السلام عليكم و رحمه الله و بركاته
عندى عدم ثقه فى النفس و فى قدراتى لان اتعرضت لخزلان كثير فى الشغل كذا مره من أصحاب العمل
كمان كل ما كنت ما بيتقدم حد للخطبه كان الرد ما فيش قبول
الموقفين دول ماثرين عليه حتى الآن و انا عمرى حاليا ٤٠ سنه اعتزلت التعامل مع الناس الا اذا مضطره و ما بقتش اشوف اى حد يتقدم للخبطه
سؤالى ازاى احب نفسي و ازود ثقتى فى نفسي و قدراتى الذهنيه و العمليه
اولا لازم تعرفى ان العلاقات انعكاس ليكى بمعنى هذا ما بداخلك، ازاى اغير ما بداخلى. اعرف اولا أن الله خلق الإنسان فى احسن تقويم وان ما حدث له نتيجة التربية سواء فى البيت أو المدرسة والان اخرج من وعى الضحية واقول انا مسؤلة عن نفسى، وعن شخصيتى واخد قرار انى هطور من نفسى ابدأ بنقاط القوة، اكتبها وكل يوم أقرأها. وتكتبى ما انجزتيه خلال يومك حتى لو شىء بسيط شوفى ايه المهارة اللى عندك أو اللى الناس بتقول عليكى شاطرة فيها وجيبي فديوهات من النت وذاكرى كل يوم بالورقة والقلم واكتبى اللى اتعلمتيه. أمشى كل يوم ربع ساعة ولو مفيش مكان للمشى اعملى تمرينات فى البيت من اليوتيوب اهتمى بشكلك جدا افتحى فيديوهات العناية بالجسم وكلى اكل صحى ولو اى حاجة ما عملتهاش من اللى قولت عليها خلال اليوم سامحى نفسك وقولى انا بحب نفسى واعملها تانى يوم وابدأى بيها اليوم تانى
تم النشر الأحد، ٨ أكتوبر ٢٠٢٣
وعليكم السلام ورحمة الله وبركاته ... ممكن تقولي لي مثال عملي شوية؟ يعني مثال على خذلانك من اصحاب العمل؟ وايه وجهة نظرك في اللي مثلا بيتقدم ليكي وبعد كده مثلا بيبقى مفيش رد او الرد الرفض؟ ايه وجهة نظرك ف الموضوع ده؟
تم النشر الأحد، ٨ أكتوبر ٢٠٢٣
واثق الخطوة يمشي ملكا اتبع هذا المثل الشعبي واياك والغرور
تم النشر الأحد، ٨ أكتوبر ٢٠٢٣
تمام فهمت مشكلتك واجيت للمكان الصحيح ✅ ما عليك فقط إلا أن تتابع هذه القنوات وستتغير حياتك بأكملها للأفضل وأنا متأكد مئة بالمئة من هذا الشيء ولكن يجب أن تركز على ما يقولونه وما يفعلونه والآن هذه القنوات هي ... :- دوباميكافين محمد عيتاني محمد غنايم معتز مشعل تحفيز يومي تحفيز بالعربي ستيف هارفي عبدالله علاوي دروس اونلاين الجانب المشرق Winner's Team الآن ما عليك سوى أن تبدأ حياتك بالتوفيق لك وللجميع ✨❤️
تم النشر الأحد، ٨ أكتوبر ٢٠٢٣
كلنا مرينا بده على فترات مختلفه... اوعى ده يحسسك ان انتى الوحدك اللى مريتى بالشعور ده... حب الذات ده مهم جدا بيتلخص فى ان انتى تشوفى انتى عاوزة ايه وتحققيه... بتحبى اللبس محتاجه تنزلي وزن انزلى عشان انتى بتحبى نفسك كده... والعكس صحيح... حب الذات ده هيوصلك للثقه بالنفس ويخلي عنين الناس هتشوفك بعنيكى انتى ... اقفى قدام المرايا وشوفى انتى تكونى راضيه عن نفسك ازاى ... انتى بتحبى رياضه العبى... بتحبى الرسم ارسمى جيبى الأدوات وانطلقى.... بتحبى تقفى فى البلكونه الساعه ٥ الفجر اصحى وصلى واقفى ... المقصود تشوفى انتى بتنبسطى بايه واعمليه... كل ده هيخليكى تتولد جواكى طاقه ايجابيه تخليكى انتى نفسك تشوفى نفسك بعين مختلفه... قدرات ذهنيه وعقليه ديه قدرات خاصه بيكون فى تمرينات كده تنشط التفكير حاسه انك ممكن تكونى محتاجه تغييرى روتين او تدخلى حياتك حاجه جديده .. العمليه تشوفى أحدث حاجه فى مجالك ايه واعمليه بس حاجه تكونى بتحبيها لو مش حابه فى مجالك وعاوزة تعملى حاجه مختلفه انطلقى مفيش قاعده انتى سيده الموقف ...... مفتاح كل حاجه حلوة هى نفسك ونظرتك للحياه... خلينا متفقين ان كل حاجه ليها ميعاد قصه ٤٠ سنه والكلام ده محتاجين منركزش عليها ... لأنها حرفيا مش مهمه.. والله مش كلام وخلاص هو بس احنا متعودنااش نفكر بالطريقه ديه وكبرنا اانا نكون نفسيين نفسنا وشاكرين المشاكل والالتزامات اللى حولينا .... عيشى اليوم اللى بيعدى مش هيتعوض
تم النشر الأحد، ٨ أكتوبر ٢٠٢٣
لعرض السؤال في فدني اضغط هنا