يعني لي افضل اسمع سلبيات من اهلي دايما وإني قد ايه وحشه وفشله ومريضه نفسية هما متوقعين مني ايه اصلا سعتها متوقعين مني ابقي احسن يعني ولي انا افضل استحمل المشكلة اني مش بيبقي عندي حل غير اني اسمع واسكت عشان حتي لو رديت مش هستفاد حاجه غير تعب نفسي انا في الاخر وهتفضل الوحش القليل الادب المريض وهما بيبقوا شايفينك اوحش واحد في دنيا وفي نفس الوقت. لما تيجي تتكلم معاهم يطلعوك غلطان وانك مش عارف مصلحتك وانت تفضل تكتم في نفسك وتتعب طب لغيط امته هتفضل عايش كده يعني البيئة السلبية الا عيشوك فيها ومستنين منك تطلع انسان كويس لا تأكدي هتطلع اوحش حد في الدنيا وهتعمل اي حاجه من وراهم حتي لو غلط بس كان فيه حل اصلا ولا احنا الا بنعمل الغلط بسببهم ونأذي نفسنا اكتر معاهم
احيانا كتير في فترة من الفترات وخاصةً المراهقة بتكون المشاكل من النوعية ديه ما بين الاهل والابناء. كل واحد فيهم الحقيقة بيكون شايف نفسه صح .. ولكن مين الصح ؟ طبعا اوقات بيكون الاهل عندهم حق، والابناء هما اللي عندهم عند. واوقات الابناء بيكونوا عندهم حق، والاهل هما اللي مش مستوعبين ده. حاولي يكون عندك مقياس لكلامك والمقياس ده لازم يكون منطقي. يعني اوزني كلامك على الحلال والحرام لو فيه مشكلة ما بينكم. متخليش ديما الاسلوب حاد في كلامك معاهم. الدنيا مش مستاهلة خلاص انه يكون فيه غضب او حدة معينه ف كلامكم مع بعض. كل شئ ممكن يتحل لو كان النقاش هادئ وعاقل.
تم النشر الأحد، ٢٨ أبريل ٢٠٢٤
طالما بلغتى وادراكك بقى كامل يبقى قدامك الاختيار تبقى كويسة ولاا وحشة ...بغض النظر عن اهلك يقصدوا اللى بيعملوه ولا لا فاهمين ولا مش فاهمين كانوا صح او غلط ...فانتى دلوقتى تقدرى تبحثى عن الصح والغلط لوحدك وتتاكدى وتختارى هتمشى ورا الصح ولا ورا الغلط
تم النشر الأحد، ٢٨ أبريل ٢٠٢٤
في اهل كدا بيبقو ديما فاهمين ان الطريقة دى هى الصح ومبيبقوش عارفين يعبرو عن مشاعرهم ويتعاملو صح هما اتربو على كدا وبيطبقو الطريقة اللى اتربو عليها وانتى خدى الموضوع دا على انه دافع ليكي انك تتغيري للاحسن هما شايفين انك كويسة والله بس مش بيعرفو يقولو كدا هما تفكيرهم انهم لازم يقولولك انك مش كويسة عشان تتحسنى اكتر هما فاهمين كدا مفيش حد مبيحبش ابنه ولا بيشوفه وحش الفكرة انهم مش عارفين يعبرو بس فانتى اصبرى واحتسبي وحاولى تغيري من نفسك للاحسن وطورى من نفسك وانجحى واعلى وهيجو ف يوم من الايام يفتخرو بيكي ادعى ربنا يصبرك ويديكى القوة انك تكملى ومتزعليش نفسك ولا تفكرى
تم النشر الأحد، ٢٨ أبريل ٢٠٢٤
لعرض السؤال في فدني اضغط هنا