السلام عليكم عندي 18سنة وداخلة علي 3ث وحبيت اتعالج نفسياً قبل ما ابدا دراسة المهم من فترة كبيرة اوي بقيت عصبية زيادة عن اللزوم كنت عصبية قبل كدة بس مش للدرجة بقيت بتنفس بصعوبة ومش عارفة ارجع شغفي ل اي حاجه واكتر حاجة مأثرة عليا اهلي في مشاكل كتير اوي معنديش اخوات بنات ولا صحاب كان عندي بس بعدنا انا و هي عملت موقف مش حلو من ساعتها وانا اتغيرت وانا اخواتي كلهم ولاد ومفيش حد منهم قريب عشت طفولة مش احسن حاجه اخويا كان بيضربني كتير و انا عندي اخوات اصغر مني ومش عارفة اتعامل معاهم بحنية ودة بيسبب مشاكل مع امي بتقولي انتي قلبك قاسي ومش حنينة مع ان والله حنية الدنيا كلها في قلبي
انا وماما قريبين من بعض بس مش للدرجة مش بحكلها اسرار ربت خوف جوايا منها
عشان وانا صغيره لما كنت بعمل غلط واروح اقولها رد الفعل كان ضرب ف الخوف كبر معايا
وفي حاجات كتير وكلام جوايا مكتوم
وكمية غصب مش عارفه اطلعوا
مع العلم انا بابا و ماما منفصلين
وعايشة مع ماما و جوزها هو راجل طيب وبيحبني اوي وانا كمان
هو عندوا ولدين ماما ربتهم كويس جداً بس للاسف كان مفيش نتيجة هما دول سبب المشاكل والتعب النفسي وبابا مش بياخد اي رد فعل معاهم غضبي بيزيد اكتر وبقيت بتعب جسديا وبحس بهمدان دائماً وبقا عندي ارق بقعد حوالي 7ساعات بحاول انام
عارفة كلامي مش مترتب بس بحاول
اولا سامحي والدتك على اي تقصير من ناحيتك لانها حاولت على قد وعيها تعمل كل اللي تقدر عليه في تربيتك ثانيا محتاجة تفرغي كل مشاعرك وغضبك إما مع مختص او حتى كتابة ثالثا وده الاهم حبي انتي نفسك وعوضيها ( ركزي على الحاجات اللي تنمي مهاراتك وتساعدك تكوني شخص افضل)
تم النشر الخميس، ١١ يوليو ٢٠٢٤
عليكم السلام. أولاً، حابة أقولك إنك قوية وشجاعة إنك قررتي تتكلمي عن مشاكلك وتحاولي تعالجيها، ده بداية الطريق للتحسّن. ثانياً، العصبية والتعب النفسي اللي بتمري بيهم مش حاجة سهلة أكيد. الظروف اللي مررتي بيها من مشاكل عائلية وضغط نفسي أثرت عليكِ وتسببت في الشعور بالغضب والإحباط. ممكن أقولك كام حاجة كخطوات أولية: الحديث مع متخصص : لو تقدري تتواصلي مع طبيب نفسي أو مستشار، حيكون ده أحسن حاجة. حيساعدك تفهمي مشاعرك وتعالجيها بطريقة صحية. كتابة المذكرات : جربي تكتبي يومياتك، كل ما تشعري بالغضب أو الضغط، اكتبي اللي بتحسيه. ده بيساعد كتير في التفريغ العاطفي. التنفس العميق والتمارين الاسترخائية : حاولي تعملي تمارين التنفس العميق والاسترخاء يومياً، حتساعدك تتحكمي في العصبية وتحسني من التنفس. الرياضة والنوم : حاولي تمارسي أي رياضة، حتى لو خفيفة، ده بيساعد كتير على تحسين المزاج. وكمان نظمي مواعيد نومك، خليكي بنفس الوقت كل يوم حتى لو ما نمتش كتير. بس جسمك حيتعود مع الوقت. العلاقات العائلية : حاولي تتكلمي مع والدتك بطريقة هادية وصريحة، خذي وقتك وتكلمي عن مشاعرك بدون غضب. جربي تبداي تتقرّبي من إخواتك الصغار بطريقة تدريجية، اعطيهم اهتمام صغير يومياً. الهوايات والشغف : حاولي ترجعي تكتشفي الحاجات اللي بتحبيها. ممكن تبدئي بحاجة صغيرة، أي نشاط بتحبي تعمليه ويريحك. ما تخافيش من طلب المساعدة، خصوصاً إن عندك ناس حواليك بتحبك وعايزة تساعدك. خذي الموضوع خطوة بخطوة، واللي بتمرّي بيه مش سهل لكن مش مستحيل تحسينه. ربنا يقويك ويوفقك يا رب! 💪😊
تم النشر الثلاثاء، ٩ يوليو ٢٠٢٤
بصي اعمل حاجات جديده في حياتك زي مثلا دلوقت ابدأي اقري كتب شوفي مثلا مسلسل ولازم تصارحي امك بالمشاعر الي انتي بتمري بيها مهما كان هي امك ولما تحكي لها هتلاقي نفسك غير زمان
تم النشر الخميس، ١١ يوليو ٢٠٢٤
لعرض السؤال في فدني اضغط هنا