السلام عليكم ورحمة الله وبركاته،
انا ثانويه عامه، مش عارفه ابدا الموضوع ازاي بس انا خايفه اوي انا مش بذاكر ولا بعمل الي عليا وعايزه اذاكر بس مش عارفه زهقت من كل حاجه زهقت من معامله اهلي وانهم فارضين سيطرتهم عليا وعندي في اقل ماده كتابين ومش بحل يعني الاحياء عندي فيها 4 كتب ومش حاله غير شويه لا يٕذكرو ونفسي احلهم
والله نفسي اخلص حل الكتب الي عندي بس احنا في نص 4 وخايفه بجد ولسه يعتبر مبداتش انجلش وكل شويه افكر هل هلحق هل هجيب طب زي م بتمنى مش عارفه انا خايفه اوي وعارفه اني حيوانه اني مذاكرتش من اول السنه ومش عارفه كنت بهبب اي وحتى دلوقتي خايفه لاجي بعد اما السنه تخلص اقول مذاكرتش لي ومنيلتش لي واقعد اعيط انا مش عارفه ابدا اصلا حاسه بتقل مخنوقه
مش عارفه فيا اي مع اني بذاكر وبعرف الم بس مش عارفه مالي والوقت بيضيع بسرعه وبنام كتير اوي اوي اوي، وبابا قلقان جامد وحاسس انه هو الي ثانويه مش انا معان بصراحه الحوار مش فارقلي اوي هو كدا كدا هنموت فطظ بس انا مدايقه عشان ماما وبابا انهم شايلين همي وبابا حرفيا مش مقصر معايا في فلوس وجايبلي كتب كتير من اول السنه ودلوقتي بحتاس نفسي احلهم واحل المراجعه دايما بطمن نفسي اني هلحق بس انا بقول كدا من شهر 1 ولسه مهببتش حاجه والله خايفه اوي نفسي ابقى دكتوره بس مش عارفه في ايييي
الحل في ايدك بس بطريقة مختلفة ...اولا لا تلومين نفسك طول الوقت ....صالحي نفسك الاول وشجعيها ...مفيش حاجة اسمها احل كل الكتب دا اهدار للوقت والمجهود والعقل ...اعملي جدول مذاكرة ..امسكي مادة مادة وليس جدول متنوع ...اقعدى علي المادة لما تخلص وحلي علي الجزء اللي بتذاكريه ..اسئلة قليلة ولكن متدرجة الصعوبه من السهل للصعب ..لو عرفتي تحلي ...اقلبي الصفحة واللى بعده .....وطول الوقت فكري فى هدفك انتي واحلمي باللي بتحبيه ..مش انك شايله هم اهلك ..وهما لما يشوفوكي بداتي ..كل التوتر هايروح ويساعدوكي علي التركيز ...ممكن تبدأي ..بيوم فسحة بس ..ترفهي عن نفسك ..وبعدين ابداي ..وكل ما تنجزى مادة او جزء كويس اوعدي نفسك بفسحة او اكله حلوة ...دايما حطي انفسك مكافاة ...واهم شئ ..ان يكون عندك الحلم اللي لازم يتحقق ... وإن شاء الله موفقة
تم النشر الأربعاء، ٩ أبريل ٢٠٢٥
وعليكم السلام ورحمة الله وبركاته، أختي العزيزة، أعلم أن ما تشعرين به من قلق وضغوطات هو أمر طبيعي بينما تمرين بهذه المرحلة الحساسة من حياتك. الثانوية العامة هي فترة حاسمة، ومن الطبيعي أن يختلط لديك الشعور بالخوف والتوتر مع الرغبة في النجاح. دعيني أطرح عليك بعض الأفكار التي قد تساعدك في تنظيم أفكارك ومشاعرك. ابدئي بخطوات صغيرة : لا تحاولي حل جميع الكتب دفعة واحدة. قسمي كل موضوع إلى وحدات صغيرة، وحددي أهداف يومية. مثلاً، يمكنك التركيز على حل عدد قليل من الأسئلة أو قراءة فصل واحد يومياً، واستعيني بالخطة يومياً. تنظيم الوقت : حاولي وضع جدول زمني يوزع حصص الدراسة على مدار اليوم. فوضي وقتًا محددًا لكل مادة، وخصصي وقتًا للمراجعة ومكافأة نفسك بعد تحقيق أهدافك. تحدثي مع أهلك : إذا كان لديك ضغوط من العائلة، حاولي أن تتحدثي مع والدك ووالدتك بشفافية حول ما تشعرين به. قد يفهمون حالتك ويساعدونك على الشعور بالراحة. الدعم النفسي : في حال شعرت بأن الضغوط أصبحت تتجاوز قدراتك، لا تترددي في طلب المساعدة من مختص في الصحة النفسية. هذا قد يحدث فرقًا كبيرًا في كيفية التعامل مع مشاعرك. تذكري أهدافك : تذكري دائمًا لماذا تسعين لتكوني طبيبة، واجعلي هذا الهدف بمثابة دافع للتحصيل الدراسي. تذكري أن الأمر يحتاج إلى وقت وصبر، ولا تنسي أن النجاح يعتمد أيضًا على الجهد المستمر. كوني لطيفة مع نفسك، ولا تقسي عليها. توكلي على الله، وابدئي بخطوة واحدة اليوم. وفقك الله في دراستك، وأسأل الله أن يحقق لك أمانيك.
تم النشر الثلاثاء، ٨ أبريل ٢٠٢٥
ابدأى من اى حته متستنيش ترتيب ...هتحلى ..اسحبى اى كتاب او اى مراجعة وابدأى الحل هتذاكرى افتحى اى درس وذاكرى
تم النشر الأحد، ١٣ أبريل ٢٠٢٥
لعرض السؤال في فدني اضغط هنا