انا بعاني من النحافه الشديده وزن ٤٥ كيلوا وسني ١٩ سنه وعملت تحاليل دم مفيش حاجه
وعملت تحاليل براز الدكتور قال عصر هضم رغم اني باكل كويس ومش كميه قليله ممكن اعرف الحل
ازيك يا جميله ♥️ طبعا مش هقدر احكم حالة النحافة واصله فين من غير ما اعرف طولك ولكن في العموم لازم نعالج المشاكل من جذورها الاول وبعدين نشوف الاكل ١- في عسر هضم هتاخدي قبل الوجبه دايجستين قرص او معلقة كبيره دايجينورم شراب وده هيساعدك في الهضم كويس اوي ٢- ضروري تعملي صورة دم ومخزون حديد وتعرضيهم على دكتور واكيد هتحتاجي تاخدي حديد وياريت تختاري نوع كويس سهل وسريع الامتصاص زي ( برافوتين اكياس ) هيرفع معاكي مخرون الحديد ولو عندك انيميا هيعالجها ودي نقطه مهمه جدا جدا ٣- هتتاكدي بالتحاليل بردو ان الغده الدرقية سليمه ولو فيها مشكله هترجعي طبعا لدكتور غدد ٤- ندخل عالكل عشان تزودي سعراتك في الاكل الافضل ترجعي لدكتور تغذيه يساعدك عشان تمشي خطوه خطوه لان مش هينفع تزدي اكلك مره واحده لا هتقدري تستوعبي الكميه ولا معدتك هتتحمل هنصحك بحااجات بسيطه خلال اليوم مهم اوي تهتمي بالوجبات الرئيسيه فطار غداء عشاء ويكون فيهم بروتين نباتي او حيواني لان جسمك محتاجهم جدا و دهون صحيه زي زيت الزيتون او السمنه البلدي والزبده الحيواني وهكذا . ولو حاسه ان كميه البروتين اللي بتدخلك قليله وقتها بندخل بروتين خارجي طبعا ده بردو دكتور التغذيه بيحدد كميته يوميا تاخدي ببن الوجبات من الاختيارات : معلقتين عسل نحل او عسل السود بطحينه او كوب عصير فريش بدل الفاكهه او تمر عليه زبده فول سوداني او طحينه مكسرات مغات ( بتاع السبوع 😂) ممكن تدخلي في العشاء سعرات اعلى زي ساندوتش المربى بالقشطه والحلاوة الطحينيه ومعاهم كوب لبن كاكاو او زبادي بالفواكه اخر حاجة اعملي تمارين مقاومه عشان تزودي نسبه العضل عندك وبعد التمرين كلي كويس بلاش تمارين جري ومشي وزومبا لانهم بيحرقوا دهون
تم النشر الثلاثاء، ٦ أغسطس ٢٠٢٤
أهلاً وسهلاً! طبعاً، النحافة ممكن تكون مزعجة لكن في شوية خطوات ممكن تساعدك. زيادة السعرات الحرارية : حاولي تاكلي أكلات غنية بالسعرات، زي المكسرات، الأفوكادو، والزيوت الصحية زي زيت الزيتون. الوجبات الصغيرة المتكررة : بدل ما تاكلي ثلاث وجبات كبيرة، حاولي تخليها خمس أو ست وجبات صغيرة في اليوم. البروتين : أكثري من تناول البروتين مثل اللحم، الدجاج، الأسماك، والبيض. البروتين هيساعد في بناء العضلات. ممارسة الرياضة : حاولي تمارسي تمارين تقوية العضلات، لأنها هتساعد على زيادة الوزن بشكل صحي. استشارة أخصائي : لو الموضوع مستمر، فكري تستشيري أخصائي تغذية أو طبيب مختص في الجهاز الهضمي. وفي النهاية، صبري على نفسك! وزنك ممكن يتحسن مع مرور الوقت. لو احتجتي أي نصائح تانية، أنا هنا! (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٦ أغسطس ٢٠٢٤
ممكن تاكلي نشويات رز ومكرونه والبطاطس المقلية الحاجات دي بتساعد علي زياده الوزن والمكسرات برضو والشوكولاته الداكنه معروفه انها بتساعد علي زياده الوزن بشكل ملحوظ والفواكه المجففه طبعا ، والمانجو
تم النشر الثلاثاء، ٦ أغسطس ٢٠٢٤
روحي دكتور تغذيه و جيم كمان
تم النشر الثلاثاء، ٦ أغسطس ٢٠٢٤
ونستبعد لو في أسباب وراثية.. ولازم نعرف وزنك وطولك وسنك ونعمل نظان غذائي محسوب السعرات الحرارية مخصث ل حالتك. وناخد معاه بعض الأدوية اللي بتساعد في فتح الشهية وبعض المكملات الغذائية... انا معايا حالات بالفعل بتزيد من ٤ ل ٦ كيلو فيي الشهر وزيادة صحية وبنعمل شوية تمارين من. البيت كلميني لتفاصيل اكتر... او ممكن تتابعيني ع صفحتي.... https://www.facebook.com/share/vjNrR9hi2VLt8hqg/?mibextid=qi2Omg
تم النشر الجمعة، ٢٣ أغسطس ٢٠٢٤
حضرتك في تحاليل لازم نعملها ونستبعد اسباب النحافة
تم النشر الجمعة، ٢٣ أغسطس ٢٠٢٤
لعرض السؤال في فدني اضغط هنا