويبعتهالك فالموضوع مش ازمة في انه يضحك عليكي. طيب لو كان الموضوع بجد؟ في الحقيقة انتي مش مسؤولة اصلا عن افعال الناس، في اي حاجه ... يعني هل المفروض اننا مثلا نرتبط بحد او نتجوز حد علشان صعبان علينا؟ اكيد لأ ولو جه في مرة وقالك ابعتي صورك، والا هنتحر ؟ هتعملي كده برضه؟ هل شايفة ان ده عادي؟ ومش حرام تاني حاجه .. هل تعتقدي اصلا .. ان فيه حد بيحب حد من الهوا؟ يعني يدخل يقول شات انه بيحبك ؟ حبك ازاي وامتى؟ انتي شايفة ان ده طبيعي ؟ اقطعي علاقتك بيه .. لانه لو كان بيضحك عليكي ف انتي كده هتبعدي عنه وتبعدي عن شره، ولو كان اساسا انسان مش سوي ف انتي برضه هتبعدي عن انسان مينفعش تكوني اساسا على علاقة بيه. وبالتوفيق
تم النشر الثلاثاء، ٤ يوليو ٢٠٢٣
هو عرف يستدرجك كويس جدا ونجح في ده اوي انت غلطت من البدايه من اول رد على اول رساله منه لازم تكوني عارفه كويس ان كل انسان مسؤول عن نفسه وعن تصرفاته وعن عواقب ال بيعمله انت مش مسؤولة بأي شكل عن ال هو بيعمله في نفسه ( ده على افتراض انه صادق مش جايب صور من النت مثلا او مركب صور باي برنامج ) انت فكرتي صح وعارفه ان ده حرام وغلط ولكن هو عرف يستدرجك للغلط رغم معرفتك به فالحل هنا انك تعمليله بلوك من كل حاجه وتبعدي تماما عن اي شئ يفكرك به او بموضوعه وخليكي عارفه كويس ان الشيطان هيجيلك كل شويه يقولك حرام عليكي لو عمل في نفسه حاجه انت السبب وهيحسسك بالءنب جامد ويحاول يستدرجك تعرفي اخباره من بعيد لغايه ما ترجعي تكلميه تاني لا قدر الله خلي بالك كويس من النقطة دي ولا تستجيبي لاي شئ ممكن يخليكي تتعاملي مع الانسان ده تاني باي شكل
تم النشر الثلاثاء، ٤ يوليو ٢٠٢٣
أهلا، أنا آسفة جدا لما حدث معكِ. هذا الشخص يبدو أنه يعاني من مشاكل نفسية وعاطفية خطيرة، وهو يحاول التلاعب بعواطفك للحصول على ما يريد. هذا سلوك غير صحي وغير أخلاقي. أنصحك بالآتي: 1. لا ترتبطي بهذا الشخص. هو ليس في وضع نفسي مناسب للارتباط، وسيؤذيك كثيرا. 2. لا تشعري بالذنب تجاه أفعاله. أنت لست السبب في محاولات الانتحار هذه. هو مريض ويحتاج للعلاج. 3. أبلغي أهله أو أصدقاءه عن الوضع، وأنه يحتاج للمساعدة النفسية عاجلا. 4. انقطعي عنه تماما ولا تردي على رسائله أو مكالماته. أبلغيه أنك لن تتواصلي معه مرة أخرى. 5. إذا أذاه نفسه مرة أخرى، اتصلي بالشرطة أو الإسعاف فورا. أتمنى لك التوفيق. لا تترددي في مراسلتي إذا احتجت لأي مساعدة.
تم النشر الثلاثاء، ٤ يوليو ٢٠٢٣
طب دلوقتي ايه الحل؟ الحل انك ببساطة تعمليله بلوك و تقفلي كل باب هو هيخشلك منه صدقيني مش هيموت ولا حاجه. توقعي من شخص زي ده يبتزك عادي ممكن يبتزك بالشات الي معاه ليكي و يببدأ يهددك بعد كده لو قررتي تبعدي او بصورك او ب اي حاجة لازم تبعدي تجنباً لكل ده
تم النشر الأربعاء، ٥ يوليو ٢٠٢٣
بصي انا عايزه يبقا عندك وعي كويس اوي بأن الشخص ده بيبتزك عاطفياً ، طب يعني ايه اصلا الابتزاز العاطفي؟ هو الي بيعمله معاكي ده بالظبط بيكون في شخص بيستغل عواطفي و مشاعري علشان يوصل لغرض معين ف بتغلب عليا عواطفي و الي هو انتي عملتيه ( صعب عليكي يعني) و عملتله الغرض الي هو عايزه و أحب اقولك كلامك مع الشخص ده هيؤدي لحاجات تانية اكبر من مجرد حب و كلام و ارتباط لأنه ببساطة هيقعد يعمل عليكي حيل الاستعطاف دي كتير علشان يوصل لأي حاجة هو عايزاها منك حتي لو انتي فاكرة انك اقوي من كلام ده بس ساعات مشاعر بتقودنا لحاجات غلط كتير. ثانياً خلينا نفكر شوية كده بعقل هو لحق يحبك امتي و هو لسه سايب صحبتك زي ما بتقولي؟ طب اصلا الشخص ده لو هو بيحبني فعلاً ليه ميجليش البيت و يطلب ايدي من ولي امري مادام هيموت علشاني؟ عايزاكي تسألي نفسك سؤال هل انتي طبيبة نفسية علشان يقع عليكي انك تعالجي شخص ده و تمعني من الانتحار؟ طب اصلا فكرة الانتحار دي مين قالك انها حقيقية ؟ هل انتي متأكده أن صورة الي بيبعتهالك دي صورة ايده اصلا! مش صورة جيبها من النت و خلاص. انتي عارفة لو وصل الي بيعمله في ايده ده للعرق زي ما بتقولي و جاب دم ان هيغمي عليه اصلا مش هيبقا في حيل يجي يصورلك ايده؟ واضح انه شخص لسه مراهق و موضوع الارتباط ده منتشر جدا في مرحلة المراهقة عند الولاد بالذات علشان معظمهم بيحبوا يحسوا انهم مرغوب فيهم و ده بيحسسهم من قيمتهم. أهلك مش هيحبوا يعرفوا حاجة زي دي عنك و هتخليهم يفقدوا ثقة فيكي و دي ساعتها هتكون المشكلة الأكبر بجد
تم النشر الأربعاء، ٥ يوليو ٢٠٢٣
العفو يا قمر علي اي
تم النشر الأربعاء، ٥ يوليو ٢٠٢٣
زائد كمان علشان تتوبي توبه نصوحه وربنا يغفر لك كل اللي فات لازم تقفلي الباب ده نهائي يعني ما تبعديش عنه بس تفضلي مسجله رقم تليفونه وانت بتشوفي الستوري بتاعته وهو بيشوف الستوري بتاعتك فاهمه يا قلبي اما تقفلي باب حاجه حرام كنت بتعمليها الرزاعي مش اقفليه يعني انت كنت بتكلميه ودلوقتي خلاص قررتي بنسبه 100% ان انت مش عايزه تاخدي ذنب ولا عايزه تخسري ثقه اهلك فيكي مش بعد كل الفتره اللي انت قعدتي فيها من غير ارتباط هتضيعي كل ده بانك ترتبطي بشخص زي ده تمام يا قلبي يعني ايه بقى باب الذنب لما تيجي تقفليه ترزعيه يعني ما تسيبيش اي ثغره ولو قد عقله الاصبع وتبعدي عنه بقدر الإمكان وربنا يغفر لنا كلنا يا رب
تم النشر الأربعاء، ٥ يوليو ٢٠٢٣
اولا هو بيبتزك عاطفيا
تم النشر الخميس، ٦ يوليو ٢٠٢٣
شكرا جدا ليكي🤍🤍
تم النشر الأربعاء، ٥ يوليو ٢٠٢٣
بصي يا حبيبه قلبي اولا انت بتخسري ثقه اهلك فيك ان هم اصلا مديينك تليفون وعارفين ان بنتهم واعيه ومحترمه وعمرها ما بترتبط باي شخص ولا تعمل اي حاجه تغضب ربنا تمام فانت تخيلي الشخص ده ياخد اسكرينات ليكي وانت بتقولي له ان انت بتحبيه وما حدش هيبص لبقيه القصه هيبص لان انت بتحبيه وان انت خنتي ثقه ابوكي فيك وساعتها قولي لي باباكي هيعمل ايه لو شاف حاجه زي دي ادي واحد اثنين الشخص ده ما عندوش ضمير لان هو شخص مش محترم وما بيخافش على اهله ولا اخواته البنات ولازم تبعدي عنه واي حد بيدخل يقول لك كده تبعدي عنه انتحار ايه وهبل ايه ده لو كان عنده ذره ايمان في قلبه ما كانش قال ان هو يعمل كده وبعدين ما يؤذي نفسه انت اولا مش متاكده ان الصور دي ليه ثانيا ما لناش دعوه بحد ربنا هيحاسبك انت مش هيحاسبه هو ايا يكن ان هو هيحاسبه هو ولكن انت كمان هتتحاسبي وهتتحاسبي جامد زائد ممنوع انك تتكلمي مع رجل لغير الضروره تمام يا حبيبه قلبي يعني ايه يعني انا الميس بتاعتي دلوقتي لو ما رحتش قلت للشخص ده يديني حق البحث اللي احنا عاملينه سوا الدرجه هتروح مننا اذا انا لازم اروح اكلم الشخص ده عشان يديني المبلغ بتاعي تقولي لي بقى ان انت بتكلميه علشان تنصحيه كل الكلام ده حرام وانت بتاخدي عليه ذنب مش ثواب وهو بيحاول ان هو يعمل نفسه ان هو بيسمع منك عشان بس يكتر في الكلام وواحده واحده هيفضل يشدك يشدك وهيكون خازوق زي الزفت في حياتك في زي نصيحه بتقول لما انت تركبي القطر الخطا انزلي في اول محطه فاهمه حاجه لان انت كل ما تطولي كل ما تكلفه الرجوع هتزيد يبقى لازم تنزلي في اول محطه واكيد هيكون في تكلفه ان انت ترجعي ولكن هتكون احسن من انك تكملي لحد اخر محطه
تم النشر الأربعاء، ٥ يوليو ٢٠٢٣
تصرفاته مش تصرفات راجل عاقل ف تتجاهلي الحوار احسن
تم النشر الثلاثاء، ٤ يوليو ٢٠٢٣
تصرفاته غير سوية واعتقد انه يحتاج علاج نفسي انا خايفه تستمري معاه يأذيكي فيما بعد ف نصيحتي ليكي اعمليله بلوك وابعدي عنه بشكل نهائي، ومن ناحية صحبتك ف لازم عرفيها اللي حصل وانك خلاص قطعتي معاه نهائياً ومش هتكلميه تاني وبإذن الله هتتفهم الوضع.
تم النشر الثلاثاء، ٤ يوليو ٢٠٢٣
اولا قولي للي صحبتك علشان كده انتي هتخصريها وبعد كده اعمليلو بلوك علشان انتي كده هتجرحي صحبتك جداا
تم النشر الثلاثاء، ٤ يوليو ٢٠٢٣
خلاص هبلكه وهتجاهله انشاء الله خير 😔
تم النشر الثلاثاء، ٤ يوليو ٢٠٢٣
طيب اهو مانتحرش ولا حاجة وواضح أنه كان محتاج يعوض اللي حصل له مع حد!
تم النشر الثلاثاء، ٤ يوليو ٢٠٢٣
لا مش سألتها بس هما كانو بيحبو بعض وهيا خانته
تم النشر الثلاثاء، ٤ يوليو ٢٠٢٣
سألتي صاحبتك كان بيعمل نفس الحركات معاها ولا لا؟
تم النشر الثلاثاء، ٤ يوليو ٢٠٢٣
ياريت حد يقوللي اعمل اي فاسرع وقت ممكن😔
تم النشر الثلاثاء، ٤ يوليو ٢٠٢٣
لعرض السؤال في فدني اضغط هنا