انا وصغير اتعرضت للاعتداء الجنسي من اقاربي ومن هنا حياتي قلبت جحيم بقا كبوسي، وانا الوحيد الي بميول شاذة والوحيد الي حياته ادمرت انا كنت اشبه بالعروسة اللعبة الي كانو بيفضوا فيها شهوتهم ويرموها، هما الي عرفوني علي الفيديوهات الإباحية لحد الان الفيديو فاكره ويكأنه قدامي علي رغم اني كنت لسه صغير مكنوش بيكتفوا باغتصابي بل لما مكنتش بسمع كلامهم كانوا بيهددوني انهم هيقولوا لامي، مكنوش بيخافوا ورغم كل ده الا انهم اكتر الناس المحبوبه في العائلة، اول واحد بطل يعتدي عليا اول لما قرر انه هيتجوز خلاص (كنت ساعته صغير ومش فاهم ولا عارف ان كل ده هيحصل كنت بتمنا اني اكون واعي ومدرك للامر وافضحة قبل ما يتجوز علشان يعيش فنفس الجحيم الي انا عايش فيه) حاليا هو مخلف وعايش حياة سعيدة واخوه بيجهز نفسه والتاني فرحة قريب بعد كام يوم جوايا كمية غيظ تجاهم نفسي اعيشهم في خوف ورعب نفس ما كانوا بيعيشوني نفسي ام..وتهم بس قبلها اعذ..بهم بأبشع الطرق ،عارف اني جبان بس ده ممكن يكون الحل الامثل علشان الغليل الجوايا يهدى شوية، كما ذكرت ان واحد منهم فرحة كمان كام يوم، عايز ابوظ الفرح وافضحة ومش مهم الي هيحصلي عايز افضحه قدام الناس وادمرلهم حياتهم عايز اهدده واخليه يعيش فرعب يترجاني اني اسكت
عندي لك نصيحتين ١. اقطع صلتك بأقاربك هؤلاء تماما، وهذا حقك وهذا شرع الله مادام رؤيتهم وصلتك بهم تؤذيك فدفع الضرر مقدم علي كل شيئ. اقطع اخبارهم من حياتك تماما علشان توقف الإستفزاز اللي انت بتتعرضله. ٢. ارجوك روح لطبيب نفسي، ودا برضو حقك ومش عيب فيك، كان احد الاطباء النفسيين بيقول ان معظم الناس اللي بتروح للطبيب النفسي هم ضحايا المرضي الحقيقيين. وللأسف معظم الناس اللي هنا مش مؤهلين يحلو مشكلتك، وانا انصحك انك توكل الموضوع لأهله، روح لمركز تأهيل نفسي او لدكتور شاطر وسيبك من اي حاجه تانيه. الطبيب النفسي هو اللي هيدلك تاخد حقك منهم ازاي.
تم النشر الأربعاء، ١٩ يوليو ٢٠٢٣
في البداية بعتذرلك عن بشاعة العالم معاك. هتكلم معاك في كام نقطه لان اللي هتعملة عظيم وعند الله كبير طب هنقولي ازاي واللي هما عملوة مش غلط كبير هقولك كبير ولاكن ان تفضح ما سترة الله مُصيبة، وبعدين تعااي نتخيل ان انت عملت كدا انت مش كسبان حاجه غير نشوة مؤقته انك اخدت حقك بس انت في الحقيقة دا هيختفي وهتلاقي نفسك انت من تعرض للفضح فانت من طٌبق عليه الفعل ( واسف عاي الكلمه ) ف شكلك انت هيكون أكثر سوءا منهم والمواضيع اللي زي دي بتنتشر بسرعه جدا هتمنعك من الحياة وقد تسلبك حياتك. فاللي هتعملة كالتالي: أوَّلًا: عليكَ بالاجتهاد في تناسي هذا الأمر، والاستعانة بالله -عز وجل- في ذلك، خاصة وأنه قد حدث معك وانت في الصغر، وأنه ليس إثم عليك في ذلك. وعليك أن لا تترك بابا للشيطان يذكرك بهذا الأمر؛ ليدخل عليك الهموم والأحزان، فإن ذلك مما يُفرح الشيطان، فلتعمل انت على إغاظته بطرد هذه الهواجس والخواطر. وإذا كان هؤلاء الأقرباء الذين تتأذى برؤيتهم من ذوي رحمه؛ فلا يجوز لك قطيعتهم، فقطيعة الرحم محرمة، ولكن يجوز لك أن تبتعد عنهم من الوجه الذي يصيبك منه الأذى، وتصلهم بوسائل الصلة الأخرى، فكل ما يعد عرفا صلة، فهو صلة. وللتوضيح كنت قرأت شىء للإمام النووي : وأما صلة الرحم: فهي الإحسان إلى الأقارب على حسب حال الواصل والموصول، فتارة تكون بالمال، وتارة بالخدمة، وتارة بالزيارة، والسلام، وغير ذلك وافكرك ان كل بلاء يصيب المؤمن فإن فيه كفارة للسيئات، ورفعة للدرجات. عن أبي هريرة -رضي الله عنهما-:عن النبي -صلى الله عليه وسلم- قال: ما يصيب المسلم من نصب، ولا وصب، ولا همٍّ، ولا حزن، ولا أذى، ولا غمٍّ، حتى الشوكة يشاكها، إلا كفر الله بها من خطاياه. انا اعلم ان حدوث هذا الأمر من اقاربائك مؤلم ولا والاشد ايلاما كونك لا تستطيع محاسبتة علي سوء فعلتهم. ولاكن الله يا صديقي سيقتص لك في الدنيا قبل الآخر وسترى ذلك بأم عينيك لذا هدى من روعك ولا تتهور فانت مظلوم والله سينصرك علي من ظلمك فلا تقلق ولا تحمل هم ذلك.
تم النشر الأربعاء، ١٩ يوليو ٢٠٢٣
انا متفهمة جدا مشاعرك والغضب اللي جواك لكن اعرف ان انتقامك الوحيد هو إنك تشتغل علي نفسك وتتعافي وتحاول تبدأ من جديد واهم حاجه العلاج النفسي الانتقام منهم هيخلي الدايره تكبر وهيحولك لشخص سئ جدا انت محتاج تنقذ نفسك لأن للأسف محدش هيصدقك وانك تعالج الغلط بغلط أكبر ده مش صح لازم تروح لمختص نفسي ما تتكسفش ولو حابب اساعدك انا مستعدة جدا
تم النشر الجمعة، ٢١ يوليو ٢٠٢٣
في الحقيقة لازم تروح لاخصائي نفسي علشان نفسك مش علشان حد .. اللي انت تعرضت له وانت صغير وتقريبا كنت منزل البوست ده قبل كده برضه، واتمنى تكون روحت لاخصائي علشان تتعافي من اللي حصلك. بس اللي انت هتعمله ده مش صح، دول ناس مريضة .. حقيقي ناس مريضة وانت للاسف كنت الضحية، بس مش لازم تبقى في نفس الدور دايما، لازم تشوف حياتك انت كمان، مينفعش تفضل في نفس الدايرة ديه علطول. اللي انت عايز تعمله للاسف مش هيساعدك .. اللي هيساعدك انك انت اللي هتكون كويس ونفسيتك كويسة وممكن بعد مرور بعض الوقت تتقبل اللي حصل، وتعرف انها مكانتش غلطتك، وتعرف برضه انهم ناس مرضى.
تم النشر الأربعاء، ١٩ يوليو ٢٠٢٣
بقولك ايه انا معاك و متفهم قد ايه قدرت حاولت تمسك اعصابك و حجم التوتر و الغيظ و كل شعور مش ممكن يتوصف كان في قلبك و انت بتحاول تكتب البوست ده ، عن اللي حصلك انت مش لوحدك حصل معاه شيء زي ده فخليني معاك في اللي انت بتفكر فيه .. يلا الاول نروح لدكتور نفسي نتعالج بس ازاي .. الدكتور النفسي مش ساحر ميقدرش يغير اللي في القلوب ربنا وحده يقدر بس هو يقدر يغير اللي في عقلك الي حد ما و يقنعك برضه الي حد ما انك مش تسامح لكن تنسي ، بس عموما خطوة الدكتور دي متروكة ليك ، يلا بقي نحضر سيناريو انتقامك الجبار .. بتفكر في ايه .. - تعمل في عيال اخوك زي ما عمل فيك فكرة مش كده بس خد بالك لو عملت كده مش هتبقي احسن منه بكن هتبقي اوسخ و ساعتها محدش هيصدقك لو قولت كنت باخد حقي - تقول لمراته و اهلها و تدمر حياته .. فكرة برضه بس خد بالك في احتمالين متصدقكش لانك معندكش دليل او علشان باقية علي جوزها و خايفة علي عيالها من خراب البيت و ساعتها هتبقي خليت حياتها جحيم بدون ما تقصد بسبب اللي هيحصلها بعد كده و الاحتمال التاني انها تصدقك و تطلع شخصية قوية و مسيطرة و تاخد موقف و تروح تخرب البيت و يبقي ذنب العيال دي في رقبتك و كمان احتمال اخوك اللي كان تاب و عمل اسرة يرجع تاني و الله العالم هيعمل ايه تاتي .. - إحتمال مجنون بقي .. انت تعمل فيديو و تنشره و تحكي فيه كل حاجه و تبقي دمرت العيلة بتاعتك بالكامل و دمرت نفسك يلا عليا و علي أعدائي شمشون الجبار .. و الفيديوهات تبقي تريند و توصل وزارة الداخلية و تبقي حكايتك علي كل لسان في بلد القيل و القال بالعربي تعمل من نفسك فضيحة الموسم و كل موسم .. عين العقل مش كده الاستنتاج العام و حل المشكلة : 1- صعب و مستحيل تقريبا تقدر تنتقم منهم بدون ما تدمر نفسك . 2- اختيار انك تنسي و تبدء من جديد بعيد عنهم في ايدك . 3- حاليا انت ليك الأفضلية عند ربنا لو االي حكيته حقيقي فحافظ علي انك مظلوم و بلاش تتحول لظالم . 4- اختيار انك تشوف افلام اباحية ده مجرد اختيار بايدك انت مالوش اي علاقة باللي عملوه معاك تقدر تبطل بمنتهي البساطة لما تخلي عندك ايمان حقيقي بربنا هتتجنب تعصاه خصوصا و هو شيفك هو و عدد من الملائكة موكلين بحفظك طول الوقت و دول غير اللي بيكتبوا اعمالك . يعني تبقي قاعد وسط دول و ربنا شايفك و تتفرج برضه علي بنات رخيصة بتشتغل في مهنة اخر قذارة ينفع . هتستفيد ايه .. بتحول نفسك لوحش زي اخواتك ..؟؟ طب ليه. 5- في ايدك برصه تقول لامك لو لسه عايشة و تخليها تموت بحسرتها غضبانة عليهم ساعتها مش هيشموا ريحة الجنة ، و تقدر متقولهاش برضه و هو غضبها عليهم ييجي ايه جنب غصب ربنا عز و جل .. فيه مقولة بنقولها بتقول كما تدين تدان .. الدنيا دوارة ، أنسي و سيبهم لربنا . الماضي و الذكريات و الاحداث اللي حصلت بتبقي زي الحجارة حلو .. احنا بقي اللي بنقرر نشيل الحجارة دي في قلبنا لحد اما تجيبنا الأرض و احنا اللي بنقرر نرميها و نكمل .. القرار في ايدك ..
تم النشر الأربعاء، ١٩ يوليو ٢٠٢٣
بص يا عمي انا مقدر اللي انت فيه بس ده شطان والله زي ما دخل ما بينكم زمان وعملوا معاك الحاجات الزباله دي برضو هو عايز يدخل ما بينكم تاني علشان تبوظ الفرح بص يا عمي انت اللي هتخسر مش هم واحد انت بتقول اتجوز ومخلف والتاني هيتجوز فانت لو عملت كده هتفضح نفسك علي الفاضي بعد ما ربنا ستر عليك فبلاش تعمل كده وانشاء الله هتتجوز وهتنسي كل حاجه وحشه ومتخفش انت كويس ومش شاذ علشان ده كان غصب عنك زي ما قولت وحاول انك تتوب الي ربنا وانشاء الله ربنا يصلح حالك اخوك في الله وصلي على النبي
تم النشر الخميس، ٢٠ يوليو ٢٠٢٣
انا فعلا بعتذرلك عن كل دا، وفاهمه حرقتك ورغبتك في الانتقام، لاكن حتى مفيش خطة واضحة للانتقام مش هتعرف للاسف وحتى لو فضحتهم انت هتتضر فلو عرفت تنتقم منهم بشكل ميضركش اعمل كدا بس عقبال ما تتخطط، روح لدكتور نفسي عشانك مش عشان حد واه الدكتور مش هيرجعلك شرفك ولا سنين عمرك الي ضاعت ولا فطرتك الي اتشوهت ولا هيخليك تنسى، لاكنه هيحاول ينقذ ما يمكن إنقاذه هيحاول يرجع البوصلة ويخلي ميولك ترجع طبيعية، هيعالج الجروح الي عندك ويخفي الندوب هتكون احسن صدقني لو روحت لدكتور، وحاول على قد ما تقدر تقرب من ربنا وتدعي طول الوقت أن ربنا ينتقم منهم وانك تشوف حقك بعينك وان حقك يرجعلك من غير ما تضر نفسك ربنا اسمه المنتقم مستحيل يسيب حقك هما بس سايبهم يفسدو اكتر عشان ورصيد الستر بتاعهم يخلص عشان يفضحهم وينتقم منهم انتقام عزيز مقتدر بإذن الله، وطبعا طبعا حاول تقطع معاهم اي تواصل نهائي، صدقني هتكون احسن لو روحت لدكتور وقربت من ربنا، انا واثقة أن ربنا مش هيسيبك، عارف شعور الغل والحقد الي انت حاسه عظيم اوي بس عارف لو قتلتهم حتى مش هيتشفي وحتى لو هتكون ضيعت حقك، فادعي ربنا بثقة اهم حاجة في الدعاء هي ثقتك أن ربنا سامعك وهيستجيب ربنا بيقول ادعون استجب لكم، متقلقش ربنا مطلع على قلبك وعارف الي فيك... شفاك الله وعفاك وجبر قلبك وربت على قلبك حتى تستكين وتهدأ آمين يارب.
تم النشر الأربعاء، ١٩ يوليو ٢٠٢٣
ثانيا اقطع علاقتك بيهم نهائيا ... أو على الأقل تجاهلهم .. كدا كدا حقك هتاخدة .. وعلى فكرة محدش عمل الفعل ده وبيعيش سعيد في حياته الزوجية لأن الموضوع بالنسباله مبيكونش مشبع ذي الشذوذ.. كمان حقك هتاخدة من الله عز وجل ... أستعين بالله ولا تعجز
تم النشر الأربعاء، ١٩ يوليو ٢٠٢٣
لا سيبهم ومتعملش اى حاجة وابعد عنهم بس متقطعش علاقتك خالص بيهم عشان صلة الرحم ف انت إسأل عليهم بس وسيبهم وربك اسمه الديان ربك مش بيسيب حق حد حقك راجع يوم القيامة وحسانات فى ميزانك وربك هيحسسهم باللى انت حسيت بيه من دمار وخراب مش انتقاما لا عدلا ربك الملك الديان العدل
تم النشر الأربعاء، ١٩ يوليو ٢٠٢٣
اعتقد انك لازم تروح لدكتور نفسي ... ده اولا
تم النشر الأربعاء، ١٩ يوليو ٢٠٢٣
لازم دكتور نفسي عشان تقدر تعيش وتعالج الي حصلك +لو فضحتهم محدش هيسكت احنا عايشين فمجتمع مريض وهيقولو كلام عليك وحش ومش هتعرف تعيش حياتك انت تروح لدكتور نفسي تقطع علاقتك معاهم وتبتدي تفكر فإن مستقبلا يبقى ليك زوجه وأولاد وتبقى مبسوط وتقنع عقلك الباطني ان كل دا مش هيأثر عليك انت دلوقتي ضعيف ابعد عنهم وروح اتعالج وخليك أقوى منهم وتعالي بعدين خد حقك بلعقل ربنا معاك ان شاءالله وعمره ميظلم جد أسعى انت بس وهو هيسعي معاك فتصليح حالك +لو انت شايف ان في نفسك تبوظ حياتهم لو قربت من ربنا هيشيل من قلبك الهم دا ومش يخليهم فبالك اصلا وكما تدين تدان هتتردلهم ربنا اسمه العدل انت بس ركز مع نفسك متخليش غيظك منهم ينسيك نفسك
تم النشر الأربعاء، ١٩ يوليو ٢٠٢٣
لعرض السؤال في فدني اضغط هنا