السلام عليكم ورحمه الله.
انا بنت وعندي ٢٤ سنه و طول حياتي متعقده من مشكله الجسم جسمي مليان اووي جسمي دايما اكبر من الناس اللي في سني دايما طول ما نا ماشيه في الشارع بتجرح من كلام الناس اللي يقولي يا ماما واللي يقولي يا حجه واللي يقولي يا مدام واللي يقولي يا طنط واللي يقولي بطلي محشي شويه المهم اني عمري متقبلت شكل جسمي مع اني والحمد لله كامله مفيش حاجه فيه ناقصه بس دايما حسه باي حاجه ناقصه الحمد لله على كل شيء انا مش بصلي ومخنقوه اووي من اني مش بصلي بس أن باجي اصلي بحس الصلاه دي تقيله اوووي انا عارفه أهمية الصلاه وعارفه أنه الصله بين العبد والرب بس مش عارفه اصلي انا انسه اخواتي اتجوزه والحمد لله بس انا حياه اني مش هتجوز خالص مش عارفه اي اللي وصلني الاحساس دا بس حساه بكده انا عمري ما كلمت ولد او حبيت حد كانت ماما دايما تقول عيب عيب لغاية مبقيت اخاف اكلم ولد بتوتر ودائما بحس أنه عمره ما هيشوفني حلوه انا مختمره دايما ماما بتبصلي اني مكبره نفسي عشان انا جسمي مليان ولبسه خمار وكمان سمره انا بقيت وحشه اووي وبقيت بتفرج علي افلام اباحيه ومش عارفه ابطل ومخنوقه اوووي نفسي ابطل انا كل شوية اتوب واحاول مرجعش بس مش عارفه ليا
اهلا بيكي يا قمر سؤالك ده يوحى انها البداية (ألا وهي بداية التغيير) إن شاء الله لكن نبدأ واحدة واحدة ... اولا الوزن: خسي علشان نفسك اولا .. مش علشان حد، انتي لسه صغيرة على ان يجي ليكي امراض كتير بسبب السمنة. ف ليه تعملي كده في نفسك! هقولك على دكتورة هي اونلاين ولكن ممتازة .. هتفرق معايك على مستويات كتير جدا .. هتفهمي طبيعة جسمك نفسه .. مش مجرد اوامر دكاترة وروشتة وجدول دايت. حياتك هتتحول حرفيا لو تابعتي معاها. https://www.youtube.com/@DrWaadAminFitnessNutritionist ده لينك القناة بتاعتها على اليوتيوب .. ولو عايزة تتابعي معاها في جروب يبقى على ابليشكن ولينس https://play.google.com/store/apps/details?id=com.welnes وده اللينك. ولينس كمان بيبقى فيه مدرب رياضة، وكمان دكتورة نفسية، بالاضافة لدكتورة وعد طبعا. ف طبعا مفيد من نواحي كتيرة جدا. وده لينك صفحة د. وعد لو حابه تتابعيها https://www.facebook.com/DrWaadAmin?mibextid=ZbWKwL كده خلصنا جزء الدايت ... ندخل على جزء الثقة بالنفس في رحلتلك في جزء التخسيس .. كده كده ثقتك في نفسك هتزيد .. بالتغيير اللي هيحصلك . ولكن مع كل الرحلة اللي انتي هتمشيها ديه انتي محتاجة منهج تؤمني بيه وتمشي عليه. الا وهي الافكار اللي بتؤمني بيها ... الافكار هي العامل الاكبر ف انك معندكيش ثقة في نقسك، ف انك منجرفة ورا كل كلمة بتسمعيها وبتأثر عليكي. اهتمي ف انك تقرأي في كتب تنمية الذات ... لانها هتفهمك كتير عن نفسك .. زي كتب ( د. محمد طه) اهتمامك بنفسك هيفرق ف ي زيادة ثقتك في نفسك .. ديه نقطة مهمة جدا جدا. ركزي ع كل فكرة بتدل دماغك وابدأي ب انك تحليلها قبل ما تدخل جواكي. اكتبي كل اللي بيحصل في يومك. هيفرق معاكي جدا. أما بالنسبة للإباحية أول ما تجيلك افكار ف انك تشوفي اي افلام .. قومي اعملي اي حاجة، اقعدي مع مامتك مثلا، قومي كلمي اي حد، اتفرجي على فيلم كوميدي مثلا ... المهم متسبيش دماغك لنفسك. بالنسبة للصلاة ابدأي رجعي نيتك في الصلاة .. انتي بتصلي ليه وعشان مين.. رجعي طقوسك القديمة .. لو مثلا كنتي بتصلي الفجر ابدأي اعملي كده .. لو متعودة ع حاجة معينة كنتي بتعمليها رجعيها تاني .. اشتكي وارمي حمولك كلها ع ربنا .. اتكلمي معاه .. ده من اكتر الحاجات اللي هتجبلك راحة كبيرة جدا. واكتر حاجاة هتساعدك وهترشدك. اتمنى ليكي كل التوفيق
تم النشر الجمعة، ٢٥ نوفمبر ٢٠٢٢
بنضحك على نفسنا نشاور على الحاجة ونرجع نعكسها فى الجملة اللى بعدها. نقول احنا وحشين وبعدين نقول لا بس حلوين بردوا. نفضل بقي قى حيرة ونلف فى دايرة مفرغة. كلنا بنعمل كده لما نبقي مكسوفين نقول لا للوضع الحالى او لنفسنا ونحملها الغاط. سنك لسه صغيرر وهتتعلمى اكتر واكتر فى الحياة....بس عشان تتعلمى لازم تبدأى تبذلى مجهود . اى حاجة عشان نشوف ليها نتيجة مختلفة يبقي لازم محهودنا فيها يختلف. عاوزة تشوفى جسمك بشكل مختلف وتبقي راضية عنه .....ابذلى مجهود فى رياضة فى الجيم او البيت على حسب امكانياتك. ( فى تمرين اسمه blank ممكن ده بس تلتزمى بيه وتبدأى تشوفى اختلاف ) عاوزة صلتك بربنا تختلف...ابذلى مجهود اكبر فى انك تصلى حتى لو حاسه بتقل حتى لو مخنوقه ..حتى لو مره ف اليوم. عاوزة تحسي انك افضل وتبطلى توتر ...بطلى تهربي وتتفرجى على حاجات تشبعك بحاجات مزيفة لا تسمن ولا تغنى من جوع ..وقولى لنفسك لا وجاهديها حتى لو مليون مره حتى لو وقعتى وقومتى الف مليون مرة. استمرى فى المجهود ناحية التغيير ...وكفاية استمرار فى اتجاة الحاجات اللى مزعلاكى من نفسك دى كلها. انتى جميلة وجواكى جميل ومتأكده ان بره جميل ..السمار فعلا واحد من اشكال الجمال الكتير اللى خلقة ربنا....سؤالك ورفضك للغلط بيأكد جمالك. يارب تفرحينا وتقولى انك بدأتى المجهود والتغيير.
تم النشر الأحد، ٢٧ نوفمبر ٢٠٢٢
انا هقولك على حاجة ربنا سبحانه و تعالى قال ( انا خلقنا الانسان في احسن تقويم) ده معناه أن ربنا خلق الانسان في احسن صورة بس برضو الجسم أمانة من ربنا لازم نحافظ عليها فالمفروض أن انتي تبتدي رجيم و رياضة ..اشتركي في جيم أو اي حاجة بس خليكي فاكرة الحكمة دي (بص لنفسك في المراية،طول كانت راضي عن شكلك،الناس كلها هتبصلك بإعجاب ) ربنا معاكي🤍
تم النشر الأحد، ٢٧ نوفمبر ٢٠٢٢
انتي معاكي كذا مشكله نحلها واحده واحده اولا لو شكلك مضايقك انتي شخصيا مارسي الرياضة ونظمي اكل ووحباتك وروحي جيم علشان صحتك حتي تكون قوية ولازم تكوني عندك ثقة بنفسك مهما اتقال متتهزيش أما مشكلة الزواج فممكن تكوني بتسمعي كتير مشاكل أثرت فيكي لازم تثقي أن ده نصيب وربنا مألف القلوب ادعي بالزو جالصالح وسيبيها لله أما فكره مبتصليش فده سبب خنقتك لازم تصلي ابدئي بالفروض وواحده النوافل قربي من ربنا وادعيه كتير وشوفي حد مقرب منك يدعمك ويساعدك أما الافلام الاباحيه فده طبيعي لان عندك وقت فراغ كبير وإحباط نظمي وقتك واهتمي بالي قلتلك عليه فوق تلقائيا هتبطلي الافلام دي من باب حب الله مش الخوف منه كمان وربنا يعافيكي يارب
تم النشر الجمعة، ٢٥ نوفمبر ٢٠٢٢
للأسف الأفلام الاباحيه هتديكي فكرة مسمومه وفاسدة عن العلاقه الجنسيه لأنها مبنيه علي فكر غربي فاسد ملوش علاقه بي الإنسانيه والفطرة السليمه ارجوكي حبي نفسك ربنا خلقك في أحسن تكوين ورزقك افضل شيء وميزك عن جميع المخلوقات
تم النشر الأحد، ٢٧ نوفمبر ٢٠٢٢
حبيبتي ربنا مخلقش فيكي اي حاجه وحشه او عيب او غلط ربنا ميزك بي انوثه ولو غيرك مش فاهم ده مش مشكله حبيتي تخسي عشان صحه قلبك وعشان حياتك تكون اسرع وأسهل ده شيء جميل وجود شهوة جواكي شيء طبيعي ومتوقع في سنك ولاكن احنا مأمورين بي السيطرة عليها والتحكم فيها عشان منفسدش حياتنا والمجتمع
تم النشر الأحد، ٢٧ نوفمبر ٢٠٢٢
لازم تكونى قويه وعندك عزيمه انت لسه صغيره ...بلاش الخمار خليه حجاب عادى بطرحه شيك ولازم تخسى شويه واشتركى ف الجيم اهتمى بنفسك ..الرياضه هتخليكى واثقه من نفسك وهتبعدك عن الافلام الاباحيه ...وهتجوزى ان شاء الله ...وكملى دراسات عليا لو تحبى ..لازم تغيرى نمط حياتك وكمان تحافظى على الصلاه ...
تم النشر الجمعة، ٢٥ نوفمبر ٢٠٢٢
الجواز نصيب متستعجليش ابني لنفسك حياه تشتغلي اقراءي طوري نفسك عشان تلاقي... بالنسبه ل السمر وكده عموما الجمال نسبي ومش بالالوان
تم النشر الثلاثاء، ٢٩ نوفمبر ٢٠٢٢
الا صلاتك حاولي وقاومي نفسك لانك نفسك هي أول عدو ليكي اهربي من الناس والمشاكل بالصلاه روحي لربنا صدقيني هيجبرك
تم النشر الثلاثاء، ٢٩ نوفمبر ٢٠٢٢
لو مشكلتك مع جسمك انك مليانه شويه بسيطه انزلي چيم لو مش قادره تابعي اي قناه ع يوتيوب أو نزلي اي برنامج وحطي لنفسك سستم ولازم تلتزمي بيه ع فكره كلنا عندنا مشاكل مع جسمنا بس باختلاف المشاكل دي حاليا انا جسمي خاسس جدا بس بدأت والحمدلله النتائج ملموسه
تم النشر الثلاثاء، ٢٩ نوفمبر ٢٠٢٢
اولا محدش هيحبك غير لما تحبي نفسك وع فكره ده حقها نفسك دي لازم تحبيها وتتقبليها عشان المجتمع يحبك ويقبلك
تم النشر الثلاثاء، ٢٩ نوفمبر ٢٠٢٢
تعالي نتكلم مع بعض بصوت عالي وفكره انك تنزلي مشكلتك ده ف حد ذاته بدايه حل المشكله
تم النشر الثلاثاء، ٢٩ نوفمبر ٢٠٢٢
وانتي شوفي الجمال الي جواك وبراه وعلفكره انا بحب السمر اوي 💘💘💘
تم النشر الثلاثاء، ٢٩ نوفمبر ٢٠٢٢
في بلوجر مشهوره دالا المهندس زمان كان جسمها مليان وكان بيتريق عليها صحابها ف الجامعه لعبت جيم وخسست نفسها وكانت شخصيتها انطوأئيه ومش بتعرف تتعامل مع الناس وفي يوم كانت بتمثل مصر كانت ملكه جمال مصر متخيله وبقت مذيعه وكسرت خوفهاشافت حياتها ومستقبلها الحياه اختيار شوفي انتي كمان عايزه حياتك تتغير ازاي
تم النشر الثلاثاء، ٢٩ نوفمبر ٢٠٢٢
حبي نفسك اكتر هي تستاهل ده العبي جيم حاجه ممتعه جدا بجد وخلي عندك إرادة هتحسي انك راحه كل يوم عشان توصلي لي الشكل الي بتتمنيه وتبقي راضيه عن نفسك وتفرحيها حاولي عشانه مره مش هتندمي صدقيني هترجعي كسبانه اوي ارمي كلام الناس وراء ضهرك شوفي انتي عايزه اي وبتتمني اي الفتره الجايه
تم النشر الثلاثاء، ٢٩ نوفمبر ٢٠٢٢
إن الله لا يمل حتي تمل كتري الطاعه كل ماتقعي قومي اشغلي يومك خدي خطوات حبي وزنك
تم النشر الخميس، ٢٤ نوفمبر ٢٠٢٢
خلي كلامك ليكي إيجابي العبي رياضه متختصركيش في كلام الناس قوي ثقتك فيكي سبحي ادعي الطاعه طرق كتيراكلي القطط اسقي الزرع
تم النشر الخميس، ٢٤ نوفمبر ٢٠٢٢
تعالي تخللهم مشكلة مشكلة الاباحية واعي وش السمار له جمال ساحر
تم النشر الخميس، ٢٤ نوفمبر ٢٠٢٢
مش حابه نفسك لي
تم النشر الخميس، ٢٤ نوفمبر ٢٠٢٢
لعرض السؤال في فدني اضغط هنا