أنا معيده جديده ، ازاى أخلي شخصيتي حلوه مع الطلاب ف السكشن ، اصاحبهم ويحبوني ويحترموني وف نفس الوقت تبقي ليا مكانتي بس من غير م يكرهوني علشان اقدر احببهم ف المحاضره واقدملهم المعلومه بطريقة حلوه ويستنوا المحاضرة كل اسبوع ، أرجوا الإفادة.
ألف مبروك وبالتوفيق يارب. من وجهة نظري عامليهم كأختهم الكبيرة، والأخت الكبيرة برده بتشد أحيانا وبترخي أحيانا وبتكافئ احيانا. بلاش تزعقي طول الوقت وبلاش تضحكي طول الوقت ولو حد عمل حاجة حلوة او جاوب سؤال صعب اديله درجة مثلا. ولو أخدتي كيس شوكولاتة او بومبوني أول سكشن هيكون لطيف جدا جدا جدا وهتقربيهم منك، اقبلي اعذارهم لو حد عايز يصلي او ياكل او يروح التويلت ماتمانعيش يعني عامليهم زي ماتخبي الدكتور بتاعك يعاملك وانتي قدهم.
تم النشر الثلاثاء، ٢٤ سبتمبر ٢٠٢٤
ابتسمى دايما واول ما تلاقى اى حد تعدى الحدود ..اخفى الابتسامه بس من غير ما تبهدليهم فى الدرجات ولا حاجة اهم نقطة عشان تبقى معيدة محبوبة ..متحسسيهومش انك عندك اللى مش عند حد خليهم دايما حاسيين ان وجودك عشان تساعديهم قبل ما يكون عشان تقيميهم او تمتحنيهم
تم النشر الأربعاء، ٢٥ سبتمبر ٢٠٢٤
كوني قريب منهم عندنا معيدة معتقدش ان محدش بيحبها قريبة مننا جدا حاجة كدا قمر طيبة متفاهمة بجد كتر خيرها تفضل تعيد وتزيد في الشرح انا بحسها اختنا الكبيرة بتشد علينا لما تلاقينا مش بنذاكر وبنتقبل منها عشان عارفين انها عاوزه مصلحتنا لدرجة ان انا بدعيلها اول ما ادت لنا سكشن قالت قولو اساميكم واتعرفت علينا وكانت بتضحك وتهزر معانا ولكن وقت الجد جد وكانت بتكافئنا لو حلينا صح وتكتب تعزيز إيجابي في الكشاكيل بجد كلنا بنحبها جدا جدا وكانت بتوصي دكتور المادة علينا وتخليه يلغي حاجات من الكتاب كانت دايما في صفنا اتمنى ان اشوفها السنين الباقية ليا في الكلية كل دا وغيرو ومش هنحبها دا احنا بنحبها جدا جدا هي الرسالة طويلة شوية بس بقول لحضرتك ازاي الدكتورة كسبتنا وخليتنا نحترمها ربنا يسعد حضرتك ويحببهم فيكي يارب
تم النشر الثلاثاء، ٢٤ سبتمبر ٢٠٢٤
مرحبًا بك! من الجميل أنك تهتمين بكيفية بناء علاقة إيجابية مع طلابك، فهذا يظهر حرصك على نجاحهم واهتمامك بالتعليم. إليك بعض النصائح التي قد تساعدك في تحقيق ذلك: كوني صادقة وطبيعية : أظهري شخصيتك الحقيقية وكوني صادقة مع طلابك. الطاقة الإيجابية والحماس يمكن أن يكون لهما تأثير كبير على تفاعل الطلاب. استمعي إليهم : اجعلي طلابك يشعرون بأنهم مهمون عبر الاستماع إلى آرائهم ومشاعرهم. قدمي لهم الفرصة للتعبير عن أنفسهم واحتياجاتهم. استخدام أساليب تدريس مبتكرة : اجعلي دروسك شيقة وممتعة من خلال استخدام أساليب وأساليب تدريس متنوعة، مثل الأنشطة التفاعلية أو المناقشات الجماعية. حدد الأهداف والتوقعات بوضوح : وضحي لهم ما تتوقعينه من حيث الالتزام واحترام القواعد. كوني صارمة ولكن بأسلوب لطيف. ابني علاقة ثقة : اعملي على بناء علاقة قائمة على الثقة والمودة، من خلال إظهار اهتمامك بنجاحهم الأكاديمي والشخصي. كوني نموذجًا يحتذى به : تصرفي بشكل يعكس القيم التي ترغبين في غرسها في نفوس طلابك، وكوني قدوة في احترام الآخرين. شاركهم لحظات من المرح : اجعلي بعض اللحظات خفيفة، مثل مشاركة نكت أو قصص ممتعة تتعلق بمواضيع المحاضرة. تقدير الأداء الجيد : أمطي الطلاب ثناءً عند تحقيقهم لإنجازات جيدة، سواء كانت كبيرة أو صغيرة، مما يعزز من روح الحماس لديهم. كوني متاحة : قدمي نفسك للحديث والنقاش بعد المحاضرة، فهذا يظهر لهم أنك تهتمين بمساعدتهم ويمنحهم الفرصة للتفاعل معك. احترمي حرية التعبير : كوني متفتحة للأفكار والآراء المختلفة، مما سيجعل الطلاب يشعرون بالراحة في التعبير عن أفكارهم ومناقشتها. بتبني هذه الاستراتيجيات، يمكنك بناء علاقة صحية ومحترمة مع طلابك، مما سيؤدي إلى تحقيق بيئة تعلم إيجابية وممتعة. وفقك الله في مهمتك، ونسأل الله أن يكتب لك النجاح.
تم النشر الثلاثاء، ٢٤ سبتمبر ٢٠٢٤
لعرض السؤال في فدني اضغط هنا