انا عندي عقدة نفسية من الطفولة بسبب كوني بنت يعني حاسة بظلم من كوني بنت و مش حابة حياتي كدا ، و الحكاية خالص ان انا اكبر اخواتي و اول حفيدة للعيلتين يعني ما شاء الله كل العيون كانت عليا و مازالت من حيث ..
بنتك ماتخرجيهاش برا بنتك المفروض طالما وصلت لاعدادي ماتلبسش بناطيل بنتك المفروض كدا ماتركبش عجل تاني بنتك المفروض تشغليها معاك في البيت غصب عنها بنتك المفروض و المفروض و المفروض ...
ف كانت ماما كعروسة لسه جديدة و تقعد تسمع ف نصايح من كل دا شوية ، حرفيا جالها عقدة و اديتهالي
كانت تقعد تقولي اني كرهتها ف خلفة البنات و كانت تقولي انها ف كل حمل ليها تقعد تعيط انها ماتطلعش بنت تاني تقعد تقولي البنت هم و هتفضل هم اهلها شايلينه من اول م بتولد لحد م بتموت
عارفين انتوا احساس انكوا عمالين طول الوقت بتتحاسبوا ع حاجة انتوا ماعملتوهاش ؟؟
تعدي السنين و كل واحد يجي يدي لماما شوية نصايح و كلام ف جنابي و يمشي .. مع اني والله العظيم م حد فيهم بيعمل ربع الكلام دا ، و ماما بقت بتشيلني مسؤوليات البيت حتي نظافة اخواتي الصبيان ! انتوا متخيلين !! عارفين يعني اخويا يأكل كيس شيبسي او يقعد الصغير يلعب ب العابه و انا اجي المها و ارتب المكان
اخويا الكبير ف ثانوي و التاني الصغير ف اعدادي و مع ذلك لو مشيوا ع الدروس من غير فطار .. ماما طول اليوم تقعد تزعق لي و تحسسني ب الندم و غيره مع انهم مش نوغة و قادرين يعملوا لنفسهم ساندوتشات والله
و حتي اللبس بيغيروه بيحطوه ف اي حتة و انا المفروض اجي المه و لما بيدخل عندنا ضيف و البيت مابيكونش احسن حاجة بيقعدوا يدوني محاضرات ف البنت النظيفة
و لما كنت ف اعدادي ماما ماهتمتش انها تمسكني كدا و تعرفني ع الحاجات اللي بتتعمل و الحاجات اللي لاء و كنت بعرف الحاجات دي من صحابي و حتي انا اسفة ف الكلمة الشعر الزايد كنت كل م بطلب منها اعمله ازاي لاني كنت بتعرض للتنمر بسبب ان صحابي كلهم حلوين و انا لاء كانت تقعد تتذمر و تقولي انا بكره البنات بسبب كدا ... طب و انا مالي طيب !!
و اجي بقي عند الكلية اهلي كلهم كانوا يقعدوا يقولوا لماما دخليها كذا طالما مالحقتش طب و اقولهم يجماعة بلاش دي انا مش حباها يقولوا لي لاء غصب عنك احنا اللي عارفين مصلحتك اكتر ! و من كتر خنقتي الواحد كان بيصعب عليه نفسه و اقعد اعيط
و ستر ربنا وقتها ان الكلية جت بعيدة ف اضطروا انهم يشيلوها من حسابتهم و دخلت الكلية اللي انا عايزاها و كل م اكلم اهلي اني نفسي اسافر و اشتغل و اكون مستقبلي بدري زي باقي صحابي يقولوا لاء مافيش بنات تشتغل
اومال دراستي فايدتها ايه و التعب و البهدلة و المرمطة دي كلها ؟ انك تتجوزي جوازة حلوة و تعرفي تعلمي اولادك كويس ! لاء بجد والله 🙂
و كنت مرة بكلم بابا لانه هه الوحيد اللي بيسمعني و مابيزهقش من الكلام زي ماما و بقولوا انا لو همووووت مستحيل اتجوز او اخلف عيال يندموا ع اللحظة اللي اتولدوا فيها بسببي طالما انا مش قد المسؤولية
يبقي بلاها جواز اظلم نفسي ليه ؟ و اظلمه معايا ؟
قعد يتكلم معايا كتير ع انه سنة الحياة و بتاع و انا اقوله طالما سنة و انا مش عايزة يبقي خلاص مش عليا ذنب
قالي يعني لما يتقدملك واحد كويس هترفضيه لمجرد انك مش قد المسؤولية ؟ قولت له اه قالي انأويتي انت عايزة تقعدي من غير جواز ؟ انت عايزة الناس يقولوا عليا ايه ؟ ماعرفتش اربي ! عايزاهم يقولوا انك مش بنت و مقضياها !!
انا اللي هو بقيت واقفة كدا مش عارفة انطق ب حرف .. للدرجة دي كلام الناس اهم عندك من سعادة بنتك ؟؟ و لما ارجعلك مطلقة هتبقي مبسوط ؟ قالي ع الاقل هتكوني جربتي و يمكن تكون فرصتك فيه حلوة
كل دا .. دا غير طبعا الاكل اللي بنحطه سخن و نفضل احنا نجري حوالين بعض و مش بنلحق نأكل ف نقوم نغرف تاني ف نأكل و الاكل بارد و مانحسش ب طعمه
دا غير طبعا اللبس اللي ممنوع عليا اني اقعد براحتي ف البيت بسبب بابا و اخواتي لازم اقعد براحتي ف اوضتي بس غير كدا لا
دا غير طبعا المعاناة بتاعت كل شهر بتاعت وجع البيريود .. دا غير اننا لازم نقعد نشيل حاجات كدا ب استمرار .. دا غير انك حتي بعد الجواز ف الزوج مسموح له يتجوز عليك 3 غيرك عادي و انت ك زوجة تعرفي ماتعرفيش ف طزززز مش فارقة اصلا .. دا غير انك مسؤولة عن كل مصيبة و انت دايما السبب و انت دايما الغلطانة و انت اللي بتخربي بيتك حتي لو الراجل خاين
دا غير طبعا انه لو جبت الزوج و خيرته بين والدته و مراته هيختار امه و احنا ف لاء نبيع اهلنا و نختاره هو .. دا غير انه فيه حديث انه لو احنا مأمورين ب طاعة حد غير ربنا ف هيكون الزوج .. معظم اهل النار من النساء .. و انهم هيبقي ليهم حور عين كمان ف الجنة غير مراتهم
يعني حتي كمان ف الآخر ف الجزاء بتاعهم احلي ، رغم انهم لا بيتعبوا و لا بيعانوا من ربع المعاناة بتاعتنا دي
و غيره و غيره و غيره و غيره ...
ممكن تقولوا لي ع ميزة واحدة ف كوني بنت دلوقتي ؟؟
انا بجد نفسيتي متفشفشة كدا
و بقيت بفكر انه ليه وأد البنات حرام ؟ مع انه ارحم من كل التحكمات و الضغط دا عليها !!
انا دي مش مشكلتي ، انا دي المصيبة بتاعتي لانها حرفياً عمالة تسيطر ع افكاري و تخلي تفكيري سلبي و بعيد عن ربنا جدااا و انا فعلا مش عارفة اعمل ايه ...
يا حبيبتي اهدي خالص... انا بكلمك لكنني اكتر وحده حاسة بيكي وحالتي تشبه حالتك إلى حد كبير... ونا بقرء. السؤال بتاعك فكرني على اسئلتي بالظبط، بما ان ربنا خلقنا بنات، فا احنا جينا الدنيا دي عشن هدف معين، ماتفكريش كتير! ربنا لو كان عالم ف الغيب أن خلقتك ولد أصلح ليكي كان خلقك ولد ، وإلا كنتي جيتي عصفورة أو قطه أو أي دابه! انا كنت بقول نفس الكلام بس لما قرأت آية ولا وتمنوا ما فضل الله به بعضكم على بعض للرجال نصيب مما كسبوا وللنساء نصيب مما اكتسبه واسألوا الله من فضله... تفسيرها يا حبيبت قلبي أنه ماينفعش المرأة تتمنى لو كانت رجلا، و مبدئياً دا اعتراض على قدر الله وربنا أمرنا بالرضا بالقدر خيره وشره، القدر الشر دا احنا لل سميناه شر اكمن لما احنا بشر ف نظرتنا القاصره لا تدعونا للصبر ولا انتظار جميل عوض الله، انما الدنيا دار شقاء وابتلاء وألا أن في الدنيا جنه وهي بالتأكيد جنة الرضا، انا لسة حاصل معايا موقف مش لطيف أشبه بالله بيحصل معاكي و بصبر نفسي بأن دا مش اول موقف، وأن انا ماليش غير الرضا، اصل هروح فين معلش؟ انتحر وللا اهرب؟ وللا اهرب للخيال وانتظار فارس الأحلام على الفرس الأبيض؟ والحقيقة دا كله تضييع وقت، عاوزة فارس الاحلام لل بجد مش كلام، اللي يكون عوض من الله ويجبر قلبك عليكي بالدعاء! والصلاة الإبراهيمية بنية صلاح الحال والزواج الصالح، اسمعي فيديوهات لقناة اخت من الأخوات جزاها الله خيرا اسمها يوميات ام خالد، بتحكي قصص واقعية المعجزات حصلت مع للي ادمن الاستغفار أو الحوقله أو الصلاة الإبراهيمية افتكرني انك اتخطيتي كتير، ودي مش اول مرة و كمان لا يكلف الله نفساً إلا وسعها ، مادام ربنا حطك ف موقف اكيد نتي قده، طيب نا موقف طفيف اعتبرته روتيني بيحصل معايا اني السنه لل فاتت ف تالته ثانوي انا لل كان عليا مصالح البيت كلها وامي سافرت واخدا الفون لل بذاكرة عليه ، وكل اشغال اخواتي كانت عليا معايا اخت لا بتذاكر ولا بتعمل حاجة، ماكنتش بذاكرة وليالي الامتحانات كنت بروح كافيه مشن اعرف الم اي حاجة، لا حد سأل ولا مين كان عارف انا فين اصلا، المهم طبيعي ماكنتش بذاكرة من اول السنه ف هجيب مجموع مش احلامي اكيد، الكل لامني وعايروني مع انهم هم السبب ، دا غير لل اتظلمت فيه ومحدش رضي يروح معايا نعمل تظلمات، ونا قائمة والمفروض اذاكر عشن اداوي المجموع لل جبته لا، ونا كان نفسي ف مجموع طب، بس الحمد لله... الكل أقحمني اكتر ف المصالح وقالوا كده كده نتي فاشلة، ف اتاقلمت خصوصاً بعد ما طرحت اسئلتي والأعضاء والخبراء فادتني عرفت اتأقلم الحمد لله، مع ان لو وحدة مكاني نا شايفة كانت انتحرت، بس انا أيقنت أن دا قدر ولله الحمد، ف الخلاصة يا حبيبتي انك احمدي ربنا وحاولي تتأقلمي اصل مالكيش غير الرضا، واسألي الله الصبر لانه مش سهل انا عارفة، ادعي ديما وقولي اللهم أفرغ على قلبي من الصبر ذنوبا حتى يرتوي، و ادعي كتير ربنا يبعتلك زوج صالح بمواصفات معينة نتي عاوزاها، والله ربنا مش هيضيعك وهيراضيكي، ربنا قائل ف القران؛ ونحن أقرب إليه من حبل الوريد، واصبر وما صبرك إلا بالله ولا تحزن عليهم ولا تك في ضيق مما يمكرون، لا تحزن إن الله معنا ولقد نعلم أنك يضيق صدرك بما يقولون، فسبح بحمد ربك وكن من الساجدين، يا أيها الذين آمنوا استعينوا بالصبر والصلاة ان الله مع الصابرين واستعينو ا بالصبر والصلاة وإنها لكبيرة إلا على الخاشعين لولاةأن ربطنا على قلبها لتكون من المؤمنين فضحكت فبشرناها إنك لا تهدي من أحببت ولكن الله يهدي من يشاء وليربط على قلوبكم وما توفيقي إلاةبالله عليه توكلت وإليه أنيب الا يعلم من خلق وهو اللطيف الخبير دي رسائل ربنا لينا ف القرآن، طبعا وغيرها كتير بس حسب ما افتكر، انتي ارضي وربنا هيراضيكي، ربنا قال ف حديث قدسي يا عبدي أن انت رضيت بما قسمته لك أرحت قلبك وبدنك وكنت عندي محمودا، وإن أنت لم تعرض بما قسمت، فوعزتي وجلالي لأسلطن عليك الدنيا تركض فيها ركض الوحوش في البرية ولا يكون لك منها الا ما قسمته لك فانتي ارضي، يرتاح قلبك وبدنك، وتكوين محمودة عند ربنا بمعنى أنه يتولاكي ويغفر لك ويجبر قلبك، ربنا اسمه الجبار بيجبرةقلوب المكسورين، لو شكيتيله مش هيقوللك معلش، هيرد فوراً لأنصرن عبدي ولو بعد حين... اتمنى تكوني استفدتي♥️✨
تم النشر السبت، ١٩ أكتوبر ٢٠٢٤
السلام عليكم اختي، اولا صلي على النبي ، وبإذن الله هنالك حل لكل شيء💓 اولا دعيني اذكرك بحديث الرسول صلى الله عليه وسلم: قال رسول الله صلى الله عليه وسلم لا تكرهوا البنات فإنهن المؤنسات الغاليات وإن كانت هنالك معاملة خطأ من قبل الأهل فدعينا لا نلقي اللوم على القدر والدين والعياذ بالله، وكل ما قلتيه ما هي الا وسوسة من الشيطان ومحاولة خلط الحق مع الباطل... انا فتاة وانت فتاة أي لا توجد فروقات بيننا في الأحكام وكل شيء لذلك سوف اجيبك خطوة بخطوة: ١. تعامل اهلك بتفرقة التربية بينك وبين اخوتك الأولاد لا شك انها غير صحيحة، فالنظافة والطهارة واجبة على الرجل وعلى المرأة، وكما ذكرتي سابقا ان هذا التعامل كان بسبب الضغط على والدتك من قبل المجتمع، وهذا لا يعني انها على حق في كل شيء، لكنها ستبقى امك واستحضري كل الخير التي قامت به لأجلك ولو كان قليل. ٢. دعينا لا ننكر اننا نختلف عن الشباب بكثير من الأمور، لذلك فالأحكام بيننا غير متساوية وهذا من العدل، فها هم الغرب يحاولون تحقيق المساواة بين الذكر والانثى وهذا ما زادهم الا ضلالا (يمكنك البحث عن القصص المأساوية التي تحدث عندهم بسبب هذا الأمر) ٣. لبسك للبناطيل وتاخرك مثلا بالرجوع للمنزل كل هذا سيأتي بالضرر عليك انت قبل كل شيء، انسِ المجتمع وتذكري خالقك واحكامه، لو انك تدرين ما يدور في عقل الشباب غير المحترمين حين يرون فتاة تلبس شيء يفصل جسمها لكرهت جسمك صدقيني. ٤. لقد قدّر لك الله التعلم في الكلية التي تحبينها، استمتعي بالطريق، حياتنا ليست فقط مهام علينا انجازها، بل هنالك طريق علينا سلكه وعيشة، استمتعي بمجهودك وادعي ربك ان ييسر لك امرك وعملك المستقبلي وكل هذا، تنفسي لا تضغطي نفسك بأمر مستقبلي في هذه اللحظة. ٥. جلوسك "براحتك" بالمنزل .. هل تقصدين اللبس القصير مثلا؟ اعلمي يا اختي ان عورة المرأة امام المرأة مثلا هي من الصرة الي الركبة، ومن الحياء محاولة الاحتشام مهما كان الشخص قريب عليك او من محارمك، فأنت تعلمين انك فتاة بالغة ولديك مفاتنك، والحياء شعبة من الايمان ٦. كما قلت لك الرجل ليس كالمرأة ولا يعني ان المراة اقل من الرجل، لكن كما ان للرجل واجبات مثل النفقة، للمرأة هنالك واجبات مثل طاعة زوجها بما يرضي الله: قال النبي صلى الله عليه وسلم: إذا صلت المرأة خمسها و صامت شهرها و حصنت فرجها و أطاعت زوجها قيل لها: ادخلي الجنة من أي أبواب الجنة شئت》 وهذا واجب علينا اختي، ولما ننقاش ونجادل في اوامر الله، مهما كانت صعبة ومهما كانت بالنسبة لنا غير مفهومة لكن نحن نعلم ان الله خلقنا ويعلم ما الأفضل لنا، فلما لا نطيعه؟ في كل خطوة وفي كل عمل لوجه الله فقط، لا لأجل المجتمع ولا لغيره. ٧. الدليل على ان ما تفكرين به جزء كبير منه من وسوسة الشيطان، هو اخذك للأمثلة المتطرفة، من قال اذا طاعت المرأة زوجها سوف تهجر اهلها؟ من قال اذا احب الزوج امه او اخته اذن هو لا يحب زوجته؟ بالعكس هذه من شيم الرجولة، انا عن نفسي افضل ان يفضل زوجي المستقبلي امه واخته عليّ! لانه هذا المنطقي، امه التي ربته وعلمته كل شيء يأخذ واحدة غريبة ويفضلها عليها؟ لماذا؟ اخته التي من لحمه ودمّه، يضعها في مستوى اقل من زوجته؟ لكن هذا لا يعني معاملة الزوجة بقسوة، وهذا لا يعني التقليل من امرها امام عائلته فهذا من التطرف ايضا! وقد قال صلى الله عليه وسلم: خيركم خيركم لأهله وأنا خيركم لأهلي. رواه الترمذي. وقال صلى الله عليه وسلم: أكمل المؤمنين إيمانا أحسنهم خلقا، وخياركم خياركم لنسائهم. ٨. حور العين في الجنة، هي للرجال صحيح لكن نحن نتحدث عن الجنة ، عن فضل الله وجائزته لنا! هل من الأدب مناقشته فيما فيها؟ ولله المثل الاعلى، الآن اذا اعطيتك هدية هل تناقشيني فيها؟! هل هذا تصرف محترم اختي؟ نحن ندخل الجنة برحمة الله لا بأعمالنا، فأعمالنا لوحدها لا تكفي! بل انها سبب لكي يرحمنا الله. ثم ان في الجنة لا توجد غيرة ولا أي شعور سلبي، وفيها ما تشتهي الأنفس. نساء الجنة اجمل من حور العين بأضعاف المرات، قصرك لك حديقتك لك انهارك لك، أي نعيم هذا؟ ربما الله يخبئ لنا نحن النساء ايضا مفاجأة اكبر واكبر (فيها ما لا عين رأت ولا اذن سمعت) ثم يا اختي انت تعلمين ان الشباب بطبيعتهم اكبر شهوة من النساء بأضعاف المرات، وغض البصر بالنسبة لهم اصعب بكثير من النساء، فهل ترين ان هذا الشخص الذي حاول وجبر نفسه على طاعة الله على الرغم من كل هذا ومثلا لم يقدر الله له الزواج او مات قبل ذلك، هل ترين انه هذه الجائزة غير مناسبة لطاعته؟ الجزاء من جنس العمل... فنحن اكثر ما نحبه التزيّن فهل عندما البس اللباس الفضفاض يعني انني لا احب ان ازين نفسي؟ هل عدم وضع مساحيق التجميل في الخارج يعني انني لا احبها؟ كلا بل احبها لكت احفظ نفسي لكي استخدمها في الوقت والمكان الصحيح والذي احلّه الله لي بإذنه تعالى. ثم ان في الجنة اسواق ندخلها فنزداد جمالا! إنَّ في الجَنَّةِ لَسُوقًا، يَأْتُونَها كُلَّ جُمُعَةٍ، فَتَهُبُّ رِيحُ الشَّمالِ فَتَحْثُو في وُجُوهِهِمْ وثِيابِهِمْ، فَيَزْدادُونَ حُسْنًا وجَمالًا، فَيَرْجِعُونَ إلى أهْلِيهِمْ وقَدِ ازْدادُوا حُسْنًا وجَمالًا، فيَقولُ لهمْ أهْلُوهُمْ: واللَّهِ لَقَدِ ازْدَدْتُمْ بَعْدَنا حُسْنًا وجَمالًا، فيَقولونَ: وأَنْتُمْ، واللَّهِ لَقَدِ ازْدَدْتُمْ بَعْدَنا حُسْنًا وجَمالًا ٩. التعدد في الاسلام مباح للرجال لكنه هنالك قانون اساسي له وهو العدل : {فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة} (النساء:3) يقول لهم الله فقط ان خافوا ان لا يعدلوا، فقط ان خافوا! فواحدة... حسنا افهمك نحن لا نحب ان يشاركنا احد في زوجنا وهذا طبيعي وكذلك طبيعي ان تدعي خالقك بأن تكفي زوجك وان لا يفكر اصلا في الزواج، مادامك قريبة من الله مالك كل شيء والذي بيده ملكوت كل شيء، حيث يمكنك الدعاء متى اردت وبما اردت (بما يرضي الله) فلماذا تخافين؟ كم من امرأة تنكر التعدد والعياذ بالله وتنتقده وتغضب عليه وزوجها متزوجها فقط هي؟ كم من امرأة ماتت وهي تغضب الله بهذا الامر والله لم يقدّر ان يتزوج زوجها عليها؟ ماذا استفادت؟ لا شيء بل خسرت الكثير وبالمقابل كم من امرأة لا تنكر التعدد ولم يتزوج عليها زوجها؟ وعاشت فقط هي وهو ولم تغضب ربها ايضا! ١٠. العمل للمرأة هو تكليف هي من زادته عليها، غير محرم في الدين مادام يكون حسب الضوابط الشرعية، ومادام لا يوجد تقصير للعائلة والاولاد... فها انا الحمدلله اكمل تعليمي في الماجستير وكوّنت عملي الخاص من المنزل وذلك حفظا لمستقبلي ولمستقبل عائلتي بإذن الله تعالى... حددي الاولويات، ولا تمشي فقط في خط المعارضة وانتبهي من خلط الحق مع الباطل. 🌱 توجهي لخالقك فهو احن عليك من امك، واعلمي ان كل احكامه ما هي الا خير لنا ولمستقبلنا، واعلمي ان الحياة فانية، وتذكري انه هنالك اشجار في الجنة تمشين تحت ظلها ٧٠ سنة! هل تتخيلي هذا!؟ ونحن منشغلين في الاعتراض على القدر؟ والعياذ بالله من هذا. اسأل الله ان يوفقك في حياتك ومستقبلك🌿
تم النشر السبت، ١٩ أكتوبر ٢٠٢٤
انا رجل ولكن هتتفجى من مدى فهمى لمعاناتك بس انت محتاجه علاج نفسى وده مش عيب او حرام انا نفسى ناوى اروح عشان انا مدمن اه مدمن بس بحاول اصلح وناوى اروح اتعالج وانت البيئه اللى حوليكى سببتلك حاله من الغضب والسخط والانكار وكراهيه الذات وغالبا الحالات دى بتقود الى الانتحار ولا مبقولش انك هتنتحرى ده حل جبان جدا لوحده ذيك انت قويه عندك رؤيه واضحه اكيد محرجه شويه من طلب المساعده بما انك هنا او مفيش حد يساعدك احنا كلنا هنا علشانك انت وعشانك انت بس انت مميزه انت جوهره غير مصقوله والبيئه اللى حوليكى حجر شحذ عشان تخليكى جوهره مفيش منك اتنين واحنا ديما موجودين علشانك ان حبيتى تتكلمى فى اي وقت احنا هنكون جمبك عشان انت مميزه
تم النشر الأربعاء، ٢٣ أكتوبر ٢٠٢٤
انا متأسفه ليكى بالنيابه عن افعال والدتك معاكى الحقيقه كل الكلام مش كافى بس فعلا مش كل الامهات كويسه ف التعامل حتى لو مامتك بتحبك بس طريقتها مش صح انا معنديش الخلفيه عن السبب ف كره والدتك عن البنات وسر غضبها منك بشكل مستمر لمجرد انك بنت هل ده بسبب انها كانت بتتعامل بطريقه قاسيه لأنها بنت ف اتكون عندها عقده ولا عشان الناس الى حواليها قالولها كلام مش كويس عشان اول خلفتها بنات ف كل الأحوال ده مش مبرر ابدا لتعاملها القاسي وانها دخلت جواكى احساس بإنك عبء ع المجتمع وأن وجودك ف حد ذاتو شىء غريب ومكانش ينفع مع أن مفيش حد مخلوق بلا سبب وكلنا لينا سبب عايشين عشانه والحياه عمرها ما تستمر بالرجال فقط معرفش ازاى لسه فى ناس بتفكر كده عموماً انا عاوزه اقولك ان مش ذنبك خالص انك اتولدتى مع ام بتفكر بالطريقه دى كل حاجه كانت بتعملها كانت بتعملها بطريقه غلط لما سمعت كلام الناس فى موضوع ان البنت تساعد مامتها بدل ما تقولك تساعديها كانت بتجبرك انك تعملى حجات مش لازم تعمليها لما اخواتك يكونوا نوعا ما كبار ولسه مش عارفين ينضفوا وراهم وبتحملك المسؤوليه بدل ما تعلمهم انهم لازم ينضفوا وراهم ده غلط ومصيبه كمان ده غير كلام كتير جارح وقاسي هى مش مدركه خطورته عليكى وتأثيره ، بالنسبه لوالدك هو كمان اسلوبه ف الكلام مش زى الاحساس الى جواه هو خايف عليكي بس قالك كلام جارح يمكن غظب عنو أو من ورا قلبو وطبعا عدم رغبه البنت ف الجواز لا تعنى انها مش بنت او حتى سلوكها مش كويس ابدا بس المهم أن لازم كل حد ياخد قرار زى عدم رغبته ف الجواز لازم يكون ليه سبب ، السبب بتاعك هو انك اتعقدتى من الجواز فاكره ان الجواز موضوع مرعب وقد ايه الراجل هيعاملك بطريقه قاسيه وكلامه جارح بتشوفى اسرتك فيه والحقيقه دى غلط ربنا يعوضك خير بزوج كويس لازم توسعى تفكيرك وتخليه ناضج اكتر من كده مش لازم اهلنا يعرفونا كل حاجه دلوقتى ممكن تسألى عن اى حاجه زى موضوع النظافه الشخصيه الى مامتك بتزعقلك فيه مش مهم دورى بنفسك متسأليش صحابك ابدا اسألى اليوتيوب او اسألى هنا وموضوع الجواز بيعتمد على الاختيار الصح لو حد حبك مش هيقولك كلام يدايق مش هيضطر يتجوز عليكى تلاته ولا يفضل أمه عليكى بالسوء ولا حتى يشغلك خدامه كل حاجه هتكون تمام مش لازم تكون العيله بتاعتنا هى نفس العيله الى هنكونها ف المستقبل مش يمكن تاخدى موضوع افكار والدتك حافز ليكى لتكوين اطفال وتعليمهم كل حاجه كان نفس حد يعلمهالك تحبيهم زى الحب الى كان نفسك تتحبيه من والدتك سامحى والدتك ومتركزيش ف كلامها وادعى كتير ربنا يغير تفكيرها وادعى حياتك تتحسن الدعاء بغير الأقدار ربنا يوفقك
تم النشر السبت، ١٩ أكتوبر ٢٠٢٤
عزيزتي، أولاً أود أن أقول لكِ إنني أشعر بمعاناتك، وأفهم تمامًا ما تمرين به. ما وصفتيه هو تجربة مؤلمة ومليئة بالضغوط، وأثرها بالطبع على نفسيتك وحياتك. إن التوقعات المجتمعية والدور التقليدي الذي يُفرض على الفتيات والنساء يمكن أن يكون قاسيًا ومظلمًا. لكن يجب أن نتذكر أننا جميعًا نملك خيارات وحقائق جديدة يمكننا قيادتها. كوني قوية، وركزي على ما تريدين أن تفعليه في حياتك. يُعد التعليم والعمل جوانب مهمة في تحقيق ذاتك وبناء مستقبل مشرق. يجب عليكِ أيضًا البحث عن الدعم، سواء من أصدقائك أو من مختصين في المجال النفسي، حتى تتمكني من التعبير عن مشاعرك والتغلب على آثار تلك التجارب. تذكري أن الله سبحانه وتعالى خلقنا جميعًا لنكون مسابحين في هذه الحياة بأهدافنا وطموحاتنا، وأننا، كنساء، نستحق كل الاحترام والفرص للنجاح والتقدم. يمكنك أيضًا محاولة الابتعاد عن العبارات السلبية التي تؤثر على تفكيرك، وتذكري أن تغيير البيئة التي تعيشين فيها أمر ممكن عبر النقاش والإقناع بهدوء. استخدمي قيمك ومبادئك كقاعدة لبناء حياة تشعرين فيها بالسلام والسعادة. أخيرًا، لا تنسي أن مشاعر القلق والحزن هي جزء من الحياة، ولكن لا يجب أن تكون السيطرة عليك. نساء كثيرات استطعن تجاوز الصعاب والتحديات، وأنتِ أيضًا تستطيعين ذلك. آمنِ بنفسك، وتأكيداتك الإيجابية، وابدئي بمسيرة نحو الحرية الذاتية والسعادة الحقيقية.
تم النشر الجمعة، ١٨ أكتوبر ٢٠٢٤
لابد من ان كل بنت مرت بتجربه كهذا ولكن لابد ان نكون واثقين من نفسنا وهذا تفكير همجي ان البنت شي يسطيعوا ان يسطروا عليها لانها كيان متفرد حيث كانوا قبل الميلاد يقدسون النساء ولكن هناك عصور اتسمت بجهال وانحيزيه وتطرف الى تفكير ذكوري محظ ولكن الاسلام رفع من مكانه المراة حيث كانوا يعتبروها مجرد شي يمتلكوه وايضا اعطها مهر ومكانه عاليه واصبحت في الاسلام للمراة دور كرجل فهناك من كانت محاربه متل خوله بنت الازور وهناك مسعفه وغيرها لذا هناك مميزات اعظم من الرجل وهناك مثال يقول ان وراء كل رجل عظيم المراة اعظم منه ومن يستحقر دور المراة فما هو الاوهم وجاهل
تم النشر الأحد، ٢٠ أكتوبر ٢٠٢٤
يا حبيبتي اسم الله عليكي 🥹 ايه وجع القلب ده حاسه بيكي يا عيوني انتي ربنا خلقك انثي وميزك الانثي دي اجمل شئ ع الأرض وجعل الجنه تحت اقدامك وجعلك سوره في القرأن الكريم سيبك من الناس الجاهله اللي حواليكي دول متسمعيش من حد دول سيبهم ل ربنا وبس ربنا يريح قلبك ويفرج همك ويفك كربك ويرزقك حظ الدنيا ونعيم الاخره يارب ويعوضك كل خير
تم النشر الاثنين، ٢١ أكتوبر ٢٠٢٤
لاء انا مش متجوزة و لا عايزة
تم النشر السبت، ٢٦ أكتوبر ٢٠٢٤
اللهم امين يرب تسلمي لي بجد كلك ذوقك و ربنا يجعل الدعوات دي كمان من نصيبك و يجعلها ف ميزان حسناتك ♥️
تم النشر السبت، ٢٦ أكتوبر ٢٠٢٤
هو ليه التفكير العميق ده هو انتي متزوجه اصلا
تم النشر الثلاثاء، ٢٢ أكتوبر ٢٠٢٤
لعرض السؤال في فدني اضغط هنا