لو باخد فلوس على قد ايه كلمة انتى واحده مريضه كنت بقيت مليونيره فعلا محدش تقريبا مقالهاش ليا امى وابويا واخواتى حتى اختى الصغيره اقرب صحابي كل الناس قالولى اى حد بيتعامل معايا وهو بيخرج حياتى بيقول انى حد مريض ومؤذى معرفش ليه يمكن عندهم حق ، عاوزه اقول مشكلتى النهارده وهى مشكله مضايقانى وهى ان انا مش عارفه افهم ولا احدد اسباب الأحداث الى بتحصلى ف حياتى وليه انا بعمل كده انا مش بحب اشكر ف نفسي كتير عشان مدخلش ف دور الضحيه وانى حد بقا ملاك وهكذا لا خالص انا فعلا حد كويس وجدعه جدا مع كل الى حواليا ولكن رغم كده بتفهم دايما غلط من فتره بقا بدأ يحصلى حجات غريبه بتعصب بسرعه جدا بقول كلام مؤذى للى حواليا باخد بريكات كتير ف العلاقه عشان اهدا وارجع واقول هاخد بريك تانى ولفى بينا يا دنيا ، حرفيا مفيش حاجه بتتغير خالص مبعرفش اكمل ف علاقه عادى بحس بملل وزهق وانى مش قادره استحمل وجود اهتمام ف حياتى بحس أن جوايا حد مؤذى بطريقه مش طبيعيه وحد تانى كويس جدا ونفسو يتغير صراع كبير جوايا ولكن للاسف بنسبه كبيره الشخص المؤذي هو إلى بينتصر سعات ببقا قاعده بكلم ف صاحبه ليا بحبها وقريبين جدا فجأه بحس انى عاوزه ابعد عنها ومش عاوزه اصاحبها بدون سبب ادايق منها منغير حاجه احس ان انا تقيله عليها وهكذا بإختصار هى حد كويس بس جت ف وقت غلط عاوزه افهمها ده حاولت افهمها ده بس هى متمسكه بيا معرفش ليه بس يمكن عبيطه شويه المهم بقا سعات ببقا قاعده بردو بلاقي اختى الصغير إلى عندها 5 سنين بس بتلعب عادى وتيجي تدخل الاوضه عاوزه تلعب معايا المفروض العب معاها عادى اه بعمل كده بس وانا ف نص اللعب بتعصب اقسم بالله بدون سبب وبحس انى عاوزه اقوم افرتكها واضربها عاوزه حد اطلع كل الغل إلى جوايا فيه مع انى بحبها واكيد مش هضربها كده ولكن مجرد تخيلات فقط وبعدين بقعد مع نفسي اقول ازاى فكرت كده وسعات كتير بطلع عصبيتى عليها مع انها طفله لسه حرفيا بتتعلم لسه ألف ارنب باء بطه هى دى كل حياتها ومع ذلك بحس أن الناس الي حواليا وبيحبونى عاوزه ابعد عنهم بحس انى عاوزه اكسر كل حاجه حواليا كل دى مجرد حجات بتيجى على دماغى فجأة بكون قاعده عادى وفجأه بتضايق حاولت اعالج نفسي بحاجات كتير حتى لما كنت بصلى وبقرب من ربنا مكنتش بحس أن فى حاجه ف حياتى بتتغير وانا عارفه أن مش لازم حياتنا تتغير بالصلاه لاننا بنصلى عشان ربنا مش عشان نتغير ولكن اقصد أن مفيش حاجه بتتغير حرفيا حتى معنديش ثقه اروح لدكتور نفساني ابدا ويدخل ف تفاصيل حياتى انا مش هحب كده حد فاهم حاجه ؟
السلام عليكم ورحمه الله وبركاته. انك يكون في جواك صراع دي حاجه موجوده في كل البشر كلنا جوانا بيطلع افكار حلوه وافكار وحشه افكار خير وافكار شر ان احنا نشوف بقى مين اللي هينتصر في الاخر ده بيتوقف على حاجات كثير جدا على الشكل اللي احنا قررنا ان احنا نثبته الشخصياتنا على ارادتنا على عوامل من حوالينا حاجات كتير جدا طيب لو احنا هنقول ان انت في عندك عوامل من الماضي حاجات مخليه الجزء الشرير يكون هو ليه تواجد اكتر دلوقتي. طيب هو الشرير ده من ساعه الماضي عمل ايه معرفشان ده بيثبت انه الجزء الطيب اللي جواكي اكتر مش الشرير وان بس الشرير ده صوت صوت بيحاول يغلوش لان هو متكتف هو مش قادر ان هو يقوم يعمل حاجه فعلا لان هو اضعف من الجزء الطيب ودي نقطه كويسه جدا ان احنا نبقى مدركين ان احنا اقوى مما نتخيل انت احسن من كل الافكار السيئه والوحشه اللي بتيجي ودي الحقيقه طيب انت بقى بتحبي نفسك ما بتحبيش انت بتحبي نفسك وانت بصليها وهي حد كويس وطيب ولا دي حته مزعلاكي اصلا ولا دي حته كانت هي سبب في المشاكل والتراكمات الحاجات اللي في الماضي كنت طيبه ولطيفه حد عمل معاكي موقف وحش فلذلك بقيتي بتكرهي الجزء الطيب الحلو اللي جواكي لو دي الاساس في كل التراكماتك ومشاكلك النفسيه القديمه المواقف اللي في الماضي فهيبقى احنا هنا جينا عند النقطه المهمه ده اللي هيخليك لما تكوني بتتعاملي حلو وفجاه تقلبي وتتعملي وحش لانك مش عايزه الماضي يتكرر او لانك مش عايزه تفضلي الشخصيه الطيبه اللي هي كانت السبب في المعقب الوحشه لانك هو ده اللي انت مترجماه ضروري كل الكلام ده يقف الحلقه عماله بتلف فيها ودوخيني يا لمونه وبعدين عايزه تكسري الدائره دي تقرري القرار مع نفسك حتى لو مش هتروحي لدكتور نفساني قرري انك تفتحي الماضي وتبصي على تفاصيله تاني وتشوفي فعلا انه اه كان ممكن يكون في اجزاء انت غلطانه فيها والاجزاء دي انت تقدري دلوقتي انك تعدليها وما تعمليهاش تاني وفي اجزاء طبعا مرتبطه بان كده عملتي مع اشخاص هم اللي كانوا غلطانين في المواقف دي الغلط مش كله عليكي مش كله بس بسبب انك تعاملتي كويس وااا انت موقفه عند النقطه دي ولذلك خايفه انك تكرريها مره ثانيه وخايفه انك تكوني كويسه. بتتعاملي الجزء الطيب الحلو كصالحك مع الماضي قراراتك في المستقبل في انك عايزه تخلي شخصيتك بشكل معين هو ده اللي حيخليك تغيري كل اللي انت حكيتيه ده وتبطلي تكوني فعلا زي ما هم بيوصفوكي شخصيه مريضه لان التقلبات دي مؤذيه جدا مؤذيه ليكي مؤذيلي حواليك مقضيه في كل النتائج اللي انت هتاخديها في حياتك و ضروري تقفي عند الموضوع ده وتحليه مش قادره تحليه لوحدك تقدري تتعاملي مع اي مختص نفسي على فكره الدكتور النفساني او المختص النفسي الموضوع بيتوقف على انك ترتاحي معاه نفسيا وبتحسي بالثقه وبالامان محتاجه تجربي بس لكن ما تاخديش الموضوع من بابه وتقولي لا مش هحس ان انا مرتاحه ان انا اشارك تفاصيلي مع حد لان دي برده ممكن تكون نقطه اصلا انت خايفه منها بسبب الماضي انك شاركتي قبل كده تفاصيلك مع حد وهو خذلك او ان هو طلع تفاصيل جديده. الدكتور النفساني او المختص النفسي بيتعمل بمهنيه ملهاش علاقه بالحاجات اللي انت عديتي بيها قبل كده فتجربه هتكون مختلفه ان شاء الله وعموما لو حسيتي وانت بتتكلمي في اول مره مع اي مختص انك مش مرتاحه مش حاسه بالامان ما تكملي.
تم النشر الأحد، ٤ أغسطس ٢٠٢٤
لست مختصة نفسية، لكن أظن والله أعلم أن هذه ليست المشكلة بل أعراض لمشكلة أخرى. هل يوجد شيء ما يقلقك أو يوترك ويشغل تفكيرك؟ عامة جميعنا نحمل الخير والشر في دواخلنا، والفيصل في الأمر هو جهدنا في التزكية لتغليب الخير على الشر.
تم النشر الأحد، ٤ أغسطس ٢٠٢٤
اللي حصلك أنا مريت به فى مره من حياتى بالظبط بكل تفاصيله بس خرجت منها لما قررت انى اعرف نفسى اكتر واحدد ايه اللى مضايقنى وايه اللى بيعصبنى واحدد المواقف بتاعتى كويس والاماكن والاشخاص اللى بروح ليهم واتصرف بشكل طبيعى ولو اتعصبت اراجع نفسى واسأل نفسى هل الموضوع يستاهل انى اتأثر اصلا يعنى مثلا نا مكنتش اعرف انى شخصيه حساسه ومحبش حد يقل من قمتى ولما عرفت بقيت لما اضايق اعبر عن دا واطلب من الشخص ميعملش كدا لانى دا بيخلينى اتعصب وهكذا فى المواقف التانيه كدا كدا فى كل واحد فينا جوا عصبيه وطيبه وافكار سلبيه حاول تراجعى رد افعالك للاحداث بتاعتك حتى لو هتكتبيه فى ورقه وتقررى هتعملى اى لو اتحطيت فى نفس الموقف
تم النشر الأحد، ٤ أغسطس ٢٠٢٤
أول حاجة، أنا عاوزة أقولك إنك مش لوحدك في الإحساس ده، وكثير من الناس، بما فيهم أنا، بيعدوا بمشاعر مشابهة. واضح إن فيه صراع قوي جواكي، وأنه فيه جزء منك عاوز يتغير وجزء تاني بيتصرف بشكل مؤذي. ممكن تحاولي تتعمق شوية في مشاعرك، مثلاً، لما بتحسي بالعصبية أو الرغبة في الابتعاد عن الناس، حاولي تسألي نفسك: "إيه السبب ورا الإحساس ده؟". هل فيه شيء معين حصل قبلها؟ أو هل فيه ضغط أو توتر في حياتك؟ كمان، مش لازم تكوني قاسية على نفسك، حاولي تفهمي إننا كلنا بنغلط وأحيانًا تصرفاتنا بتكون نتيجة شعور أكبر أو توتر ضاغط مش قادرين نعبر عنه. طب جربت تكتبي يوميات؟ ممكن تحسي بتحسن لما تكتبي عن مشاعرك. أوقات الكتابة بتساعدنا نفهم نفسنا بشكل أوضح ونعرف إحنا ليه بنشعر بالحب أو الكره. وحاولي تفكرين إن العلاقات محتاجة مجهود، والصداقة مع الناس الطيبين حوالينا لها أهمية كبيرة. جربي تفتحي قلبك لأصحابك أو عائلتك، وتقولي لهم إنتي عاملة إيه. هما ممكن يساعدوك يشوفوا الأمور من منظور مختلف. في الآخر، لو حسيت إنك محتاجة مساعدة مهنية، ممكن تفكري في العلاج مع دكتور نفسي يكون بطريقة تخليكي مرتاحة. مش عيب إنك تطلبي مساعدة، بالعكس، ده يعتبر خطوة كبيرة تجاه الشفاء. خدي وقتك، وكوني لطيفة مع نفسك. كل حاجة هتتحسن مع الوقت.
تم النشر السبت، ٣ أغسطس ٢٠٢٤
اسفه مختش بالي من الاسم ، عموما نفس رأي انك تروحي جيم بنات و تتدربي مع كابتن بنت ووكده دا هيسعدك بجد
تم النشر الثلاثاء، ٦ أغسطس ٢٠٢٤
طب ولو بنت ؟
تم النشر الثلاثاء، ٦ أغسطس ٢٠٢٤
يمكن ده بسبب كلام الوحش اللي ملكش زمب فيه أو انت متستهلش يتقالك فاشل حتى لو انت كده محدش كويس هيقول لشخص كده عشان تحاول تطلع الغل ده و العصبيه لازم تروح جيم أو العب في الملاكمه
تم النشر الثلاثاء، ٦ أغسطس ٢٠٢٤
لعرض السؤال في فدني اضغط هنا