انا في سنه تانيه ثانوي وعندي خاله واحده وبابيا متوفي وعايشه مع مامتي وجوزها مبدايا كان عندي 9سنين لما امي تزوجت دا برغبه مني عشان عايزه اخوات وبعدين خالتي كانت مطلقه ومعاها بنت فامي لما تزوجت ف خالتي تزوجت صاحب زوج امي وكانت الدنيا تمام وبعدين خالتي كانت زوجه تانيه ومره واحده الزوجه الاولي اتطلقت وبنتها اللي هي ادي في العمر جت عاشت مع خالتي ومن هنا بقا بدات المشاكل احنا كنا كويسين في الاول لحد ما هي بدات تبقي لئيمه اوي كل ما اقولها علي سري تروح لخالني تقولها وانا اللي كنت معتبراها اختي ومره مره قلبت خالتي عليا وبتكذب وتقول عني كلام اول مره اسمعو وبحكم انها مش عايشه مع مامتها فكانت خالتي بتحبها وبتعاملها احسن مني فكانت خالني بتوبخني و بتعاملني معامله زي الزفت وتعيطني كتير اوي وعشنا في القرف دا ٣ سنين ومعنتش بحكيلها حاجه كل شويه بقا تعمل فيا حاجه يعني متكلمنيش من غير سبب مره واحده وللعلم انا طيبه جدا بعد كل اللي عملتو دا صفيتلها تاني اما هي حاليا مستمره تاذيني نفسيا نبقي كويسين فتعمل فيا حاجه ف نتخاصم ف اعاتبها واصالحها وتبهدل الدنيا تاني تمام هتقولولي متكلمهاش دلوقتي امي بتشتغل وعلاما بترجع من شغلها بكون عند خالتو ولو خالنو عرفت اني مبكلمهاش هتزعقلي ممكن حد يفيدني اتصرف ازاي للعلم انا ليا صاحبه غيرها بس هي مش عايزاني اكلمها
ايه يا حبيبتي كل الاوفر ده انت محسساني بجد ان انت حياتك واقفه في النقطه دي يعني انت في تانيه ثانوي المفروض بنوته كبيره عارفه تديري حياتك كويسه بصي انا هساعدك مع اني اصلا في تانيه اعدادي انا مش عارفه ايه المقارنه بس اظن ان انا هقدر اقدم لك نصيحه او معلومه مش واخده بالك منها بصي في اشخاص من دي هتقابليها في حياتك كثير ومش شرط ان انت تقفي الوقفه السوداء اللي انت واقفه فيها مع البنت دي ما انت هتقابلي زيها كثير جدا جدا جدا ولا اي حاجه يا حبيبه قلبي انت هتتخطيها هي مش معاها سر يعني وانت مش عارفه تتصرفي ازاي او او لا يا حبيبه قلبي احنا بنتعامل مع الناس كلها بلطف واحترام علشان احنا مسلمين تمام ما بنخاصمش حد مع العلم لو البنت دي سيئه وهي ما تقرب لكيش يبقى لازم تقطعي علاقتك بيها ولو هي سيئه بس تقرب لك يبقى لازم لما تشوفيها تقولي السلام عليكم تسلمي عليها ولا اكثر ولا اقل خلاص كده انت كده صلتي الرحم تمام علشان ما تاخديش ذنب على انك قطعتي الرحم ده ولكن اكثر من كده ما فيش يعني ايه خالتك هتتخانق معاكي لو عرفت ان انت مش بتكلميها مبدئيا ما ينفعش ان انت ما تكلميهاش وما ينفعش ان انت تعملي اي حاجه بتدل على انك شخص سيء انت من جواك شخصيه كويسه وكل حاجه ولكن انت كمان من بره لازم تتعاملي حلو ولكن البنت دي ما تقربيش منها قوي هتتعاملي معاها على قد الكلمه اللي هي هتكلمها لك هتردي يعني الكلمه ورد غطاها لا اكثر ولا اقل واي مشكله حاولي انت تبعدي عنها وتحطي حدود قويه جدا بحيث ان انت تبعدي عن كل المشاكل والمشكله اللي هتقعي فيها بغبائك لازم تحطي عليها الف خط وما تكرريهاش تاني وتتعلمي منها وتاخديها كدرس لبقيه حياتك ولكن المشكله اللي هتقعي فيها وهتبقى انت ذكيه يبقى انت بداتي تتعلمي من اخطائك ولما هي توقعك في مشكله تقدري تقلبيها عليها في ساعتها وتقولي لخالتك وتبداي تكشفيها بمعنى اصح قدام الناس وتوريهم ان هي اللي بتحاول توقعك انت في المشاكل تمام ده اول حاجه ثاني حاجه عشان تتخطيها لازم ترجعي تكلمي صاحبتك ولازم يكون عندك صدقات كتير علشان تعرفي تتعاملي مع الناس اكتر من كده ولازم تفهمي البنت دي ان دي حياتك الخاصه ودي حياتها الخاصه انت تتعاملي مع اللي انت عايزاه وتعملي اللي انت شايفاه صح وهي ما لهاش اي وجه حق ان هي تتدخل في حياتك وانت كذلك يا حبيبه قلبي في حاجات كثير انت لسه ما تعلمتيهاش لازم تتعلميها ولازم تعرفي ازاي تتعاملي مع الاشخاص وكل لما يبقى عندك ناس اكثر في حياتك بتتعاملي معاهم هتتعلمي حاجات اكثر بس ما تحاوليش تحبي بنوته قوي وتقربيها منك لان هي في اي لحظه هتقلب عليك في اي لحظه هتلاقي كل الحاجات اللي انت كنت بتكلميها فيها هتلاقيها مع الناس كلها ولو عرفت نقطه ضعفك هتاذيكي منها وكده كده انت لازم هتغلطي اهم حاجه ان انت تتعلمي من خطائك وتحطي لنفسك قواعد تمشي عليها يكون عندك مبادئ ما بتغيريهاش عشان اي حد
تم النشر الأحد، ١٦ يوليو ٢٠٢٣
لعرض السؤال في فدني اضغط هنا