السلام عليكم
أنا مخطوبه من سنه خطيبي قعد معايا ٢٠يوم وبعدين سافر وأول ما نرجع هنتجوز حرفيا مش بطلب منو اي شئ حتي حجز الميكب والفستان بتحرج جامد أتكلم معاه فيهم وهو أصلا لو مش جيبت سيرتهم في وسط الكلام
هو مش بيسألني ولا بيفتح الكلام في الحاجات ادي أصلا طول فتره الخطوبه مش شحنلي غير مرتين ولو خارجه مع صحابي عمرو ماقلي محتاجه حاجه حتي لو عزومه مع العلم انو مش بخيل خالص وكل الي حواليه يشهدو بكدا
هو المفروض أصلا دا عادي ولا المفروض اي الي يحصل
السلام عليكم ورحمه الله وبركاته ااا بصي هو واضح ان انت بتتكلمي على الجزئيه الماديه اكثر حاجه فخلينا نقول انه المسائل اللي هي لها علاقه مثلا فرح او حاجه ممكن انت تخرجي منها خالص تخلي والدتك مثلا اللي هي تكلمه فيهم او ممكن بطريقه لطيفه تقولي له انا مش عارفه هنزل احجز امتى انا نزلت بس سالت مثلا على اسعار ولقيتها هتكون في حدود كذا انت ايه رايك كده مناسب ولا هيبقى كتير عليك احاول اشوف حاجه اقل مثلا يعني تفتحي بيها الكلام علشان توضحي له انه انت هتنتظري منه ان هو يعني يبعت لك فلوس الحاجات دي ده اولا ثاني حاجه مساله بقى انه هو مش بيقول لك محتاجه حاجه او يبعت لك فلوس يعني طبعا المساله دي بتختلف من مكان للتاني او من محافظه للثانيه انه هل دي حاجه واجبه على العريس ولا لا لكن لو اتكلمنا في شرعا هو مش عليه ان هو يكون متكفل باي مصروفات شخصيه لك مصروفاتك الشخصيه حاليا. خاصه ومش هو اللي عليه مصروفاتك الشخصيه سواء شحن الموبايل او خروجه مع صحابك او اي مصروف شخصي. ف على حسب المكان اللي انت متواجده فيه المحافظه فيها او العادات اللي موجوده في المحيط بتاعك تقدري بس تنبهيه انخليني اقول لك على نقطه بقى هي الاهم بره المسائل الماده لان دي الجزئيه بس انت سالتي فيها اللي محتاجه انك تستثمري في التوقيت ده هو انك تتاكدي ان الشخص ده زي ما بيتقال عليه او وانت بتقولي كده هم بيقولوا عليه ان هو بردو محتاجه تتاكدي اذا كان الشخص ده فعلا بيحافظ على اخلاقه اذا كان الشخص ده رغم بعضه هل ملتزم بالصلوات ولا لا لان دي النقط المهمه جدا جدا جدا تشوفيه في مختلف المواقف بيهتم ولا لا بيراعي اهله وبيراعي اهلك ولا لا النقط دي كلها مهمه جدا جدا جدا ضروري انك تنتبهي ليها فتره الخطوبه دي وقبل ما شاء الله ينزل وربنا يتمم لكم على خير.ت عارف ان احنا عندنا العريس مثلا يعمل كذا مثلا ده ممكن تعمليه ممكن تقوليله اا ده نازله مع صحابي. بيبقى نفسي اجيب حاجات كثير بس ما بيبقاش معايا غير مثلا فلوس تكفي قد كذا يعني هتبدئي تلمحي له او توضحي له ان ايه في جزئيه هو ممكن يعني يساهم فيها او يتدخل فيها يعني ده لو دي العادات عندكم في المكان يعني .
تم النشر الثلاثاء، ٢٨ يناير ٢٠٢٥
هو ممكن يكون لسه بيتحرج او بيفكر انه لما يقول كد هيحرجك مثلا ممكن دا تفكيره وغالبا لو تم واتجوزتوا هتلاقي ان دا مش هيبقى موجود الخطوبه مش مقياس بنسبه ١٠٠ ف الميه فاهمه قصدي ممكن عادي جدا لو شخصيتك مرحه وهو بيقول هزار ترميها بهزار هشوف ان ممكن تفكري ف حاجه زي دي وانك مش بتنحرجي مثلا
تم النشر الأربعاء، ٢٩ يناير ٢٠٢٥
و عليكم السلام ورحمة الله وبركاته، اكيد اللي بيحصل ده مش طبيعي انتي لسه خطيبته و هو مش بيفكر في اي حاجه لما تتجوزو هيعمل ايه، انتي ليكي حق عليه و متتحرجيش لان المفروض يعمل كل حاجه من نفسه بس ممكن نقول انه مش عارف اي التصرف الصح في العلاقه مثلا فا انتي متتحرجيش و عرفيه انه المفروض يحجزلك الميكب و الفستان لان لازم العلاقه تبقا مبنيه علي الحب و الطرفين يبقو بيتعبو علشان بعض في كل حاجه
تم النشر الأربعاء، ٢٩ يناير ٢٠٢٥
وعليكم السلام ورحمة الله وبركاته، عزيزتي، أقدر مشاعرك وأفهم الصعوبات التي تواجهينها في فترة الخطوبة. فترة الخطوبة تُعتبر مرحلة هامة في بناء العلاقة، حيث يتم فيها التعرف على بعضكما البعض بشكل أعمق، ويجب أن تكون هناك مساحات مفتوحة للتواصل والتفاهم. من المهم أن تتذكري أن لكل شخص طبيعته وطريقته في التعبير عن مشاعره واهتماماته. قد يكون خطيبك غير مدرك لأهمية بعض التفاصيل التي تهمك، أو ربما لديه أسلوبه الخاص في إدارة الأمور. لذلك، التواصل الصريح والمباشر هو الحل الأمثل. يمكنك محاولة طرح أفكارك أو مخاوفك بشأن التحضيرات، وفتح الحوار معه حول ما تحتاجينه وما تفكرين فيه، بطريقة لطيفة وغير مباشرة. يمكن أن تتحدثي عن أهمية هذا الأمر بالنسبة لك، وكيف أن الحديث عنه يعزز من شعور القرب بينكما. تأكدي أيضاً أن المشاركة في التخطيط يمكن أن تعزز العلاقة بينكما، وتجعلكما تعملان معاً كفريق. التفاهم والاحترام المتبادل هما أساس أي علاقة ناجحة. أسأل الله أن يسهل أموركما ويبارك في ارتباطكما. وإذا احتجت إلى أي دعم إضافي، فلا تترددي في طرح المزيد من الأسئلة.
تم النشر الثلاثاء، ٢٨ يناير ٢٠٢٥
لعرض السؤال في فدني اضغط هنا