أنا ساكنة مع اتنين اخوات.. المشكلة مش في كدا، المشكلة أول حاجة أنهم بيكلموا شباب علطول حرفيا طول اليوم وبيأثروا عليا في المذاكرة لإني مبعرفض اذاكر في الدوشة لكن بصراحة لما بقولهم الصوت.. بيوطوا صوتهم اه بس بفضل سامعاهم وبيضايقوا مني فاحيانا بسكت عشان مايتضابقوش.
تاني حاجة النضافة.. مهتمين بنفسهم لكن اي حاجة تانية لأ وزبالة الحمام وزبالة المطبخ بيخلوها لغاية أما ريحتها تطلع وانا عندي حساسية فحرفيا لما بشم ريحة وحشة أو برفان نفاذ دماغي بتوجعني فبطلب منهم بكل لطف يشيلوها فبيتقمصوا برده.
والحقيقة ماكنتش عايزة اتكلم في الموضوع دا وماكنتش عايزة اعيب فيهم لكن هم عشان اتنين فأنا مش فارقة معاهم اللي هو اتفلقي وهنعمل اللي على مزاجنا فبقول لماما قالت لي استحمليهم وهو تيرم وهاتخرج إن شاء الله لإنك مش هتلاقي سكن تاني دلوقتي،
دا غير كمان أن أنا اللي بسلم عليهم صباح الخير وكدا ولو ماسلمتش زي قلت لكم مش فارقة معاهم مع اني ولا مرة احتجتهم الحمد لله.
فانتوا رأيكوا ايه؟ اسمع كلام ماما مع انهم تاعبني نفسيا؟ ولا اكلمهم أن دا ماينفعش وكدا ولو رفضوا اكلم صاحبة السكن؟
بصى كلمى المشرفه او صاحبة السكن تيجى تشرف على النضافه و قولي لها الى بيحصل بس الكلام يبقى بينك وبينها ومتقولش زميلتكم اشتكت علشان مش يزعلوا منك ،او ممكن تكلمى المشرفه تقولي لها لو فى مكان تانى فى السكن وشقه تكون هاديه قبل الترم التانى
تم النشر الثلاثاء، ٢١ يناير ٢٠٢٥
الحل اللي قالته الام مش اصح شئ واجب عليكي البحث بجديه عن مكان اخر لان ببساطه الباقي ده مش قليل برضو دول 4شهور او اكتر في وضع زي ده حرام .. موضوع النظافه ممكن يعالج بكذا طريقه ولكن مش هتكلم عنه اصلا طيب الابتعاد عن تلك الفتيات يكون لامر المعاصي التي يرتكبوها في حق انفسهم وحق اهليهم "إذا كان ليهم اهل يعني" واجب عليكي الهجر والابتعاد فورا ..يقول ابن تيميه رضي الله عنه من عرف عنه ترك الواجبات وارتكاب المحرمات جاز هجره تعزيرا له حتي يرجع عن ماهو عليه ومصداقا لقول الله تعالي " ولا تركنوا إلى الذين ظلموا فتمسكم النار ومالكم من دون الله من أولياء ثم لا تنصرون " فيا اختي الكريمه انجي بدينك وخلقك ولا تعاشري اصحاب المعاصي والعياذ بالله ان اردتي ان يبارك الله لكي في دراستك ويكلل مجهودك بنجاحا يقر عينك ابتعدي عن المعاصي واصحابها ولا تبقي في هذا المكان دقيقه واحد طالما يوجد غيره ونصيحتي لكي اختيار الرفيق قبل الطريق وتحري مرافقه الفتيات بحرص فانهن يفسدن بعضهم بعضا بسهوله شديد نحسبك علي خير ونسال الله لكي التوفيق والسداد وطالما نيتك صالحه وتريدي هجر الفاسدين المفسدين ثقي ان الله لن يخذلك ويوفقك في هذا الامر سريعا ويرزقك بصحبه الطيبين الاخيار ان شاء الله . نسال الله لكي التوفيق
تم النشر الثلاثاء، ٢١ يناير ٢٠٢٥
أختي العزيزة، أفهم تمامًا مشاعرك وصعوبتك في التعامل مع زملائك في السكن. من الواضح أنك تبذلين جهدًا كبيرًا للتكيف مع الوضع وتحافظين على حدودك الشخصية، وهذا أمر يستحق التقدير. بداية، من المهم التواصل بشكل فعال مع زميلاتك. يمكنك محاولة تحديد وقت مناسب لمناقشة هذه الأمور بطريقة هادئة وصريحة. اشرحي لهن كيف يؤثر الضجيج والنظافة على راحتك وصحتك، واطلبي منهن التعاون في تحسين الوضع. التركيز على الجوانب الإيجابية في العلاقة قد يساعد في تخفيف أي توترات قائمة. فيما يتعلق بالنظافة، تأكدي من التعبير عن أهمية ذلك لكل سكان السكن، وأنه يجب التعامل مع المساحات المشتركة بأمانة واحترام. يمكنك اقتراح نظام للدوريات في التنظيف، بحيث يشعر الجميع بالمشاركة في خلق بيئة مريحة. إذا لم تجدي استجابة من جانبهن، يمكنك التفكير في اللجوء إلى مالكة السكن لإيجاد حل مناسب. تذكري أن الحفاظ على صحتك النفسية والجسدية أمر أساسي، ويجب ألا تتجاهليه. في النهاية، سعيك للحفاظ على الود والاحترام أثناء الحديث هو مفتاح النجاح. وأسأل الله أن يوفقك ويحقق لك الراحة والتفاهم.
تم النشر الثلاثاء، ٢١ يناير ٢٠٢٥
بص انا لو مكانك هكلم اي واحدة تكون شبهم تغير مع الغرفة تبدلي معاها لو ملقتيش يبقا امشي بنصيحة ماما اصبري شويه
تم النشر الثلاثاء، ٢١ يناير ٢٠٢٥
حاولي تستحملي فاضل تكه
تم النشر الثلاثاء، ٢١ يناير ٢٠٢٥
والا بلغي صاحب السكن
تم النشر الثلاثاء، ٢١ يناير ٢٠٢٥
اه كلميهم لو اتضايقوا او امتعضوا انصحيهم عادي
تم النشر الثلاثاء، ٢١ يناير ٢٠٢٥
حاولي تكلميهم بأسلوب كويس الأول
تم النشر الثلاثاء، ٢١ يناير ٢٠٢٥
كلام ماما أوجب لو حاولت معاهم كأنك بتكلمي الجدار فاصبري
تم النشر الثلاثاء، ٢١ يناير ٢٠٢٥
لعرض السؤال في فدني اضغط هنا