كان متقدم ليا شخص وانا بحبه جداجدا وعيزاه وللاسف ما زلت شويه بنسبه ما❤️🩹💔
لكني حاليا اتخطبت وف ايدي شخص تاني محترم وبيحبني
الشخص الاولاني اللي كنت بحبه اترفض من عائلتي واخواتي لأنهم عرفوا انه بيشرب نوع مخدر مش ادمان والله لكن من وقت التاني أصحاب السوء ...حاول يتواصل معايا كتير قبل الخطوبه قبل بكتير انا رفضت مره واتنين وعشره عشان اهلي وصديتو وكرهتو فيا 💔💔
اناكنت اعرف وكنت بساعدو والله لحد مابدا يتعافي والله وحرفيا بقا شخص ملتزم وبدأ يتحسن بشكل ملحوظ وصلاه وتطوع وهكذا
لكن الأهل مبداهم أنه لا مرفوض
حاليابشوفو صدفه ف مكان قريب مني وحرفيا بحس اني خذلتو واني كسرته بيبصلي نظرات صعبه جدا
انا مراعيه ربنا والله ف خطيبي ومش بعمل اي حاجه حرام بس القلب ملك ربنا مش ربي وغصب عني محتاجه مساعده ومشوره
برغم اني حاسه أنه كرهني
آه والله، أنا حاسة معاكِ ومتفاهمة جدًا حالتك. الموضوع معقد ومؤلم بنفس الوقت. خليني أفكر معاكِ بصوت عالي، وربما ده يساعدك تشوفي الأمور بوضوح أكتر. أولًا، لازم تدركي أن قرارات الزواج والارتباط هي قرارات مهمة ومصيرية في حياتك، وبيترتب عليها سعادة حياتك بشكل كبير. الأهل لما رفضوا الشخص الأول كان عندهم أسباب يمكن وجيهة من وجهة نظرهم، خاصة لو الموضوع كان له علاقة بصحتك وأمانك. لكن في نفس الوقت، مشاعرك تجاه الشخص دة كانت حقيقية، وصحيح هو اتغير وتحسن، لكن مش دايمًا بيكون في ضمان للمستقبل، خاصة لو فيه ماضي مثل اللي عنده. ثانيًا، خطيبك الحالي شخص محترم وبيحبك، وده شيء مهم جدًا في الزواج. الحب والاحترام والالتزام هم الأساس لعلاقة ناجحة. كوني منصفة معاه لأنه مش مسئول عن الأزمات اللي حصلتلك قبله. ثالثًا، لو بتحسي أنك فعلا لسه مشاعرك موجودة بقوة للشخص الأول، لازم تكوني صريحة مع نفسك، لكن في نفس الوقت مش بضرورة تعطي مشاعرك القديمة مساحة تأثر على حياتك الحالية. ممكن تحتاجي جلسات مع معالج نفسي يساعدك تنظمي أفكارك ومشاعرك. وأخيرًا، استعييني بالصلاة والدعاء ربنا يرشدك للطريق الصح ويريّح قلبك، واتكلمي مع حد مقرب من العيلة يفهمك ويتفاهم معاكي. التعاطف والصراحة مع نفسك ومع الأخرين هو المفتاح. صعب بس انتي قويه، افتكري ده، وربنا يوفقك ويهدي بالك.
تم النشر الاثنين، ٣ يونيو ٢٠٢٤
حاسة بيكي بس اللي انتي بتعمليه دا غلط، ماتبوصيلوش اصلا وماتسمحيش لنفسك تفكري فيه. هو لو كان خير ليكي كان هيبقى من نصيبك يعني كان هيبقى من نصيبك... بس هو مش خير ليكي ولا انتي خير ليه وربنا رايدلكوا الأحسن فخلاص ماينفعش تفكري فيه، وهو مكانش ينفع يحاول يكلمك والإنسان مسىئول على فكرة عن اصحابه يعني هو السبب في انه يشرب مش اصحابه لإنه هو اللي اختارهم من الأول، وطالما اهلك رفضوه يبقى خلاص هم اكبر مني ومنك وعارفين اكتر مني ومنك فقولي الحمد لله وارضي بخطيبك وماتفكريش في اللي فات ولا تسمحي لنفسك تفكر فيه ولا تبوصيله اصلا
تم النشر الجمعة، ٧ يونيو ٢٠٢٤
ربنا ييسرلك امورك ويهديك لما هو خير لك ويقدملك اللي فيه الخير
تم النشر الأربعاء، ٥ يونيو ٢٠٢٤
ركزى في اللي معاكي وارضي بالنصيب مدام اللي معاكي شخص محترم او تفكرى في حد تاني ..اما اللي بتفكرى فيه ده مدمن وعادى يرجع له تاني حتي وانتي معاه ..انسيى وربنا يوفقك في الشخص اللي اختارك
تم النشر الخميس، ٦ يونيو ٢٠٢٤
لعرض السؤال في فدني اضغط هنا