ليه لما بتعرف علي حد بندم وبحس اني اتسرعت واني مش طايق القدامي وعايز اهرب منه؟؟ الامر فعلا محير يعني انا عمال اشتكي من الوحدة والملل وان معنديش صحاب بكون نفسي اتصاحب علي حد بس بمجرد متعرف علي حد احس اني عايز ابعد واني اتسرعت فاني اتعرف عليه واصاحبه هل ده طبيعي؟
في صراع جواك جزء عايز يكون إجتماعي ويتكلم ويعبر عن اللي جواه ويعمل علاقات كتير و أفكار تانيه بالرغبة في الوحدة و إنك حابب تفضل بلا أصدقاء وتقدر تشتكي من الوحدة والملل وإن معندكش صحاب وكل دا.. عليك إنك تقاوم إحساسك إنك عايز تهرب وتبعد عن التغيير وأي حاجه جديدة وتجرب تعمل صداقات وإدي لنفسك فرصه تغير مسار حياتك .. وكل ما تحس إنك إتسرعت إفتكر إنه عادي يعني دا صديق مش زواج .. عادي يكون عندك 100 صديق ومش كلهم بالضرورة يكونوا بنفس القرب منك .. لما تتعرف على شخص وتحس إنك إتسرعت شوف الأول لو هو صديق صالح وهيسحبك معاه للأفضل سواء للأفضل في المذاكره أو العمل أو الدين أو أو .. يبقى إنت متسرعتش لو صديق سوء وهيسحبك معاه للفشل أو البعد عن الدين او الذنوب يبقى إنت إتسرعت وإبعد
تم النشر الاثنين، ٢٥ مارس ٢٠٢٤
ده طبيعي لانك ممكن يكون حصلك ازمه من حدا لو صحبت حدا خليك معه بس متحبوش غير لم تطمني وانت معه الندم شي ربني من واحنا أطفال الاجتماعي و الانطواءيه طبيعي بنسبه للي الملل اعمل حاجه انت بتحبها
تم النشر الخميس، ٢٨ مارس ٢٠٢٤
هل شخصيتك بتميل اكتر انك تكون انطوائي؟ لو شخصيتك بتميل اكتر لكده .. فده عادي - وبرضه عادي ان يكون ليك جزء اجتماعي، لان مفيش شخص هيكون انطوائي فقط او اجتماعي فقط. ربما يكون نسبة الانطوائي عندك اكبر من الاجتماعية وعندك خصوصية. انت ممكن تعمل علاقات زي ما انت عايز .. ولكن متدخلش بقلب جامد في العلاقة. سطح العلاقة لمدة .. ولما تحس ان محتاج تدخل في العميق شوية اعمل كده .. علشان متحسش ان فيه حد خانقك ..
تم النشر الاثنين، ٢٥ مارس ٢٠٢٤
انا عندي نفس المشكله وكل ما اصاحب حد انفر منه بطريقه غريبه مع ان كل الي صاحبتهم كويسين معايا وبيقدمولي كل الحب بس حاجه غريبه بتخليني اكرههم من غير ما يعملولي حاجه بس وانا بدور على السبب الي خلاني كدا لقيت ناس بتقول ان دي حاجه اسمها التعلق التجنبي فا جرب تبحث عنها وتشوف هل دا نفس الي عندك ولا لا
تم النشر الأربعاء، ٢٧ مارس ٢٠٢٤
فيك من الشخصيه الحديه شويه تقلبات مزاجيه وغيره.. يعني طبيعي انت لما بتتعرف علي حد بمجرد شعورك بالملل والوحده ودا مش نابع من جواك!! الي هو مقرر وحابب الموضوع انك تعرف ناس وتعيش حياتك الحل انك تلهي نفسك في حاجات افيد تقرأ كتب او قرأن تشوف حاجه بتحبها وتعملها تطلع كميه الطاقه السلبيه الي جواك عشان دي بتطلع في اوقات غلط زي ما قولت دلوقتي بتحس انك عاوز تبعد عن الناس بمجرد ما بتعرفهم وفعلا لما يكون القرار نابع من جواك انك تتعرف ع ناس اتكلم وكون علاقات سطحيه ومتتعمقش ولا تبعد لان محدش هيفهم انك بتعاني في الموضوع ده ف نعالج الموضوع مع نفسنا احسن ونحاول نغير سلوكنا بطريقه احسن
تم النشر الثلاثاء، ٢٦ مارس ٢٠٢٤
افعل ان شاء الله بس انا غالبا بسبب المشاكل والصدمات الي اتعرضتلها
تم النشر الأربعاء، ٢٧ مارس ٢٠٢٤
تمام، حاضر وشكرا جدا لحضرتك
تم النشر الثلاثاء، ٢٦ مارس ٢٠٢٤
لعرض السؤال في فدني اضغط هنا