اتقدملي شخص واترفض في البداية بعدها هو دخل كلمني وكان بيحاول يقنعني بنفسه وقعدنا نتكلم حوالي شهر هو كان بيقول أنه بيحبني وكان بيأكدلي دا بتصرفاته فعلا المهم بعدها اتقدم مرة تانية واهلي رفضوه برضو هو بصراحة كان عنده استعداد أنه يحاول تاني علشان اهلي يوافقوا بس انا موفقتش وقلت أنه أنا اللي رافضه علشان يبعد
بعدها عرفت انه خطب بعد ما سبنا بعض بحوالي تلات اسابيع هو في الفتره دي كان بيراقب الاكونت بتاعي هو بيظهر لي أنا بعرف دا بعدها حاول يبعت لي تاني بحجة أنه بيطمن عليا ولسه لحد دلوقتي بيبعت وبيراقب هل دا طبيعي طيب حب فعلا ولا مجرد فضول ؟
معلش هو انتي مقولتليش ايه سبب الرفض علشان انتي مش شايفاه مناسب ولا علشان اهلك رفضوه انتي رفضتيه هو لو انتي متأكده انك مش عاوزه شاغله بالك بيه ليه وعرفتي ازاي أنه خطب وفارق معاكي بيراقبك ولا لأ ليه ولما انتي مش موافقه عليه ليه اتكلمتي معاه الفتره دي كلها السؤال مش هو بيحبك ولا لأ السؤال هو انتي رأيك ايه في الموضوع كله بس الحركه اللي عملها أنه يخطب ويكلمك دي حركه وحشه هو مراعاش ربنا في خطيبته
تم النشر السبت، ٢٢ مارس ٢٠٢٥
مش هيفرق هو تصرفه ده عن فضول ولا حب، هو خلاص خطب واحدة تانية وميفعش حتى إنه يتواصل معك بأي طريقة، ده حرام وكمان غلط في حق خطيبته، وغير كده الموضوع اترفض من أهلك مرتين وانتِ بلغتيه رفضك، فمفيش فائدة من تحليل تصرفاته أو انتظار أي خطوات تانية بعد كده. لو حاول يتواصل مرة تانية فخليكِ حازمة معه واقفلي الباب ده خالص بدل ما يعملك مشاكل بعدين.
تم النشر الجمعة، ٢١ مارس ٢٠٢٥
بص هيا مش فارقه حب ولا فضول اصلا هو طالما خطب يبقا شاف طريقوا ف انتي تحاولي تمنعيه انو يحاول يكلمك وتعمليلو بلوك من أي موقع تواصل معاكي وربنا يعوضك بالاحسن منو ❤
تم النشر الجمعة، ٢١ مارس ٢٠٢٥
ممكن أسألك بتعرفي منين انه مراقب آكونت الفيس
تم النشر الاثنين، ٢٤ مارس ٢٠٢٥
لعرض السؤال في فدني اضغط هنا