انا عندي دلوقتي ١٧ سنه وأنا كنت ف علاقه مع ابن بنت عمي من ٣ اعداي لحد دلوقتي.
جت فترة واهالينا كلهم عرفوا الموضوع وأنا ف ٣ ع وباباه كلم امي وكده لكن امي رفضت لاني كنت في سن صغير جدا وعدت ٣ سنين علي الموضوع بس كنا بنتكلم ونشوف بعض كل فتره مش دايما.
المهم في شهر ٨ اللي فات ده لقيت ستوه الي هيا مرات عمي بتقولي احنا عاوزينك لابن بنتي هما كلهم عارفين القصه من ٣ ع ضحكت وقلت لماما واخويا الكلام معاهم هي ردت ما احنا قولنا لهم وعمي اللي هوه ابوه جه لماما وقالها بس انا مكنتش عارفة.
ولان انا وماما قريبن من بعض ومش بخبي عليها حاجه في الموضوع ده بالذات فسالتها وهي ردت قالت آه، بس اخوكي قال ان لا لسه بدري علي الحوار اللي هوه فاضل سنتين على فكره الارتباط.
المهم رن عليا بعض الحوار ده، انتي لسه بتحبيني انا لسه عاوزك انتي متاكده انهم هيوافقو وقعدنا نتكلم علي فكرة إنه استنى ٣ سنين وهيستنى كمان ٢ اهوه بس يبقى متاكده ان في موافقه لان اتقدم مره ف اعداي ومره ف ثانوي قلت له أنا ضامنه ماما اخويا معرفش لان ممكن يكون شايف او عارف حاجه احنا مش عارفينها.
قفلنا والدنيا كانت جميله وطلب يشوفني وتقابلنا وكده حصل بقا موقف واحنا قاعدين انا فوني كان مع صحابي كلنا قاعدين مع بعض ف بصيت في الساعه بتاعت الفون بتاعه لاقيت بره ضحك وقلوب واسمين لبنات.
إيه ده هات وريني وشد الفون، هوه شده وحلف اني مش مسكاه وأنا سكت إنه حلف قعدت زعلانه وهوه عمال يصالحني ورحت زعلانه، رنين بقا بسال من ده وحده صحبتي وكل كلام الي كنت بقولوه رد حاجه وحده وهيا معنديش رد
معرفش اعدنا ٣ ايام مش بيرد بأي شكل وبلكني يوم ٢٤ /8 رن عليا وقالي حقك عليا انتي زي اختي ومحصلش حاجه بنا قلت ازاي بتهزر صح ولله ابدا من امتا وفي حاجه بينا طب و٣ سنين وعمو الي تكلم هما الي كانوا عاوزين مش انا
طب ازاي احنا كنا بنتكلم وبتقولي انك مستنيني وبتحبني والمكالمه كانت عباره عن كده محصليش ويفكرني بحاجات حصلت زي اني كان شكلي حلو ف الفرح وإني بيحب ضحكتي وكانت مكالمه تعبانه وفي اخرها قالي اخر الاسبوع هكون خطبت وعرفت ان في بنت بيحبها بقالو سنة ونصف واهله مش موافقين وناس قالت لي انهم نفسهم ياخدوني وهو قالي اني ساعة ما أخطب هتلاقيني نزلت وكان مخاصم أهله ومش بيكلمهم عشان خاطرها وكده بس دلوقتي كلمهم.
وأنا معرفش حاجه عن حوار البنت انا بقا ساعتها معملتيش حاجه غبر اني بضحك وصحابي خايفين عليا وكل شويه انتي كويسه وكده المهم من اسبوع بس ادركت الي انا فيه وعادت عيط مش على شخص على فكره وتوجعت اوي لما عرفت حوار سنه ونص ده وعماله كل يوم اعيط وبفكر ابعت له مسدج أقول له فيه اني مش مسامحاه وفي حبه من صحابي بيقولو هوه عمل كده عشان تركزي ف مذاكرتك وإنه لسه عاوني وفي ناس بتقول لا هو مش عاوزك ونا مش عارفه اعمل ايه ف لو سمحت لو في حل حته للنسيان وللوجع الي انا فيه ده يا ريت تبعتو 💖💖
أنا مش هقولك تتصرفي ازاي دلوقتي لانك محتاجة تخرجي مشاعرك بطريقة تناسبك سواء كنتي هتبعتي لي أو لا براحتك لكن خليكي فاكرة أن أي تصرف بيعود علينا فحضرتك قدامك اختيارين هو انك تختاري طريقة تصرف تريحك نسبيا دلوقتي وتعود عليكي بعدين أو انك تحاولي تتعاملي بطريقة تانية قد تكون مش الأنسب ليكي دلوقتي لكنها هتوفر عليكي حاجات كتير مفيش حد بينسي ولا بيبطل يتوجع علي وصفة معينة ولكن الوجع بيقل مع فهم الموقف بمرور الوقت وتفريغة من اي نظرة تجاه الشخص التاني أو الموقف حاولي تتخلي عن نظرتك للشخص ده علي أنه اذاكي او لا وتفهمي الموضوع بشكل مختلف
تم النشر السبت، ١٢ أكتوبر ٢٠٢٤
السلام عليكم ورحمه الله وبركاته. ممكن اكون انا الوحيده اللي هتقول لك لا ما تنسيش ما تدوريش على حاجات نفسك لانك لو نسيتي اللي حصل ده سهل جدا انك ترجعي تقعي في نفس الغلطتين فانا بقول لك ما تنسيش وخليكي فاكره كويس قوي ان احنا نتعامل في حاجه هي لسه وقتها ما جاش يعني فكره الارتباط دي اصلا وان احنا نختار شخص من واحنا في ثالثه اعدادي بتبقى انا وادر ان يكون في ناس هيكونوا ناضجين او هيكونوا لسه مستقرين على مشاعرهم وعلى اختيارهم انهم هم صغيرين يعني مش هقول لك ان ده مستحيل لا هو موجود ولكن النسب قليله قوي فاحنا بنتكلم على النسبه الاكبر والاعم والاشمل ان في السن ده ما فيش حد بيكون ناضج كفايه فحتى لو حب او عنده مشاعر او لو اختار وشاف انه اه انا الشخص ده انا عايزه يفضل معايا طول العمر فمش شرط يفضل ثابت على الاخ. تيار ده ولا على القرار ده فخليكي فاكره ان في حاجات الافضل ما تعمليهاش قبل اوانها واوانها ده بيتحدد على اذا كان انت ناضجه كفايه واللي قدامك ناضج كفايه ولا لا خلي بالك كويس قوي ولا ما تنسيش وتفتكري دائما الملخص اللي انت خدتيه من الموضوع مش انك تقدري تقولي الوقت. عيد الشريط طيب لما تعيدي الشريط انت هتستفيدي حاجه الحقيقه لا لكن اللي لازم تستفيدي منه هو النهايه والملخص بتاع الموضوع ده كله انك عملتي حسابك على حاجه هي اصلا مش ثابته هي شيء متغير والعادي فيها واللي 99% ان الموضوع كان يبقى متغير ان هو يغير رايه ان هو عادي جدا تطلع له مشاعر تجاه بنت تانيه ايه المشكله يعني عادي جدا وده طبيعي. فتقولي لي لا والكلمه والوعد وكلام باباه طب ما عادي جدا عادي بابا سايره في الموضوع وباباه صدقوا هو كمان وهو لما جه قال لا انا غيرت رايي وخلاص ما هم كده كده رفضوا عايز الكلام هيتاخد عادي جدا وما حدش هيلومه لان ما فيش موضوع قائم اصلا فا فتكرك ملخص الموضوع واللي محتاجه تنسيه او مش هقول لك انت بس يعني شوفي ان هو مواقف حلوه وعدت عليك وحسيتي فيها شعور حلو وخلاص مش اكتر من كده. هي الحاجات اللي انت بقى بتفتكريها وبتتساقليه ايه ده ازاي كان بيقول كده يعني ده ما كانش حقيقي كل الاسئله دي مش هتفرق معاكي في حاجه تبعتلهوش حاجه وما تقوليلهوش مش مسامحاك ولا اي كلام من ده لان ده كله معناه انك بتحاولي تمسكي ثاني فيه وفي القشايه اللي بتربطك بيه فلا ما تعمليش كده خلي الشكل وحش.
تم النشر السبت، ١٢ أكتوبر ٢٠٢٤
عزيزتي، أولاً، من المهم أن تعلمي أن مشاعرك هي أمر طبيعي ومفهوم في مثل هذه المواقف. العلاقات في سن الشباب تحمل الكثير من التغيرات والمشاعر المعقدة، وانت تشعرين الآن بالألم والتشتت بعد ما حدث. عليك أن تتذكري أنه في العلاقات، يجب أن تكون جميع الأطراف راغبة وموافقة. إذا كان الشخص الذي كنت على علاقة به قد اتخذ قراراً بالابتعاد، فعليك احترام هذا القرار. التعلق بشخص لم يعد موجودًا في حياتك يمكن أن يكون مؤلمًا للغاية، ولكن يجب أن تعرفي أن هذه التجارب يمكن أن تساعدك في النمو والتطور. إليك بعض النصائح التي قد تساعدك: استغلي وقتك في التعلم والاهتمام بنفسك : قد يكون من المفيد أن تستغلي وقتك في تطوير مهارات جديدة أو الاهتمام بدراستك. هذا لن يساعدك فقط على تخطي هذه الفترة، ولكن سيسهم أيضًا في بناء مستقبل أفضل. تحدثي مع شخص تثقين به : تبادل مشاعرك مع شخص مقرب مثل أخت، صديقة أو معلمة يمكن أن يساعدك في معالجة مشاعرك. حددي مشاعرك : اكتبِ مشاعرك في دفتر. قد يكون التعبير عن مشاعر الحزن والألم كتابةً طريقة فعالة لتفريغ الضغط الداخلي. افهمي أنه من الطبيعي أن تشعري بالحزن : تأكدي أن مشاعر الحزن قد تأخذ بعض الوقت، ولا تتعجلي في تجاوزها. اتركي لنفسك المجال للشعور بهذه المشاعر ولكن لا تبقي عالقة فيها. تجنبي التفكير في الماضي : حاولي أن تركزي على الحاضر وما يمكنك فعله لتحسين حياتك الآن وليس فيما مضى. الحب والعلاقات ليست دائمًا سهلة، ولكنها جزء طبيعي من حياتنا. تذكري أن كل تجربة، سواء كانت مؤلمة أو سعيدة، تمنحنا دروسًا قيّمة. وفقك الله ويسر لك كل خير.
تم النشر السبت، ١٢ أكتوبر ٢٠٢٤
لعرض السؤال في فدني اضغط هنا