انا عندي مشكلة اني دايما بتعصب علي اتفه الاسباب مهما كانت صغيرة بس انا مكنتش كدا ولا عصبية ولا حاجة بس من فترة بقيت كدا من اللي كنت بشوفه من امي كانت دايما تضربني وتشتمني وعلي اقل حاجة كانت تدعي عليا اني اموت ومن وقتها وانا اتغيرت وبقيت عصبية ودايما كل الناس بتقول عني مجنونة من عصبيتي كل يوم كنت بسمع كلمة مجنونة وعندي طبعا وحش اني عنادية خالص بحب اعاند في كل حاجه حتي لو كانت غلط وحاجات تانية كتير بتحصل معايا ياريت حد يفدني هو انا فعلا مجنونة زي ما بيقولوا ولا محتاجة علاج نفسي
عارفه الفانوس السحري بيبقي حجمه صغير بس جواه مارد عظيم اول مابيطلع محدش يقدر يوقفه غير الي حك الفانوس بإيديه ،قصتك تشبه الحكايه دي وانتي صغيره كنتي هاديه وابتدي قلبك يمتليء بالغضب من تصرفات والدتك معاكي وعدم قدرتها علي ايصال حبها لكي ممكن تكون منهكه وتعبانه من ظروف الحياه فكانت بتيجي عليكي ومش بتصبر علي اي خطأ يصدر منك او تعديهولك واحنا صغيرين مش بيكون عندنا فهم لدوافع الاهل وكل حاجه بتدخل علي المشاعر علي طول وتأثر علي جهازنا العصبي وتتخزن في صوره ذكريات وصدمات مؤلمه بس لما الفانوس بيتحك في مرحله عمريه معينه بتحصل فيها تغيرات هرمونيه قويه جدا ممكن مارد الغضب يطلع ويسيطر وتعبري عن مشاعرك المكبوته بطريقه عنيفه مش كده وبس انتي عايزه تقولي انا كبرت وليا رأي وشخصيه محدش شايفني ولا مديني أمان واحترام او حب فلازم اسمعهم صوتي بالعناد وعدم الامتثال لرأيهم ومخالفتهم علي طول الخط وعشان ااقربلك الصوره اكتر تخيلي نفسك والدتك ووالدتك انتي تخيلي ان الطريقه الي مش بتحبي حد يعاملك بيها انتي اصبحتي بتعاملي بيها الناس اوصفي نفسك وانتي عنيفه وغاضبه ارسمي شكل بيعبر عنك وانتي بتعاندي تقبلي وسامحي الصوره الي شفتيها وتعاطفي معاها وبعدين هاتي كرسي قصادك وتخيلي والدتك قاعده عليه قوليلها كل الي في نفسك وبعدين قومي ااقعدي مكانها وردي كأنك هي واسمعيها وافتحي قلبك وتقبلي الي بتقوله وحاولي تتعاطفي اذا قدرتي معاها اكتبي اي حاجه بتخطر علي بالك في ورقه بيضا اي كلام حتي لو جارح نفسك تقوليه لها او لأي حد عبري بكل طاقتك وبعدين قطعي الورقه وحسبي بغضبك بينسحب وبيخلص معاها ولو استطعتي ممارسه الرياضه زي الجري مثلا او اليوجا ، والرسم والتلوين حتي لو انتي مش شاطره في الرسم عشان تخرجي انفعالاتك وتعبري عن نفسك فده هايساعدك برضه علي الورق وممكن تقطعيه بعد كده كنوع من تفريغ الغضب ايضا لو تقدري تعملي تحليل لمعرفه مستوي هرمون الغده الدرقيه لان ارتفاع الهرمون ده بيسبب العصبيه الشديده وكمان قياس معدل السكر في الدم لان انخفاض السكر وكذلك الحديد بينتج عنه العصبيه اهدأي واطمأني وحاولي تعملي الخطوات السابقه عشان فيها بعدها خطوات تانيه
تم النشر الأحد، ٢٢ أكتوبر ٢٠٢٣
هي دا موش عراض الجنون بس إلا مفروض إلا يعمل كده الاولاد موش بنت علشان كده انتي المفروض تغيري من نفسك للاحسن اتبعي النصائح التالية ؛ اعرفي انك بنت لازم تحترمي كده موش معناه أمك صعبه فيك انك تكوني كده صوتك لازم يكون واطي لازم تتحكمي في اعصابك يعني قبل ما تردي علي حد في كلام فكري الاول اتعلمي فن الرد أرتقي بأسلوبك مع الناس قللي من كلامك مع إلا حوليك كتر الكلام بيجيب الغلط كل دا موش صعب بس هيجي تدريجيا اهتمي بنفسك ومظهرك الخارجي 🌸
تم النشر الأحد، ٢٢ أكتوبر ٢٠٢٣
لعرض السؤال في فدني اضغط هنا