السلام عليكم ورحمه الله وبركاته انا جايه اقول مشكلتي كان في واحده في يوم من الايام قريبه مني اوي.صاحبتي هيا اكبر مني بسنه.وكنت بحبها اوي اوي ولسه بحبها لعند دلوقتي انا وهيا كنا اخوات قوي كنا بنتقابل ما بين الدروس وما بين بعضها علشان نشوف بعض ونقضي مع بعض وقت وكده. ف في بنات كل شويه يقولولي ان هيا بتقول علي كلام وحش وان هي بتفتن عليا بكلام وحش قوي لدرجه ان انا مش عارفه اقوله هنا فانا ما كنتش بواجهها لان هي في ثالثه ثانوي حاليا ما كنتش عايزه اتقل عليها في الكلام.ما كنتش عايزه اضغط عليها.كنت عايزه افضل صاحبتها ونفضل طول العمر مع بعض كاخوات.بس هي زادت قوي.فانا واجهتها وهي انكرت ففي بنت قالت اسجل لها وهي بتتكلم عشان تشوف هتقول اي لان هتقلب عليهم الكلام وهتكدب وانها بتتكلم عليهم مع العيال برضو فيشوفو برضوهتقول عليهم حاجه او لا . فانا سجلت لها وبصراحه انا ما قلتش لحد بس اللي هي كانت قايلالي سجل لها دي هي مش من البنات اللي هي اتكلمت عليهم وفي نفس الوقت هي كانت عايزه تسمعه فانا بعته لها الجزء اللي هي اتكلمت على البنات التانيه فيه.مش بعتلها الفويس كله لان كان فيه خصوصيتها. فالبنت دي قالت للبنات التانيين وبعتت لهم التسجيل واصلا البنات دي مش بيحبوها ومصدقو لقو حجه عشان يخلصو منها ويطلعوها هيا الوحشه وانا اللي فالوِش وانا كد طلعت منافقه. انا وهيا طبعا كنا بعدنا عن بعض بس قابلتني وقالتلي كلام وحش عشان انا السبب انهم يقولو عليها مريضه نفسيه وانها لازم تتعالج لدرجه انها عيطت بالسعات وانا مبررتش موقفي ومشيت من غير ما قول كلمه وبلكتها وانا بللكها كانت بتحسبن عليا اننا السبب انها تخسر صحاب عمرها وانا حاسه من وقتها بتانيب الضمير حتى لو اذتني انا مفروض معملش كد وانا فعلا معملتش كد بس مش عارفه اعمل اي ولا اصالحها ولا لا ولو هصالحها هقولها اي؟!!
والله يا بنتى انتى طبعا عملتى حاجة بتقول انكم مش صحاب اصلا وعلى قدر الاذى على قدر المجهود اللى هتحتاجيه عشان تصلحى الموضوع اذا في مساحه منها تسمح بده . وواجب تحترمى قرارها لو هى مش قادره تتخطى الموقف
تم النشر الثلاثاء، ٩ يناير ٢٠٢٤
وعليكم السلام ورحمة الله وبركاته طبعا انتي غلطانه .. اولا هما خلوكي تسجلي ليها هي .. يعني اللي المفروض يثبت حاجه هو اللي يجيب الدليل بتاعه، اما هما جم وقلبوا التربيذة .. وخلوكي انتي اللي تسجلي، لانهم كانوا عايزين يطلعوها من حياتهم بالطريقة ديه، وكمان يفرقوا ما بينك وما بينها. ده التفسير اللي قدامي .. طالما البنت كانت كويسة معاكي وزي اختك زي ما بتقولي .. الا بقى لو كانت هي اصلا مش كويسة معاكي .. بس كلامك بيقول غير كده. كمان تصرف مش حلو ابدا انك تسجلي لصاحبتك علشان حد يمسك عليها حاجه. اللي عايز يعرف حاجه يعرفها بعيد عنك .. لان ف الزمن ده صعب تعرفي مين اللي غلطان ومين الصادق .. اصل الموضوع بيبقى ليه تفسيرات كتير. حاولي انك تعتذري ليها .. ولو هي مقبلتش اعتذراك حقها بصراحه. انتي برضه مش هتخليها تسامح بالعافية .. والتجربة ديه تعلمك طبعا لكل اللي جاي بعد كده..
تم النشر الثلاثاء، ٩ يناير ٢٠٢٤
للامانه..غلطي في حق صحبتك..وخنتي الصداقه..مهما كان في قلبها حاجه تجاه اصدقاء آخرين ملكيش الحق انك تعملي كده..للاسف اكبر غلط اللي عملتيه..لأنها اتكلمت ووثقت فيكي..روحي اعترفي لها بغلطك وان ده مش حيتكرر تاني واتسفي لها
تم النشر الأربعاء، ١٠ يناير ٢٠٢٤
لعرض السؤال في فدني اضغط هنا