السلام عليكم ورحمة الله
عندى مشكله بقالى ١٢ سنه بشرب حشيش وكل اصحابى بيشربوا بقالى سنه ونص مبطل وحاسس اني بقيت احسن معا الاستمرار
فى الاول كنت بقعد معا اصحابي وهما بيشربوا وبيحاولوا يقنعوني انى ارجع اشرب تانى بحجة ان مش هتعرف تكمل وهترجع تشرب معا الوقت وانا مصمم على قرارى انى مش هشرب تانى
دلوقتي قطعت علاقتي بكل اصحابي علشان لسه بيشربوا ومش عارف اصاحب ناس جديده
بس حاسس انى عايش في تحدى معا نفسي ومعا الناس ومش عارف ابعد عن الناس علشان بخاف من احساس الوحده ومش عارف اعمل ايه
وعليكم السلام ورحمه الله وبركاته. هو طبعا انت في تحدي اكيد اكيد ده تحدي وبعدين التحدي دائما بنبقى منتظرين في اخره مكافاه اللي بيدخل تحدي او مسابقه عاوز ينجح عاوز ياخذ ميداليه يا اما الذهبيه يا اما فضيه يا اما البرونزيه. فما اعتقدش ان انت هتتنازل عن الجائزه بتاعتك؟
تم النشر الأحد، ٢ فبراير ٢٠٢٥
لازم تقرب لربنا وتصلي قيام الليل حقيقي ده معجزه ولازم تجاهد نفسك واصح حاجه فعلا انك تبعد عن أصدقائك السوء لان محدش هينفع منهم لما تقع ولا هما يعرفوا يساعدوك احسن حاجه تبدأ من جديد وتنظم حياتك وتشوف انت تدرس او بتشتغل وتركز في الي بتعمله وتعمل لنفسك مستقبل
تم النشر السبت، ١ فبراير ٢٠٢٥
اثبت واجمد علي قرارك وخليك بطل للآخر ولاتنسى أن الله يحب التوابين عن الذنوب ربنا كتب ليك عمر جديد وحياة جديده تقدر تحقق فيها إلى انت عايزه وقصه الاصحاب متخفش طول ما أنت بعيد عن الحرام ربنا هيوقف ليك ولاد الحلال ولأصحاب الحلال علشان يعينوك على فعل الصواب وخلى فى بالك عمرك ما هتشعر بالوحده لأن ربنا وحده بيرعاك ومعاك فده وحده يكفى عن الدنيا ومافيها مش هتلاقى احسن من ربنا معين ليك في حياتك
تم النشر الاثنين، ٣ فبراير ٢٠٢٥
وعليكم السلام ورحمة الله وبركاته. أخي الكريم، في البداية أود أن أهنئك على قرارك القوي والمصمم بالابتعاد عن المُخدرات. هذا القرار يتطلب شجاعة وإرادة قوية، ويُظهر رغبتك في تحسين حياتك. العزيمة التي لديك تعد خطوة كبيرة نحو التعافي. بالنسبة لقطع علاقتك بأصدقائك، أود أن أوضح أنه من الضروري أن تجد توازنًا بين الابتعاد عن العوامل السلبية وصنع علاقات صحية وإيجابية. يمكنك استكشاف مجتمعات جديدة أو الاهتمام بهوايات جديدة أو الانضمام إلى مجموعات دعم أو نشاطات اجتماعية تهتم بالمواضيع التي تثير اهتمامك. هذا سيمكنك من التعرف على أشخاص جدد يشتركون في نفس التوجهات القيمة. فكر في البحث عن مجموعات دعم للإقلاع عن المخدرات، حيث يمكنك التحدث مع أشخاص مروا بنفس تجاربك واستفد من نصائحهم. يمكن أن تكون هذه الأماكن مليئة بالمساندة والمشاعر الإيجابية. وأخيرًا، تذكّر أنه من الطبيعي أن تشعر ببعض الوحدة في البداية. لكن مع مرور الوقت والوقت، ستجد أنك قد أسست علاقات جديدة تخدم أهدافك وتوجهاتك. استمر في التركيز على أهدافك، وكن طويل النفس، فكل خطوة تقوم بها تجعلك تقترب من حياة أفضل. إذا كان لديك أي استفسارات أخرى، فلا تتردد في طرحها.
تم النشر السبت، ١ فبراير ٢٠٢٥
سمعت شخص قالي لو تهت روح المسجد هتلاقي اجابه لكل شي
تم النشر الأحد، ٢ فبراير ٢٠٢٥
و بطبيعة الحال هتشتغل أو هتتعامل مع ناس و هتتعرف و حياتك هتتغير اكيد إن شاء الله 🤍 ربنا يوفقك و افتكر دايما أن الصاحب ساحب
تم النشر الأحد، ٢ فبراير ٢٠٢٥
الوحده افضل مليون مره من اصحابك اللي هيضعوك صاحب حد كويس غير كده ملهاش لزمه صحبه الشؤم
تم النشر الأحد، ٢ فبراير ٢٠٢٥
ممكن تعمل علاقات من الشغل أو النادي أو حتى من على النت
تم النشر الاثنين، ٣ فبراير ٢٠٢٥
كمل في طريقك و أطلب من ربنا أنه يعينك و يسهل ليك الأحوال
تم النشر الأحد، ٢ فبراير ٢٠٢٥
لا تخاف الوحدة فمن ترك شيئا لله عوضه الله خير منه وابتعد عن أصدقاء السوء مهما كان الثمن وحاول أن تبحث عن أصدقاء جدد صالحين والله يوفقك
تم النشر الأحد، ٢ فبراير ٢٠٢٥
عليكم السلام ورحمة الله وبركاته، بداياً من ترك شيئا لله عوضه الله خيرا منه، ربنا شايف جهدك ف ترك معصيه لان السجاير وانواعها جهر بالمعصية ،قرب من ربنا جدا واتقي الله فيه وفي نفسك محدش من صحابك دول هينفعك لما ربنا يسألك عصيتني لي ، ،ابدا ،صلي فروضك وامسك مصحف احنا ف ايام مُباركه ادعي بيقين الاجابه يوم يوم ف شعبان لله بنيه ربنا يصلح حالك ويرزقك صُحبه صالحه النبي صلى الله عليه وسلم لما سألوا السيده عائشه رضي الله عنها اكتر شهر النبي صلى الله عليه وسلم كان بيصومه فيه بعد رمضان هو شعبان، فتوكل ع الله
تم النشر السبت، ١ فبراير ٢٠٢٥
لعرض السؤال في فدني اضغط هنا